|
رد: ماهي فائدة ثرموستات كوعه المية؟؟؟؟
درجة الحرارة المثلي للموتور بتبقي في حدود 90 درجة............المواتير بتصمم بخلوصات بين أجزاءها الميكانيكية المختلفة مناسبة لهذه الدرجة المثلي.
فائدة الثيرموستات هي الأحتفاظ بمياه التبريد داخل الموتور للمحافظة علي الدرجة التشغيلية المثلي له حوالي 90 درجة. الثيرموستات وحسب الدرجة المكتوبة عليها مثلا 85 درجة بتبدأ تفتح عند هذه الدرجة وتسمح بخروج الماء الساخن من الموتور وكنتيجة طبيعية يبدأ سحب مياه أبرد من الخرطوم التاني(غير ألي راكب علي الثيرموستات) الواصل مابين الموتور والرادياتير. في الصيف وفي درجات الحرارة العالية تقل أهمية وجود الثيرموستات لحد كبير ولو أن في الصباح عند بدأ التشغيل (تحدث أعلي نسبة أهتراء لأجزاء الموتورنتيجة للخلوصات أكبر ماتكون بين الأجزاء الميكانيكية-تصفية الزيت في الطبة) وعدم وجود الثيرموستات سيطيل الفترة اللازمة للوصول لدرجة الحرارة المثلي للأجزاء المتحركة بالموتور(ولن يصل لها في أغلب درجات الحرارة الجوية بمصر) وبالتالي زيادة أهتراءه وتقليل العمر الأفتراضي له(طبعا في الشتاء سلبية الموضوع بتزيد والضرر أكبر بكثير عن الصيف) من الأضرار الأخري زيادة أستهلاك البنزين للتصميم الهندسي لنسب الخليط ألي بيكون نسب البنزين فيها أزيد ألي أن يصل الموتور لدرجة الحرارة المثالية المطلوبة(تناسب عكسي كل مازادت الحرارة يقل نسبة البنزين في الخليط) وبالتالي زيادة الغازات المنبعثة والضارة بالبيئة(أستحالة تعدي العربية من فحص البيئة في أوروبا والدول المتقدمة ههههههه). |
رد: ماهي فائدة ثرموستات كوعه المية؟؟؟؟
الثرموستات دة مهم انا عملت عمرة لعربيتى (لانوس) والميكانيكى شال الثرموستات لعدم جدواة من وجة نظرة وبعد كدة ابتديت اليين الماتور وانا ماشى لقيت ان مؤشر الحرارة نازل لتحت فمقتنعتش انى متشال احسن عشان درجة الحرارة المثالية لتشغيل المحركة من 86 الى 90 درجة وطبعا لو المحرك اشتغل على درجات حرارة قليلة هيكون فى خطر على معدن المحرك ناهيك عن ان تغير فى درجة الحراة المفاجئ (معلومة بحكم دراستى كا مهندس)
جبت واحد كان 35 جنية وركبتة وكان تركيبة صعب شوية عشان كان جامب سير الكتينة ودفعت كتير بس بصراحة كان على اقتناع ان هذا الكوع مهم معتقدش ان المصمم حطة عياقة ولا عشان المناطق الباردة فقط المناطق الباردة بتنزل محركات بسخنات فى الماتور قبل التشغيل |
رد: ماهي فائدة ثرموستات كوعه المية؟؟؟؟
بعد كلام ابونورا مافيش كلام الله ينور جاب من الاخر-----عندى اضافة صغيرة فى حالة الغاء الترموستات سخن العربة قليلا قبل المشى وخصوصا فى الشتاءROSE4U
|
رد: ماهي فائدة ثرموستات كوعه المية؟؟؟؟
اقتباس:
|
رد: ماهي فائدة ثرموستات كوعه المية؟؟؟؟
اقتباس:
لو عربيتك القراية الصح للمؤشر ال1/4 أو ال1/2 المفروض تبقي في نفس القراية صيفا أو شتاءا لو أفترضنا أن مؤشرك نازل من المصنع ال1/4 بتاعه=90 درجة يبقي القراية في الصيف عالية لأنها بتوصل لل1/2 وده مؤشر اسخونة العربية عندك أكتر من الطبيعي.(أحتمال الثيرموستات تكون مابتفتحش بالكامل-أحتمال المراوح مش مظبوطة) لو فرضا العكس المؤشر نازل من المصنع ال 1/2 =90 درجة يبقي الثيرموستات عندك معلقة علي الفتح جزئيا وده يفسر عدم وصول حرارة العربية للدرجة المظبوطة شتاء.........أتمني أكون وصلت الصورة بوضوح. بالنسبة لنقطة لغي الثيرموستات يؤدي ألي شوك للمعدن(برودة مفاجأة) فده ليس له أي أساس علمي من الصحة الأذية للموتور بتحصل زي ماوضحت في مشاركتي السابقة(الخلوصات بتزيد والأحتكاك الغير منتظم بيزيد وبيأذي الأجزاء المختلفة وخصوصا الكرانك بيرينج والكام شافت بيرينج---أساسيات الموتور)ده غير البنزين الزيادة ألي لايتم حرقه بالكامل ونزوله ألي طبة الزيت وتقليل لزوجة الزيت وكفاءته التزيتية. |
رد: ماهي فائدة ثرموستات كوعه المية؟؟؟؟
اقتباس:
وعموما عندي حل بسيط للي شايل الثيرموستات ممكن يعمله في الشتاء يغطي جزء (1/4 أو 1/2)من الرادياتير بكرتونة وده هايخلي العربية تسخن أسرع.ROSE4U |
رد: ماهي فائدة ثرموستات كوعه المية؟؟؟؟
اقتباس:
|
| الساعة الآن 07:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017