رد: مساعدة بخصوص صوت المتور في الساجا
 

ان شاء الله هى بسيطة
اكيد طبعا مش جوان وش سيلندر
احتمال حاجة فى الشاكمان
بس حضرتك بتقول بعد ما بتسخن بتبقى قبل الواحد بشرطة و ده الطبيعى فعلا
و رجعت تقول على السلانسيه على 1 و ده مش طبيعى

رد: مساعدة بخصوص صوت المتور في الساجا
 

اسف انا كان قصدي السلانسية برضو اقل من 1 :)

رد: مساعدة بخصوص صوت المتور في الساجا
 

هو ان شاء الله الماتور طبيعى جدا
احتمال الشاكمان هو السبب - اكشف عليه

رد: مساعدة بخصوص صوت المتور في الساجا
 

شوف ده سببه أيه أولا

ليكون هو سبب تداخل الأصوات معاك

1- تخللى عفشجى يراجعلك صح على رباط البطاحه اليمين بصواميلها من داخل حوض المكنه

ليكون فيه صواميل محلوله وده يخللى الركبه تنقر فى صاج العربيه

2- يراجع برضه على الكاوتشتين بتوع أعلى وأسفل سوستة الجنب ده

لتكون السوسته لفت أو بتخبط فى أطباق الركبه والبطاحه من أسفل

وده بالطبع يعملك تداخل أصوات

وتخدع فى مصدر الصوت بين العفشه والمكنه

رد: مساعدة بخصوص صوت المتور في الساجا
 

شكرا استاذ سمير علي ردك ... بس صوت الموتور عالي بغض النظر عن الصوت اللي فوق العجلة اليمين لان دا اكن في حاجة مفكوكة و انا إن شاء الله رايح للعفشجي يوم السبت بإذن الله ... بالنسبة للشكمان انا رفعت العربية و كشفت عليها الشكمان مفهوش حاجة.

علي كل حال انا هاروح للميكانيكي يوم السبت برضو بس بعد اما اخلص العفشة ان شاء الله ... و إن شاء الله لما ارجع اقولكوا اية اللي حصل عشان لو حصلت برضو مع حد يبقي عارف هايعمل اية بإذن الله.

و شكرا للجميع علي الاهتمام.