رد: بدء حجز جين تو وساجا 2011
 

السلام عليكم
يا محمد بيك متزعلش من الكلام ده هو حر دى وجهه نظره وكلمه انانى دى اكيد مش مقصوده لانه ميعرفش سنك ولا تعامل معاك فالراجل فاكرك تاجر
وعلى العموم متزعلش يا محمد بيك انت راجل محترم جدا جدا وانا من خلال تعاملى على الهاتف انت راجل فوق المحترم وخدوم وخلوق . واسمحلى اقوله انو لو تعامل معاك او عرفك الكلام حيتغير و اكرر احترامى واعتذارى ليك يا محمد بيك


الاستاذ mmffor
سعر العربيه كان 63 الف
زجاج كهرباء امامى
تكييف سنتر باور تقيل (ميزه غير عاديه )
اير باج للسائق
تحكم فى ارتفاع المقعد والسائق
فتح الشنطه والتنك من الداخل
اضواء شبوره امامى وخلفى
جنوط سبور 14 كاوتش عريض 185
سنسور بارك
2 مفتاح ريموت + انذار + ايمو بلايزر (استحاله سرقه السياره )
كاسيت سى دى اوديو كلاريون اربع سماعات
اتساع غير عادى فى الحجم الداخلى والشنطه
شاسيه 75 % من الفولاذ
بروتون تحصل على 3 او 4 نجوم فى اختبار الامان الاروبى
تباع فى المملكه المتحده اغلى من السيارات الكورى .
فى احدى حلقات توب جير قورن بين البروتون وجا والتويوتا افينسيس وليس الكورولا لفوز بروتون الويجا ببساطه على الكورولا
http://www.youtube.com/watch?v=IiVGg2wgBbw
اخيرا
مثال بسيط
هيونداى فيرنا
4 زجاج كهرباء
تكييف سنتر باور (سايب)
2 مفتاح ريموت
كاسيت رود ستار
ساعه
طاسات رياضيه ( حلوه دى طول عمر الواحد يسمع عن جنوط سبور انما طاسه سبور دى جديده )
موتور جبار ( والبروتون سجا بتطلع منه بالعافيه انما بطلع منه )
صالون من خامه زى الزفت الباب بيشخلل وهى زيرو
امان يتساوى مع امان الموتوسيكل
دى وجه نظر واحد ركب فيرنا وسجا
كل ماسبق شايف انك تعرف تضيفه فى العربيه ب500 جنيه
انا ادعوك لفتح محل وانا حبعت ليك ناس واعملك دعايه كمان
انا ادعوك انك تركب ساجا وبعدين تتكلم على العربيه الى ماشاء الله 1332
94 حصان الى بتجرى مع الى 1600 فى مصر
ملحوظه
الشاسيه للبروتون ساجا 75% من الفولاذ والشداد الموجود بعرض الشنطه على شكل حرف اكس وعارض فولاذى خلف التابلوه يعنى من الاخر (بسم الله ماشاء الله )
عربيه بتحترم كل من يقودها فى كل شى
وربنا يهدينا جميعا للخير

رد: بدء حجز جين تو وساجا 2011
 

يا استاذ محمد انا مغلطش فيك و لو عايز تشوف اي مشاركة ليا انا دايما ارشح الساجا في اي مقارنة مع فيرنا او لانوس او حتى لوجان!! لان سعرها متميز مقارنة بكمالياتها و لكن يعيبها عدم توافر قطع غيارها بره التوكيل و حتى جوه التوكيل لبعض القطع!! و ده عيب فظيع!
و عموما ادب حضرتك يجبرني اني اعتذرلك بالمثل و معلش مكانش قصدي اي كلمة تزعل حد بس انا اسأت الظن في تعليقك بكلمة بطلوا حقد! لاني انا مش حاقد ولا حاجة بس انا زعلان على الموديل الكويس اللي كنت متوقعله النجاح و لكن توكيله بسياسته الاستغلاليه حيفقده ميزه من مميزاته و هو سعره المتميز و بالتالي اللي حيشتريها حيبقى واحد غاويها و ده فعلا حيقلل انتشارها! انا خايف على الموديل و ملاك العربيه و متضايق من استغلال التوكيل!
و المسامح كريم و عذرا مرة اخرى اخي الفاضلROSE4U

رد: بدء حجز جين تو وساجا 2011
 

السلام عليكم
الف مبروك على زياده سعر السجا 68 الف و73
ده بردو شويه على قيمه العربيه الحقيقيه وده اهم عيب فى عز العرب مبيعملش دعايه مقابل تخفيض فى سعر السياره ده غلط غلط مع شعب مصر . شعب مصر اثبت بالدليل انه عاوز اعلانات والعربيه الى حتنطلق بطموحاتك وشويه كلام فاضى وفى الاخر يطلع العربيه ام طموح مرفوضه من الدخول لاغلب بلدان العالم لافتقرها الامان والجوده .وطبعا انا مش حتكلم على التوكيل الطموح الى انطلق بطموحات الناس الناس هى الى بتتكلم عن البلاوى السوداءالى فى العربيه الى انطلقت بطوموحاتهم وفلوسهم .
والتوكيل الاهم والاخطر والاكبر ابو عربيه بتمشى على الحيط (توكيل دمر نفسه بالميجان والى عمله فى الناس ) والغريب ان فعلا كلامى صح جدا والدليل على كدة كلم واحد معاه رينو ميجان وقله عربيتى . والكهرباء ( حيتفتح فى الغضب الثوره من التوكيل والكهرباء والبطاريه والكنترول ) جرب تقله العربيه عامله ايه معاك انا بفكر اشتريها حتلاقى الراجل الى كان بيسب ويلعن ده حتلاقيه بيقول فيها اشعار وحلاوه الرينووجمال الميجان ..
والله ده الشعب المصرى .
انا ضد اى حد بستغل الظروف والدليل انى بدور على بدائل لـ قطع الغيار (يعنى عز العرب ده مش ابويا) وانا نفسى الناس الى تعرفنى عارفه انى اكتر واحد مضرور من الزياده دى لانى عاوز ابيع الى معيا واشترى اتوماتيك ساجا او بيرسونا .بس فعلا السعر الجديد ده بردو قليل على العربيه .
اسف للاطاله

رد: بدء حجز جين تو وساجا 2011
 

(what)
وعليكم السلام
الله يبارك في حضرتك

رد: بدء حجز جين تو وساجا 2011
 

بصراحة حاجة تحير ازاى ينزلوا نفس موديل 2010 ويغلوا السعر ويقولوا لنا ده موديل 2011 مبروك عليكوا
دى حاجة تفقع المرارة هو مولد وصاحبه غايب ولا ايه

رد: بدء حجز جين تو وساجا 2011
 

يا أستاذ محمد , أنا لو هانزل اشتري عربية b-70 ألف ماشي , لييه هافكر في ال ساجا علشان هي عربية هايلة ومواصفات جميلة و كماليات برضك حلوة بس أهم حاجة هي في مصر السعر المنافس , كل ماالسعر بيكون منافس كل ما مبيعاتك بتزيد كل مادورة راس المال مابتكون سريعة وتكسب أكتر. و التاجر الشاطر مش اللي يفرح بالمكسب اللي تحت رجليه , هو لما يفقد أهم قوة في عربيته وهي السعر المنافس.

أنا المشتري اللي بشتري عربية في الحدود بتعة el-70 ألف أكيد مش هكون فرحان وانا بدفع دم قلبي في قطع غيار غالية واقعد ادور واوافق قطع تركب زي الأصْلي فبلتالي وانا مغمض هاقوم مغير رأيي بمنتهى السرعة على أي عربية تانية سوقها ماشي وقطع غيرها موجودة في كل حتى زي حاجات كتيرة في نفس الفئة من فرنا - لوجان - لانوس وطبعا عائلات الصيني كلها .


أنا شايف إنه كان ممكن يعلي تمن الجين على أساس إنها في فئه عالية وكده كده اللي هيدفع 85 ألف مش هتفرق معاه قوي 2 أو 3 كمان ويسيب الساجا تنافس خاصة الاوتوماتيك اللي كان فعلا ممكن يضرب حاجات كتير في السوق زي الفرنا و البيكنتو w-i10 اوتوماتيك

الموضوع مش حقد ولا حاجة بس المشكلة إن التجار في مصر شايفين الملعب فاضي والناس اللي بتحط تخطيط الاسعار في غيبوبا كاملة.

رد: بدء حجز جين تو وساجا 2011
 

عزيزى / KAE

شكرا على ردك المتواضع .. موضوع الحقد ده لازمه عندى بهزار مش المقصود بيه الحقد الحقد يعنى ...

أنا معاك فى كلامك وأنا أول واحد يتقرص فى موضوع قطع الغيار ده لما الزجاج الخلفى للساجا اتسرطن ومالاقيتهوش الا فى التوكيل وفى المركز الرئيسى فى القاهرة كمان وإضطريت إنى أستنى أسبوع على ماجابوه من القاهرة للإسكندرية بالاضافة الى الجرح الكبير فى جيبى اللى خر 950 جم ....

لعلمك عز العرب هامش ربحه فى السيارة نفسها قليل جدا جدا فوق ماتتخيل لكن هما بيعوضوا ده فى أسعار قطع الغيار زى مانت شايف ....

أنا عرفت إن الوكالة بين بروتون وعز العرب بتشترط على بروتون ماليزيا عدم تصدير أى قطع غيار لسيارت بروتون فى مصر الا لعز العرب فقط ... يعنى إحتكار ..

الامل كبير أوى عندنا نحن البروتوناويه وخاصه الساجاويه فى إن قطع الغيار أسعارها تنزل زى الجين تو ... أول ما نزلت الجين تو كانت نااااااار لكن دلوقتى تعتبر معقولة شويه ...

الاسعار هتنزل أكيد لما العربية نفسها تنتشر ويزيد سؤال ملاكها للتجار عن قطع الغيار .... ولما الصين تشم خبر بالموضوع ده مش هتستنى اكيد وهيقلدوا قطع الغيار وينزلوها مصر...

بالفعل تم البدء فى خطوات الحل من خلال الزج بالعديد من الناس للسؤال عن قطع غيار محددة للساجا عند تجار قطع الغيار لخلق صورة عن الطلب المتزايد وبالتالى التجار هيبتدوا يوفروها ..

إحنا بنسأل التجار عن قطع غيار للساجا وإحنا متأكدين مليون فى الميه إن التاجر مش هيقول اه عندى وندبس فى ثمن حاجة إحنا مش عاوزنها دلوقتى والخطه هتنجح إن شاء الله ..

أضف على ذلك ظهور وإكتشاف بدائل مطابقة 100% لقطع الغيار فى سيارات أخرى زى ما الاستاذ / صلاح حكيم ما إكتشف وجرب بنفسه وقال للساجاويه كلهم والموضوع ده عمل فرق كبير جدا جدا ..

أضف على ذلك أيضا ... خطوة قمت بها بنفسى لما دوخت على زجاج الساجا .. ذهبت لأكبر مصنعى الزجاج فى الاسكندرية وتم رفع مقاسات الزجاج فى سيارتى .. الامامى والخلفى وزجاج الابواب ليتم تصنيعه بأسعار تصل الى ربع الاصلى بالتوكيل ..

بالنسبه لموضوع الدعاية والاعلان .. العربية نفسها بتعمل إعلان فى الشارع من شكلها وأدائها وسط السيارات الاخرى والدليل سؤال الناس
" هى العربية جنسها إيه يا أستاذ "
... بالاضافة الى الاعلانات اللى بيعملها أصحاب الساجا نفسهم عن العربية من خلال الفخر والانبهار بأداء السيارة وإعلام الناس بهذه السيارة الجديدة الاكثر من رائعه ... يعنى انا مثلا لم أسمع عن الساجا فى الجرنال ولا فى مجله .. لكن سمعت عنها من مالكيها اللى شكروا فيها وبالتالى إشتريتها وانا مغمض ولن أندم أبدا أبدا بإذن الله ...

تحياتى .....

محمد عبد المجيد