مصر موتورز مجتمع السيارات - لكل عشاق لانسر 93

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - لكل عشاق لانسر 93 (https://www.masrmotors.com/vb/showthread.php?t=44214)

رد: لكل عشاق لانسر 93

شكرا على النصيحه
بس لو عندك اى اجابات على الاسئله يا ريت تفيدنى و يبقى كتر خيرك

رد: لكل عشاق لانسر 93

:( :( :(
ممكن لو حد عنده اجابه ؟

رد: لكل عشاق لانسر 93

حكايه الموديل يامان هيا لاجديده ولا قديمه اوى برده وممكن طبعا تلاقى منها حالتها حلوه جدا جدا ممكن تلاقيها فبريكه بره وجوه كمان

عيوب العربيه دى زى اى عيوب عربيه تانيه عاديه يعنى لو حافظت عليها مش هتزعلك فى حاجه

الماتور كله 1300 وممكن تسقط انت ماتور اكبر مافيش مشاكل

لو هتشترى اشترى دلوقت قبل الصيف العربيات بتعلى فى الصيف
ولو احتجت اى استفسار عن العربيه دى انا موجود

رد: لكل عشاق لانسر 93

شكرا جزيلا driv3r :)
طيب الصيف ده قصدك بيه بدايه الاجازه مش كده و اللا ايه ؟يعنى لو استنيت لاخر 5 او اول 6 ابقى كده دخلت على موسم الصيف ؟ (ده طبعا بغض النظر عن ان الجو حر من دلوقتى ههههه)
و فى رايك تعمل لها كام ؟

رد: لكل عشاق لانسر 93

:( :( :(
ممكن لو سمحتم حد يرد عليه :(

رد: لكل عشاق لانسر 93

العربيه دى بتتكلم من اول 32 لغايه 36 وممكن تعدى ل39 كمان حسب حاله العربيه طبعا والسعر الاخير دا لما تكون حاله شاذه

رد: لكل عشاق لانسر 93

اقتباس:

المشاركة الأصلية كتبت بواسطة CARDIO (المشاركة 379353)

السلام عليكم
انا كنت عاوزه اشترى عربيه و فى ناس نصحونى اجيب لانسر بطه مع العلم ان دى اول سواقه ليه و عندى شويه اسئله من فضلك
1 لما تكون موديل 92- 95كده تبقى قديمه قوى والا لا و ممكن الاقى منها حالته حلوه؟
2 ايه هى عيوبها؟
3هل فى منها 1300 و 1600 و الاكله 1300؟
4 لو 1300 و حالتها كويسه تعمل لها كام؟
5هل فى فرق فى السعر فى المستعمل لو اشتريت دلوقتى او على بدايه الصيف؟
كفايه كده اسئله هههههههه
شكرا مقدما

السلام عليكم
اولا اسف جدا اني اتاخرت عليكي في الرد
لكن انتي ذكرتي حاجه مهمه اوي ان دي اول عربية
ممكن تجيبي بطة لو قارنتي بين الكريستالة والبطة
وهيا معايا البطة وبتستحمل سفر ومشاوير كتيره جدا والحمد لله مبتقولش حاجه
وتكييفها ممتاز بس الكريستاله احسن منها في الشكل والعزم وان فيها 1500 سي سي

اول عربية يبقي معناها مصاريف قليله خبط كتير اكل مطبات ده طبيعي جدا
هاتي بطة نضيفه هتكون محتاجه تغييرات خفيفه تبقي بحوالي 37 اوالرينج ده
لو نزلتي سوق الجمعة هتلاقي بطة ب 32 وورينج قليل اوي فاحذري
العربية متغركيش من بره وان شكلها حلو ومتروق عليها
لان ممكن تاخديها وتعملك مشاكل بعد كده كتيره
العربيه دي الحلو فيها ب 36 - 37- 38 لحد 41 ميزدش ابدا
و41 دي بتبقي حالة مميزة جدا وفريده من نوعها او مجددة بالكامل ده او ده

عموما مش هطول عليكي بس البطة هتبقي حنينه عليكي شوية عن الكريستالة في السعر وفي سعر قطع الغيار
مش هتصرف كتير اوي هتبقي نص الكريستالة بالظبط لان انا ليا واحد صاحبي كريستاله ومغلباه مصاريف

تحياتي