|
رد: عفوا(جاك للجيكاويه وللمحبين لها فقط)....
الكلام فى ظاهرة جميل لكنه يحمل الكثير من الفخاخ فى طياته كنت أتمنى أن يكون الموضوع عبارة عن ترحيب بالمخالفين فى الرأى قبل المحبين و المؤيدين كنت أتمنى أن يشجع الموضوع الناقدين و المعارضين على الحوار و النقاش الموضوعى بين الطرفين كنت أتمنى ألا يكون عنوان الموضوع استبعادى و رافض لأى اختلاف لكن للأسف لم يحدث ذلك بل كانت الردود للأسف عزف على نفس النغمات الرديئة من عينة "التافهين" ، "نخلعهولك" ، "أسرة جاك فى مقابل أسرة مصر موتورز إن ما يحمله هذاالموضوع من أفكار خطير جدا و لا يمكن السماح به فى منتدى مصر موتورز فلن نسمح أبدا بأن يكون هناك تصنيف للأعضاء إلى أصحاب خبرة و تافهين ، و لن نسمح بأن يتم التربص بالمخالفين و المعارضين و التكتل ضدهم من قبل أى من كان ، و كذلك لن نسمح بتكوين شلل و مجموعات ضغط هدفها إرهاب الأخرين (فكريا) أقدر طبعا إنحياز صاحب سيارة لاختياره و الدفاع عنه بكل ما أوتى من قوة و لكن هذا لا يعنى إلغاء الأخر و عدم السماح له بإبداء رأيه أو حتى مجرد التواجد . أرجو من الجميع أن يكونوا أكثر تقبلا للنقد و أكثر تحملا للرأى المخالف و أكثر تشجيعا للنقاش الهادئ المتزن و انا أدعو الجميع محبين و كارهين لسيارات جاك للنقاش و الحوار دون تجاوز فهو السبيل الوحيد لتبادل الأفكار و الإقناع فمنتدى و ساحة سيارات جاك مفتوح و متاح للجميع تحياتى و تقديرى لكل الأعضاء |
رد: عفوا(جاك للجيكاويه وللمحبين لها فقط)....
اقتباس:
عموما مرحبا بكل الناس فاالاخر المستفيد الاكبر هو المقبل على الشراء سواء كان اقتنع بلشراء او مقتنعش فهو المستفيد وشكرا على الموضوع الجميل |
رد: عفوا(جاك للجيكاويه وللمحبين لها فقط)....
فعلا انا معنديش خلفيه عن الجاك خالص
غير اني بشوف العربيه شكلها جميل جدا سواء من الخارج او الداخل وشيء ظريف ان الواحد يشوف مناقشات هادفه و مواضيع عن كل العربيات تبين حسناتها و سيئاتها لأن اكيد مفيش عربيه متكامله حتى لو كانت مرسيدس لكن لو كل منتدى قفل بابه على صحابه والزوار يتخلع لهم ضرسهم .. يبقى الحق اروح اقف على باب منتدى الماتريكس بكماشه وشاكوش والاداره تعمل مستشفى مصر موتورز ... ومش حتلاحق على الزباين او تبقى المنتديات زي ملحق السيارات ... نظام كل عربيه الاحسن و الافضل في فئتها ... وساعتها نبقى معملناش اي حاجه اكتر من اعلانات الجرايد المدفوعه :( ربنا يبارك فيها لملاكها ... اللي بتمنى منهم ومن مالك كل عربيه مهما كان نوعها انه يقول اللي عليها قبل ما يقول اللي ليها علشان يبقى فعلا مصر موتورز بيدي افاده حقيقيه لكل واحد بيدور على عربيه بعيد عن التهريج الصحافي والاعلامي تقبلوا تحياتي م . سامح رمزي مالك لسياره من نوعيه السيارات المثيره للجدل والمشهوره بال كشك :) |
رد: عفوا(جاك للجيكاويه وللمحبين لها فقط)....
الاستاذ الفاضل حازم شاهين ........بلغت مشاركاتى فى المنتدى اكثر من 300 مشاركه ودخلت على جميع المواقع وكتبت فيها وشاركت فيها وخرجت بجمل الشكر والترحيب ولم ادخل فى يوم من الايام مجرحا لاحد او مستهزئا من احد وكنا متوقعين منك كأخ اكبر لك مكانتك واحترامك لدينا ان تتدخل لتواسينا فيما سببتموه لنا من جراح بأعطائكم لنا 3 انزارات ولكن دخلت لتهاجمنا وكأننا شرزمه ليس لها شعور او احساس واتهمتم كلامنا بانه نغمات رديئه وافكار خطيره وهو فى الاصل تنفيس عما حدث لنا وسكتم عليه واتهمتنا بتكوين شلل وكأننا عصابات ..........لا ياسيدى الفاضل نحن اناس محترمون ولنا مكانتنا العلميه والكل هنا يقدرنا ويحترمنا ولا نبخل على احد بالرد والنصيحه بكل ادب واحترام ولم نطلب الغاء الاخر وعدم السماح له بأبداء رأيه وقلنا نحن نحترم الرأى والرأى الاخر ولكن هناك خيط رفيع بين حريه الرأى والتطاول على الاخرين وقلنا التطاول هو مالا نسمح به ولكنكم سمحتم للاخر ان يتطاول علينا ويتمادى دون ان تحزروه بانه اخطأ فى حقنا وأعتبرتوها حريه رأى حتى حدث ما حدث وفى الاخر نحن الذى نأخذ الانزارات ..........عموما شكرا لكم
|
رد: عفوا(جاك للجيكاويه وللمحبين لها فقط)....
اقتباس:
هو انا مش داخل ارد عن استاذ حازم لكن اللي شدني عنوان الموضوع ... واستشفيت منه المحتوى .. فدخلت ابص بصه :) العنوان واضح و المحتوى مفهوم طبعا معنديش خلفيه عن اسباب و دوافع الموضوع لكن كعضو زي اي عضو حيدخل الموضوع غالبا حيفهم اللي انا فهمته ... او على الاقل حيتحفظ يشارك او يسأل عن العربيه لاحساسه ان في تحفز مشاركتي هدفها اني بسعد و بتمنى ان يكون في مصر موتورز منتدى لكل عربيه في مصر ... لأن ملاك العربيه اكتر ناس يقدروا يفيدو الناس عنها ... لا التوكيل و لا الجرايد و لا الشركه الام نفسها اتمنى لو في خلاف في وجهات النظر او سوؤ تفاهم مع الاداره يتم حلها ... واسف على المداخله ... وتقبل تحياتي ROSE4U |
رد: عفوا(جاك للجيكاويه وللمحبين لها فقط)....
يا جماعه من فضلكم ماتفهموناش غلط . احنا هنا كلنا موضوعيين وقلوبنا بيضاء واللى بيدخل عندنا وبيبدى رأيه ايا كان فاحنا كلنا بنرحب بيه وبنتناقش معاه . واللى بيحب يسأل او يستفسر عن اى حاجه سواء عيب او ميزه بنتناقش معاه وبنسمع منه .
يا أستاذ حازم : اولا مرحب بيك وزيارتك عندنا تسعدنا وتشرف قسمنا . وثانيا من فضلك ماتاخدش كلامنا بصيغة التعميم . بالعكس جدا جدا احنا ناس بنحب كل اعضاء المنتدى من كل الأقسام . وبنعتبرهم كلهم أخواننا وحبايبنا ولو حضرتك تتعب نفسك شويه ادخل على كل واحد فينا وشوف مشاركاته وردوده على كل الناس وحاتلاقى ان كلامنا مع الناس كلها باسلوب محترم وودود . ودا طبعنا كلنا بلا استثناء . انما احنا مابنحبش اللى يعيب فى سيارتنا باسلوب مهين وغير للائق . ومش عشان واحد استفزنا أكثر من مره وكل مره لما حد يرد عليه يطلع يجرى يعيط للإداره ويشتكى اننا بنرد على اسلوبه المستخف بينا وبعقلياتنا وبكلامنا . مش معنا كده اننا ناس قافلين على نفسنا ومتكتلين ومعاديين للناس الحلوه اللى فى المنتدى . وأكيد كل ادارة المنتدى عنهم سجل كامل لمناقشات الأعضاء هنا وممكن تكشف على اسلوبنا فى الحوار سواء مع بعضنا او مع اى عضو آخر من أعضاء منتدانا الجميل . كمان فى نقطه صغيره أحب انى اوضحها لحضرتك بصفه خاصه ولكل أحبابنا بصفه عامه . ان انا عن نفسى لما دخلت المنتدى هنا كنت داخل لمجرد الحصول على معلومات فقط والخروج منه . زى اى منتدى تانى باعمل فيه عضويه . وشكرا ... انما لما لقيت اعضاء القسم دا ناس ودوده ومحترمه دا اللى خلانى أدمن الموقع وأكون من أعضاؤه المتيمين بيه . انما عن نفسى لو وجودى فى المنتدى حايسبب لكم اى مضايقه فأنا حايسعدنى انى انسحب فورا حلا لهذه المضايقه . وبهدوء تام . ودا مع كل حبى واحترامى لكل عضو فى منتدانا الجميل وعلى رأسهم ادارته .. بس على فكره هو كده قدر انه يوصل للى هو عايزه وهو انه يسوء صورة العربيه وصورتنا عندكم . وتحياتى للجميع . |
رد: عفوا(جاك للجيكاويه وللمحبين لها فقط)....
السلام عليكم ورحمة الله وبركاته مما لا شك فيه أن عنوان الموضوع ومحتواه مفهوم وواضح جداً للجميع ولكنه لا يتفق تماماً مع مبدأ الحرية وإبداء الرأي الذى يكفله القانون والعرف اقتباس:
وكذلك تنص المادة 6 من قوانين المنتدى على اقتباس:
أن حرية إبداء الرأي والرد مكفولة والأختلاف متاح للجميع بحدود عدم التعرض للأشخاص وأيضاً لا فرق بين مالك للچاك أو مالك لأسبرانزا أو مالك لألنترا أو أو مالك لچيتا أو مالك لمرسيدس الكل سواء لهم الحرية فى الرد والتعليق لهم الحرية فى المدح والدفاع لهم الحرية فى النقد فأهلاً وسهلاً ومرحبا بالناقد والمُختلف معى فى الرأي ولكن يجب عليه أن يلتزم بأدب الخلاف وأن يكون مبدأنا أن الخلاف فى الرأي لا يفسد للود قضية وأخيراً قسم الچاك ليس حكراً على ملاكه فقط وهو متاح للكافه " مستحسن ،،، وناقد " فى ظل حوار ونقاش راقي للنفع العام مع خالص تقديرى وإحترامى للجميع |
| الساعة الآن 04:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017