رد: العربية بتقف ومش بدور وزهقتنى
 

هو لحم من هنا تقريبا عند السهم
http://www.alm5zn.com/upfiles/KDy31180.jpg

معلش انا مش متخصصة وماليش فى الميكانيكا خالص ودى اقرب صورة قدرت اوصل لها

رد: العربية بتقف ومش بدور وزهقتنى
 

مساء الخير
ليا تعليق صغير لان عندى نفس العب بس عربيتى اقدم من عربيتك المهم
انا من وجهة نظرى اللحام كان غلك واكيد الميكانيكى عمل قفل فى فتحة لها خرج على خرطوم لزلك فى مشكلة
عربيتى بى ام وكل الكربراتير خراطيم وكان فيه واحد فالت بهدلى العربية
عشان كده عايزين نتأكد دى فتحة ايه بالظبط وربنا معاكى :)

رد: العربية بتقف ومش بدور وزهقتنى
 

غالبا فعلا زى ما الأستاذ : محمد

بيقول

لحامه لماسورة مية تشغيل الشفاط

ممكن يكون غلو اللحام ساقط فى مجرى مية التبريد الساخن لزوم فتح باب السلانسيه العلوى

وبالتالى بيستمر الباب شبه مغلق ( لأن مفيش ميه بمعدل تصريف كويس رايحاله

علشان باب السلانسيه يفتح صح ويكون على سيفه والمكنه ساخنه )

وده بالطبع يزود غناء مخلوط الهواء والبنزين

وبالطبع المكنه حتاكل بنزين كتير ( كأنك واقفه وبتسخنى المكنه )

ومن هنا تحدث المشاكل الفنيه

الخاصه بأستهلاك البنزين بالذات

وكده

لازم متخصص كاربوراتيرات يكشف على داخل الماسوره الملحومه دى

وارد جدا تكون مخنوقه من الداخل من أثر غلو اللحام

وعلاج هذا بسيط بأذن الله

رد: العربية بتقف ومش بدور وزهقتنى
 

الحل سهل جدا
خلى الميكانيكى يفك الكربراتير وتروحى بية مركز الصفا يظبطة وترجعى للميكانيكى يركبة وكدة كدة انتى هاتخدى ضمان زيارة تانية لمركز الصفا عشان يتشك على المنظومة بالكامل

رد: العربية بتقف ومش بدور وزهقتنى
 

شكرا لكل من اهتم بالرد علية خاصة الباشمهندس سمير
انا روحت انهاردة لفنى كاربراتير فى الهرم نصحنى بيه احد الاعضاء المحترمين فى المنتدى الدكتور محمد جزاه الله خيرا
ولما شاف الكارابرتير قالى انه سليم ومفيهوش مشاكل الحمد لله قلته شوف تانى العربية مجننانى يمكن عايز يتنضف قالى هو انا مش عايز اشتغل انا ممكن اعمل عليكى شغل وافكة وانضفة واغير حاجات مش محتاجها بس كدة حرام الكربراتير سليم وماتحلش قبل كدة كمان
روحى لميكانيكى كويس يشوفلك المشكلة
بالصدفة كان جه عندة بعدنا ميكانيكى كان جايب عربية بيجو مع صاحبها علشان فيها شغل كاربراتير فعرض يشوفهالى بس لازم تبرد الاول وفعلا سبتها شويه وبعدين بصلى عليها قالى انها مافيهاش حاجة بس كهربه الموتور واطية قوى وهى الى عاملة البرجلة دى المهم ظبطها وقلى انه فك مسمار الهوا وبعدين طلعت جربتها لقيتها احسن حالا وربنا يستر ميحصلش مشاكل منها تانى
والغريب ان الاثنين فنى الكربرتير والميكانيكى رفضوا اى فلوس وقالوا ان العربيه ما فيهاش حاجة
جزاهم الله خيرا

المهم دلوقتى هى فعلا احسن حالا بس بردة لسه فيها الرجة الخفيفة لما اجى ابطلها ولسه هشوف موضوع البنزين ومش عارفة دة من ايهايه ياترى

رد: العربية بتقف ومش بدور وزهقتنى
 

غالبا هو على الكهربه زياده سنه عن الازم

وده سبب موضوع الرجه مع التبطيل

وحتحتاجى توطى الكهربه سنه بسيطه

بين الوضع الأولانى والوضع الحالى

مطلوب فعلا الوسطيه فى وضع زاوية الأسبراتير

لأن واضح أن الميكانيكى علاها زياده شويه

وده سبب ملاحظاتك الحاليه

رد: العربية بتقف ومش بدور وزهقتنى
 

الرجرجه دي ممكن تكون من سخونيه العربيه
ممكن العربيه بتسخن و انت مش بتاخدي بالك
او من البنزين ال 80 لو بتحطي بنزين 80 فيها