مصر موتورز مجتمع السيارات - سواقين مستفزين (شوية فضفضة)

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - سواقين مستفزين (شوية فضفضة) (https://www.masrmotors.com/vb/showthread.php?t=43947)

رد: سواقين مستفزين (شوية فضفضة)

اقتباس:

المشاركة الأصلية كتبت بواسطة mohamed ibiza (المشاركة 321857)

حضرتك نسيت العالم المستفذه عديمة الاخلاق اللي بتخبط عربيات الناس و تبوظها و هي واقفة في مكانها و تسيبها و تمشي بدون ما يسأل علي صاحبها او يسيبلك ورقه تحت المساحة او اي حاجة !!!!!!!!! ( حصل معايا امبارح ) !!!! انا بعد 4 سنين تقريبا سواقة في شوارع مصر اقدر اقول اني كرهت نفسي و كرهت السواقه و كرهت الشوارع و كرهت الشعب و كرهت مصر نفسها !!!!!

يا باشا الفئة دى المفروض يتعمل ليها حجر قيادة ( على وزن حجر صحى) وبدل ما العربية بتاعته يتسحب رخصها المفروض هو اللى يتسحب ويقعدوه فى اى مدرسة مرور مدة سنة او اتنين على ما يتعلم ويخرج بعد كده حسن سير وسلوك او يكمل بقية عمره فى المدرسة لحد ما يتعلم السواقة كويس
وشكرا على مرورك الكريم

رد: سواقين مستفزين (شوية فضفضة)

اقتباس:

المشاركة الأصلية كتبت بواسطة Good09 (المشاركة 321669)

كلنا هذا الرجل (د محمد )

طيب الحمد لله انى مش لوحدى
ربنا يستر طريقكوا

رد: سواقين مستفزين (شوية فضفضة)

أكملكم شوية مع السواقين المستفزين

6 - الفئة دى لا يحلو لها ان تركن الا على الاسفلت وفى الغالب تلاقيهم سواقين النص نقل والدوبل الجمبو يعنى الطريق سريع ويمين الطريق ترابة تيجى 10 امتار وهو مصر ( يعنى ملح ألح يلح الحاحا ) إن الاربع عجلات لازم يكونوا على الاسفلت ومفيش مانع انها تكون مجنحة ناحية الشمال شوية علشان يسد الطريق اكتر وكمان علشان الكوتش متوسخش

7- ده واحد بيعمل U TURN ومتخيل ان الطريق المقابل فاضى ومفيش حد اى فى المقابل فيلف براحته مفيش مشكلة واللى جاى هو اللى يستنى مش سيادته المفروض يقف لحد ما الطريق يكون فاضى وبعدين يلف براحته
طبعا انتم عارفين اللى بيلف ده لازم كل اللى فى المقابل على الطريق التانى يقف لصاحبنا ده ويضرب له تعظيم سلام ويستناه لحد ما ياخد ملفه وهما بيغنوا وبيصفقوا له

8 - ده بقى زى صاحبنا اللى فات بالظبط سوى انه طالع من شارع يمين على الطريق عدل ومعتدل مارش على طوووووول ومن غير ما يبص فى مرايات او ينظر خلفه ليه بقى لأن الشركة المسؤلة عن تأمين الطريق بعتت SMS لكل من على الطريق ان سيادته هيخش فخدوا بالكوا وقد اعذر من انذر

رد: سواقين مستفزين (شوية فضفضة)

و نسيت كمان يا دكتور الناس ال (تييييييييييييييييييييت) اللى بتبقى مولعة النور العالى 24 ساعة على 24 ساعة
لا وكمان ممكن يبقى زينون
تبقى ماشى و كل العربيات اللى وراك مولعة النور العالى و ضارب فى المراية على وشك على طول
و مش مهم بقى حضرتك تشوف
حاجة (تيييييييييييييييت)
و لا الستات ANAA7TG
اخر موقف معايا ليهم انهاردة
داخل من شارع عمومى على شارع صغير و فى اتجاهى
و الهانم جاية مخالف و عمالة تقلبلى نور
و الشارع مياخدش غير عربية واحدة
لولا ان كان فى موتوسيكل راكن على اول الشارع كنت دخلت و خليتها ترجع
المهم رحت راجع بضهرى فى الشارع السريع العمومى
الهانم طلعت من الشارع
و سااااااااااااااااااعتين بقى عشان تدخل ورا عربية جاية ببطء
حااجة بجد تقرف
يلا كفاية كدة انهاردة
و شكرا يا دكتور على الموضوع

رد: سواقين مستفزين (شوية فضفضة)

اقتباس:

المشاركة الأصلية كتبت بواسطة noura_taman (المشاركة 321862)

يعني انت سبت كل حاجة ومسكت في الستات اللي بتلعب جومباز ANAA7TG- طيب ما احنا بيطلع عينا برضه من الاستهتار اللي بتعملوه فينا وماله لما الست تسوق وماله لما تلعب جومباز في الشارع مش ست الله ... ROSE4U
على الاقل انا شايفة ان سواقة الست بمبدأ من خاف سلم دي مية مية أقولك الدليل ... انك وانت بتقرأ اي اعلان عن بيع عربية دايما الصفة المميزة اللي بنلاقيها استعمال سيدة مش كدة ولا ايه ده اكبر دليل على ان السيدات حنينين قوي في السواقة وممكن ساعتها تقول بيلعبوا باليه بدل جومباز بقة 444546
SLEEEPعامة ده نداء لكل راجل سايب مراته تنزل تقضي المشاوير وتوصل نفسها شغلها عشان تترحم من المهانة اللي ممكن تتعرض ليها أختك أو امك او زوجتك في المواصلات بالعربية تعالوا على نفسكم ووصلوا سيداتكم لأي مكان يريدونه عشان الرجالة ما تتخنقش من سواقتنا ..
POLICEEوماحدش يجيب سيرة سواقة الستات تاني لو سمحتوا - عشان احنا بونبوناية الطريق بذمتكم مش ساعات بنضحكم قبل اي مشوار

ههههههه بزمتك انتى مقتنعة بالكلام ده طيب شوفى ست فى الشارع عايزة تركن العربية وبتاخد وقت قد ايه وبتوقف الشارع يمين وشمال علشان جلالة الملكة تركن بسلام او بلاش لما تدخل شارع ضيق اتجاهين وخايفة تمشى وتعدى بتوقف الشارع قد ايه مع ان المكان يعديها مستريح !!! حاجة مستفزة والله العظيم انا بعانى من اى ست بتسوق لانى اتكويت منهم فى الشارع مالوه التروسيكل ابو 3 عجلات زى الفل معاكم

رد: سواقين مستفزين (شوية فضفضة)

لأ بقة لأ بقة ده انا بقلب النور العالي ... طيب يا سيدي لاقيتها بتاخد وقت في الركنة قولها اتاخري يا مدام وانا اركنلك العربية مش دي الرجولة والشهامة.. GIFT4U
المهم بجد والله يا جماعة لازم كل راجل يتقبل فكرة سواقة المرأة مع الوضع في الاعتبار الاختلافات الفسيولوجية وحلوة الفسيولوجية دي بين الراجل والست والست بطابعها كائن ضعيف فلازم نراعي انها مش هاتعرف تركن بسرعة عشان الدريكسيون عادة بيكون تقيل حتى لو باور ما علينا في كل الاحوال لازم نراعيها وخلاص هو عافية POLICEEوياسلااااام كمان لما بتديها فرصتها تركن وفي الاخر تسيبلك نص العربية برة ... YAKHBRMADDRIVEساعتها يحقلك اللي انت عايز تعمله اعمله

رد: سواقين مستفزين (شوية فضفضة)

بلاش نجيب سيرة سواقة الستات دلوقت وخلونا فى السواقين المستفزين