|
رد: جاك B Class .. هل نرى قائدة صينية جديدة ؟؟؟
تشكر ياغالى على التقرير الجامد ده....وانا لا ارى قائده صينيه غير الجاك والباقى يأتى بعدها .....فكره حلوه ان احنا نكتب تقرير جماعى للجاك على فترات متباعده ......السياره الان الحمدلله لم يظهر منه اى عيب حتى الان 6000 الاف ك والماتور بسم الله ماشاء الله تحسن جداا بعد ال3000 فى الصوت واستهلاك البنزين وبعد ال5 الاف اصبح ذى الفل خصوصا فى التسارع والسحب .........بالنسبه للثبات انا مشيت على 140 حوالى 30 ك منهم ملفات ومطالع ومفيش مشاكل تقل العربيه بيخليها ثابته ....الوسع الداخلى واسعه وركب اجسام ذى مانت عايز ومش اقل من اى عربيه تانيه ......الخامات الداخليه والشكل العام من الداخل حاجه عظيمه ولا تقل عن اى عربيه من اللى بالى بالك .....والشكل الخارجى سندريلا يوم فرحها ....اما العفشه ...وهى شوارعنا خلتنا نقيم اى عفشه ....على العموم مقبوله وياما استحملت رزع وربنا يستر من النقر والحفر والبلاعات..........القيمه مقابل السعر انا بأعتبرها احسن من غيرها بكتير بنفس السعر .....الكماليات مش نا قصها حاجه وان كنت اتمنى ان المرايات الخارجيه تكون ضم عشان الجراج ضيق شويه ........ونصيحه ياجماعه ياريت تركبوا فرش ارضيات هيفرق كتير فى النظافه......افضل لون الفضى .............وربنا يحفظ لكم عربياتكو |
رد: جاك B Class .. هل نرى قائدة صينية جديدة ؟؟؟
الف شكر على المشاركة دكتور كمال
ونتمنا من الباقى المشاركة بس انا فعلا نظام التعليق الخلفى مش شفتة فولا عربية حتى الان يعنى لو تنزل وتبص من العربية من تحت هتلاقية شكلة مختلف عن الافيو والاسبيرانزا وعربيات تانية كتير |
رد: جاك B Class .. هل نرى قائدة صينية جديدة ؟؟؟
نظام التعليق يشبه الموجود فى الالنترا ودا كلام فنى العفشه اللى فى الصيانه ......بس انا سافرت بيها كتيرومحستش بالانحناءات والميول الموجوده فى الاسفلت وكمان العربيه مبتهبطش لما بتحمل.....هى بس داخل البلد من كتر الحفر والنقر بتخلى الواحد يستخصر العربيه ......دانا مش لاقى شارع استنضفه واروح منه .....وعندنا بتوع العفشه شغالين بالحجز من كتر المطبات .....وبالمناسبه والله واحد زميلى النهاده مراحش الشغل عشان دخل فى مطب بعربيته الاسبرانزا معرفش اتكسر مساعد ولا مقص ولا ايه ............وربنا يسترها معانا جميعا
|
رد: جاك B Class .. هل نرى قائدة صينية جديدة ؟؟؟
شكرا استاذ أودا أودا على التقير وممكن استفسان من حضرتك على حكاية (العفشة : مقبولة وان اكن نظام التعليق الخلفى غير مرن ) ، وياريت من حضرتك يا استاذ سيف تعرفني ايه هو اللون الصدفي ده انا اول مرة اسمع عنه وربنا يباركلكم جميعا في سياراتكم. |
رد: جاك B Class .. هل نرى قائدة صينية جديدة ؟؟؟
العربية تقيلة والجنوط 16 والوزن تقيل فالعفشة نفسها اة مريحة لكن فى اصوات احتكاك الكاوتش على الارض والحاجات دى مزعجة
يمكن السادة الملاك ملاحظوش الموضوع دة لكن انا ركبت حد يسوق العربية وركبتها انا ورا بحمولة فعشان كدة حسيت بيها او يمكن لانى ركزت معاها اوى مش عارف |
رد: جاك B Class .. هل نرى قائدة صينية جديدة ؟؟؟
اقتباس:
دا بالظبط بيكون عامل كده بيعكس الإضاءه بألوان الطيف فكل ما تبص ليه من زاويه تشوفه بدرجه لونيه مختلفه . ودا غالبا بينزل فى العربيات الفاخره . وهو لون غالى ... والمفروض ان ابيض الجاك ابيض صدفى . دا من خلال اللى شفته فى اليو تيوب من فيديوهات . وكمان فى التوكيل لما كنت حاجز حجزت على اللون دا . بس ماكانليش نصيب فيه . والحمد لله . |
رد: جاك B Class .. هل نرى قائدة صينية جديدة ؟؟؟
شكرا على ردكم وربنا يباركلكم وماتنسوش دايما القرآن اللي يشتغل في العربية |
| الساعة الآن 11:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017