مصر موتورز مجتمع السيارات - اني استخرت الله بين اللوجان والفيرنا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - اني استخرت الله بين اللوجان والفيرنا (https://www.masrmotors.com/vb/showthread.php?t=42249)

رد: اني استخرت الله بين اللوجان والفيرنا

اقتباس:

المشاركة الأصلية كتبت بواسطة kira (المشاركة 308164)

السلام عليكم
ليه حضرتك مفكرتش فى البرلينس ؟

انا بشكركم جمعياً علي الردود والكلام الجميل فعلاً
بخصوص البرليانس بصراحة شديدة الصيني غير مشجع علي الاطلاق وبخاف منه ومقدرش اخاطر واشتري صيني في الوقت الحالي ويمكن الصيني يقدر يوصل للمعادلة الصعبة بس مش اقل من 10 سنين مش دلوقت

رد: اني استخرت الله بين اللوجان والفيرنا

اقتباس:

المشاركة الأصلية كتبت بواسطة kae (المشاركة 308039)

انا شايف ان المجمل الفيرنا احسن بكتير من اى حاجة فى الفئة العرية بتاعتها.

متشكر جدا جدا علي الرد واسف اني اتأخر في شكركم جميعا بس النت كان فيه مشكلة
بصراحة واضحة انا ممكن اكون بطلب مقارنة صعبة شوية وبعدين صناعة فرنسي تجميع مغربي مع صناعة كوري وتقفيل مصري وبصراحة الشعب المصري هوا الي بيعمل سوق لاي عربية والدليل الفيات بالكامل بكل انواعة نجح في مصر والبيجو 504 في حين عربيات كتير احسن منهم محققتش اي نجاح زي الفولفو وزي الرينو سابقاً وزي السترويين وزي اغلب الالماني باستنثناء المرسيدس والبي ام طبعاً حتي الصيني انا شايف انه منجحش في مصر بشكل كبير مع ان المفروض العكس دي طبيعتنا كشعب بنختار الي احنا بنشوفة مع الناس بعيد عن عوامل الامان والسلامة
والاسم وقطع الغيار وطبعا كشب استهلاكي غير منتج بندور علي العربيات الي بعد 10 سنين تتباع وتجيب فلوس ودا صح مش غلط وانا مؤمن جداً بأن العربية لازم تكون بياعة وليها سوق وعليها طلب سواء جديدة او مستعملة .
من الاخر الي هيحدد اختيار اي واحد مقبل علي الشراء حاجتين
1- قطع غيار معمرة وتكون رخيصة ومتوفرة بشكل كويس
2- سعر اعادة البيع بعد 5 سنين هيكون في صالح مين وخصوصا ان السوق المصري وصل لمرحلة تشبع من الهيونداي فيرنا والناس ابتدات تدور علي اي حاجة جديدة بصرف النظر عن امكانيتها وانتشرها وتوافر قطع الغيار ودا اثرجامد جداً وللاسف ناس كتير تضررت من كدا زي الي اشتري(الجين تو -الكليو - الميجان - البريليانس ) عربيات جميله وممتازة بس بيع وقطع غيار كارثة مصيبة جالطة وغالباً دي اهم حاجة اثرت في العربيات الالماني والفرنسي و قليل من الامريكاني وفتح مجال بيع هائل امام الياباني والكوري لتوافر قطع الغيارانا بدون شك معجب بالعربيتين لانهم فعلا ممتازيين بالنسبة لسعرهم واذا كنت ميال اكتر للوجان بس .....
فا بصراحة العربية الي هيتوافر فيها النقطتين دول هشتريها ان شاء الله
ومتشكر جداً علي تعاونكم وعلي معلوماتكم الي انا بتعلم منها.

رد: اني استخرت الله بين اللوجان والفيرنا

هات الفيرنا وتوكل على الله

رد: اني استخرت الله بين اللوجان والفيرنا

بص يا ريس انا ف نفس حيرتك دلوقتى بس بالنسبه للفيرنا واللانوس .. بس انا خلاص قررت ونازل اشترى ان شاء الله وده بفضل الاعضاء اللى بصراحه جابولى المفيد وثانيا انا نزلت سألت كتير ودورت على ناس راكبه العربيتين وسألتهم

تقريبا 95 % من الناس اكدتلى على الفيرنا لاسباب كتير وهى :
1- الفيرنا قطع غيارها رخيصه ومتوافره واى ميكانيكى يفهم فيها
2- موتور اقوى من اللى زيها فى نفس الفئه السعريه
3- كل اللى فى السوق تقفيل مصرى وصاج يحزنك على العربيه بس فى النقطه دى يبقى نشوف مين توكيله انضف واسرع واحسن وانا متهيألى توكيل الهيونداى يكسب الرينو واللانوس
4- مشكله ثبات الفيرنا تتحل ف انك تغير الجنوط بجنوط اعرض من اللى فيها بالكاوتش طبعا و اى جنوط بكاوتش غير اللى فيها بيديلك ثبات احسن واعلى من اللى بييجى مع العربيه
5- صالون الفيرنا واسع مش صغير
6- التحكم فى الفيرنا اسهل
7- بالنسبه للى بيقول ان العربيه واطيه وبتجك اسمحلى اقوله يبقى انت عايش على جبل لان انا شوفت العربيه دى بتدخل شوارع مكسره بطريقه فظيعه وبتسلك ولا بيحصلها حاجه ( ده عيب سواق مش عربيه ) وعندك مثلا صديقتها الانتيخ اللانوس يمتلكها واحد صاحبى ركب فيها 5 اشخاص لقيت الاكصدام الخلفى حمل على قنطره الجكمان وكانت هتتكسر بعكس ما شوفت فى الفيرنا انها انشف شويه يعنى تستحمل

وعموما يا بوب انت كده كده هيبقى عندك صيانه ال 5000 وال 10000 وال 15000 كيلو هتلاقى التوكيل بيظبطلك العربيه من غير ما تحس بعيوبها ... وبعد عمر طويل ان شاء الله وسواقه مريحه وأمنه ممكن تغير العفشه بتاعتها وتركب عفشه كونى رياضى هتلاقى الدنيا بقت لذيذه والعربيه ثباتها زاد اكتر واكتر بس ده اوبشن منصحكش بيه الا بعد ما تلاقى ان العفشه الاصليه بتشتكى

وعايز اقولك على حاجه لو الفيرنا وحشه اوى كده مكانش نص صالات الايجار فى مصر بتأجرها لانهم من الاخر مش غاويين خساره
انا بلغتك الكلام اللى اتقالى من اعضاء المنتدى ومن ناس ركبت العربيه من 2007 يعنى ناس فهمت العربيه دى مسمار مسمار
واتمنى انى اكون افدتك

رد: اني استخرت الله بين اللوجان والفيرنا

اقتباس:

المشاركة الأصلية كتبت بواسطة KARIMO (المشاركة 309512)

طبعاً انا بشكرك جدا جدا علي الشرح الوافي والف مبروك علي الفيرنا واختيار موفق
بس انا ليا كام رد علي كلام حضرتك
اولاً: قطع غيار في صالح الفيرنا بس وكيل في صالح اللوجان ودا بشهادة الاخوة الي في المنتدي
ثانياً: كا علو بين العربيتين اللوجان تكتسح دا طبعاً غير عفشتها الي هيا برضة تكتسح الفيرنا.
ثالثاً: الهيونداي كسعر اغلي من اللوجان ب 2000جم وعلشان تجيب جنوط هتصرف 3 كمان يعني العربية اغلي ب5 الاف جنية دي برضة محتاجة تفكير
رابعاً: الفيرنا عربية محترمة وممتازة وهتسيب بصمة قوية في السوق المصري بس دخول منافس دا الي بيخليني افكر واسمع لحضرتك ولغيرك علشان مصلحتي ومصلحتك ومصلحة اي حد بيشتري

واخيرأ انا بشكرك جداً علي معلوماتك واسف علي الاطالة وربنا يصلح الحال للجميع ومبروك مرة تانية

رد: اني استخرت الله بين اللوجان والفيرنا

الفيرنا كنبتها الخلفيه تشيل 2 بس لو تشيل 3 يبقوا قاعدين فوق بعض!!!!!!! اللوجان اوسع فعلا! ارتفاع اللوجان مش طبيعي و يقارب ارتفاع العربيات ال 4*4 !!!! و موتورها محترم و شكلها و كمالياتها مقبولة!!! الفيرنا شبابي : اخرها انت و 2 صحابك و شوية ترويش من بره و تقضيها شد و غرز تحت ال 100 و فوق ل 100 ربنا يسترها على عباده

رد: اني استخرت الله بين اللوجان والفيرنا

اقتباس:

المشاركة الأصلية كتبت بواسطة mmffor (المشاركة 309530)

مشكووووووووووووور
جميل جدا بس كاقطع غيار في مصلحة الفيرنا لو العربية بجنط كبير يبقي ثبات الفيرنا حلو و كا اعادة بيع افتكر الفيرنا هتجيب فلوس اكتر دي برضة مميزات لازم نتفق عليها ومش ننساها