مصر موتورز مجتمع السيارات - يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

تاني برضه يا mastershot ؟
انت بتفكرني بنفسي أيام شبابي ( قصدي أيام ما كنت محتار في العربية ) :)
واضح ان انت بتقرأ كتير و دي حاجة كويسة ,
عندك ميزة كمان انك محدد مجالك في عربيتين بس و دة برضه أقل حيرة
و علشان خاطرك حاديك شوية نصايح ( ببلاش ) :)
1- انزل اتفرج على العربيتين في المعارض
2- شوف مقارنات العربيات دي برة ( مواقع أجنببية )
3- زي ماقلتلك الاستخارة مهمة جدا
لو عايز حاجة تحببك في المازدا أنا لسة شاريها من يومين و حاليا لسة باجربها و إن شاء الله حاعملكم تقريرعنها في أقرب وقت
بس هي عربية هايلة جدا
نعومة شديدة
ثبات عالي جدا
شكل جميل ( داخلي و خارجي )
ياباني 100%
حاتوفر مبلغ كبير
الهاي لاين فيها دلع كتير
غبور الوكيل الجديد
و حاجات تانية كتير

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

اقتباس:

المشاركة الأصلية كتبت بواسطة side view (المشاركة 323002)

انا ممكن افيدك من ناحيه الفانتازيا لكن المازدا الجديده ماجربتهاش
الدليل على قوه الفانتازيا انها موجوده فى 3 اشكال مختلفه
الاولى وهى الاساس وهى الجولف ( غنيه عن التعريف )
الثانيه وهى الجيتا ( وايضا غنيه عن التعريف )
الثالثه وهى الاوكتافيا
الثلاثه مبنيين على نفس الشاسيه والموتور والكماليات
بل الاظرف من ده كله التابلوه والتصميم الداخلى يكون واحد فى العربيات التاليه
اودى A4
الجيتا
الجولف
الاوكتافيا

وده سببه انهم جميعا ببساطه ( فولكس فاجن جروب )
الاظرف والاقوى منهم جميعا هى الباسات بما فيهم الاودى ( من ناحيه الكماليات وليس الموتور فالاودى موتورها 1800 سى سى وليس 1400 )

انا بيتهيألى انت محتاج تعمل Test Drive للمازدا وللاوكتافيا وانت تحس بالفرق بنفسك
بالنسبه لموضوع الثبات انا ماقلتش ان المازدا مش ثابته ولكنها لا تعلو الى مرتبه الاوروبى وأسأل اى واحد معاه اوكتافيا او جيتا او باسات

المازدا والسيفيك والكورولا او حتى الافينسيس عربيات شبابى رياضيه
لكن الاوروبى عربيات رزينه وقوره ليست للسحب والشد والتسابق
( ماعدا طبعا ا BMW )

نصيحتى بجد سيبك من كل الكلام النظرى والفروقات واعمل Test Drive للعربيتين وانت تشوف انهى انسبلك من ناحيه السواقه والارتياح النفسى

ربنا يوفقك

شكرا يا Side على معلوماتك القيمة دى كلها، انا ماكنتش أعرف كل الحاجات دى، وفعلا انا لازم أحاول أعمل بنصيحتك و أجربهم عملى، و إنشاءالله هابقى أقولك على رأى

اقتباس:

المشاركة الأصلية كتبت بواسطة خالداعزالناس (المشاركة 323009)

انا اشوف ان سكودا فانتازيا افضل
مازدا مبالغ فى سعرهاايه ياترى
والله الموفق الى حسن الاختيار

ِشكرا يا أخ خالد على مشاركتك، و بالنسبة للمازدا، إنت شايف سعرها عالى مقارنة بمين؟

اقتباس:

المشاركة الأصلية كتبت بواسطة alymonir (المشاركة 323028)

معلش يا على، أنا عارف أن الموضوع بوخ، بس بجد متشكرلك على متابعتك ليا، وفعلا زى مانت بتقول لازم ألحق أجرب الاتنين، بس المشكلة عندى فى الوقت لأنى لازم أخد قرار خلال اليومين الجايين دول، و ألف مبروك على العربية، وياسلام لو تلحقنا بتقريرك خلال اليومين دول

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

ولا يهمك يا باشا
انت تأمر
نصيخة أخرى : ماتستعجلش ( أنا بقالي سنة باشتري عربية :) )
معلش التقرير حايتأخر شوية لأن عندي شوية مشاغل و لسة مارخصتش العربية
على العموم
بالتوفيق

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

احب أشكر كل اللى ساعدونى برأيهم فى اختيارى للعربية الجديدة، و حابب اعرفكم بأخر التطورات و هى انى الحمدلله جبت الفانتازيا 2011 خلاص، بس عشان أكون صريح، انا جبتها بعد مادورت على المازدا الهاى لاين فى كل حتة و ملقيتهاش، على العموم الخيرة فيما اختاره الله، وشكرا على وقتكم.

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

الف مبروك و ربنا يباركلك فيها:playing_music: ومنتظرين التقرير

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

الف مبروك

وتتربي في عزك

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟

الف مبروك
ربنا يديك خيرها و يكفيك شرها