رد: بخصوص علبة الدركسيون
 

يا جماعة المشكلة دي حلها في علبة الدريكسيون وأفضل ناس يصلحوها ورشة الأخرص بموجودة أمام كشري أبو طارق في وسط البلد بعد سوق التوفيقة الي في رمسيس وانت جاي من التحرير بعد نزلت الكبري يمين وخلي بالك هناك الورش كتير ولاكن أسئل على الأخرص ويتوقف سعر تصليحها على العيب ولكن يبدأء من 150 حتى 300 جنية وحتس بفرق كبير وبالتوفيق وأنا كان عندي هذا العيب وصلحته وبعد كده غيرت العفشة وأصبحت العربية في أحسن حال

رد: بخصوص علبة الدركسيون
 

شوف يا باشا عفشجى من الاخر اسموه سعد عفشه فى طريق السويس عزبه الهجانة الكيلو 4 ونص
عن تجربة بقولك راجل تمام بس تروحلوه بدرى علشان تخلص بدرى وان شاء الله المشكلة تتحل

رد: بخصوص علبة الدركسيون
 

اولا لو فى عفشجى قالك اوضبلك العلبه اعرف انه ضايع و نصاب يعنى مثلا يقولك انا هحشيلك العلبه بص يا باشا فى واحد اسمه سوسته فى العجوزة عند وزارة الثقافه و فى واحد تانى اسمه مصطفى الباشا فى شارع البحر الاعظم

رد: بخصوص علبة الدركسيون
 

بسم اللة
1- نكشف على زيت علية الدركسيون لوناقص نزودةو لو قديم نغيرة لأن الصوت دة ممكن يكون عضة فى التروس.وتستعمل زيت اسو للتروس ب 15ج للكيلو والعلبة بتاخد نص كيلو بس
2- فى تيش فى العفشة بتاعت البولونيز اسمة التيش العمومى اللى هو فية بيض الدركسيون دة من الاسباب الرئيسية للقلق فى البولونيز وبيتغير كلة ما بيتغيرلوش بيض وتمنة من 3 سنين الايطالى الاصلى كان 120ج.
3- لا تفرط فى علبة الدركسيون دى نهائى لأنها اغلى علبة فى العلب العادية عارف لية ؟ لأنها خمس بليات يعنى قريبة من البور علشان كدة دركسيون البولونيز خفيف.
4- العمل دة تخصص عفشجى لأنة بيأثر على الزوايا واتجاهات العجل واستقامة طارة الدركسيون نفسها . يا ريت حضرتك تبدأ خطوة بخطوة علشان متصرفش كتير على الفاضى0
تحياتى

رد: بخصوص علبة الدركسيون
 

شكرا على الاهتمام بالموضوع بس روحت لكذا واحد عفشجى قالى نفس الكلام

اللى هوه ( لما جيت اغير العفشه جيبت تيش بارات تركى ودى كانت غلطة عمرى انى جبت تيش بارات تركى هوه ده سبب الطقطقه فى الملفات )

انا مش عارف اجيب اى نوع وكمان كنت عايز اعرف نوع الجلب اجبها نوعها ايه ؟

رد: بخصوص علبة الدركسيون
 

هاتلك واحده أستيراد أفضل

وأتفق مع البائع على أنها تحت التجربه

وحاول تاخد معاك العفشجى إللى حيركبهالك

علشان ينقيلك علبه كويسه