رد: انتا بتشترى سيارة (صينى) عشان هى كفاءة و لا ظروف اقتصادية؟؟؟
 

أنا اشتريت أكسبلوجن 2 اتوماتيك فول أوبشن وبـ 72000 جنيه والعربية نفس التريوس بالظبط وجامدة جدا وماشية زى الفل وقبل ما أشتريها سألت الناس اللى شاتروها من سنة 2005 وكلهم شكروا لى فى العربية ..
هو بس التوكيل اللى كان معذب الناس شوية وفعلاً لما رحت أعمل صيانة الألف زهقونى وراسلت شركة زوتى فى الصين اللى هى مصنعة الأكسبلوجن ومش قادرة أقولكم أد إيه الشركة دى محترمة جداً ردوا عليا ووعدونى بتصحيح الوضع وبعد ما كان المسلمى وكيل الاكسبلوجن مدوخنى فى بعض الحاجات البسيطة فى العربية ولطعونى يوم كامل علشان صيانة الألف اتصلوا بيا تخيلوا على موبايلى واعتذرولى ,,,, والشركة الصينية بعدها بفترة سمعت انهم فسخوا العقد معاهم لأنهم غير أمناء على سمعة العربية وبعدين اتصالحوا ولكن بشروط جديدة فى صالح المشترى طبعاً إيه رأيكم والله الصين دول ناس محترمين وعلى فكرة أى سيارة لو سافرت بلد عربى هتشتريها بربع تمنها .. هى الجمارك فى مصر اللى بتغلى تمن العربيات الأوربية واليابانية فى مصر بالذات يعنى مش معنى إن الصينى سعره معقول إنه مش كويس لأ طبعاً فيه حاجات صينى رائعة جداً. وربنا معانا

رد: انتا بتشترى سيارة (صينى) عشان هى كفاءة و لا ظروف اقتصادية؟؟؟