رد: كيف تفوقت هيونداي على اليابانيين والغربيين؟! - منقول
 

رد: كيف تفوقت هيونداي على اليابانيين والغربيين؟! - منقول
 

يظهر انى انا بس اللى فى الاتجاة المعاكس ptmnlo123per1127


اولا مش عارف ليه يا جماعة بتعصب لما حد يقول هيونداى ويسكت اسمها (هيونداى - كيا) مش هيونداى بس وكيا ديه مش كليك واشترتها فودافون فتتنسى كليك وتفضل فودافون لاء كيا براند وتكنولوجيا وصناعة وكيان اقتصادى يمثل نصف ان لم يكن قلب التحالف (هيونداى كيا)

غير كده والاهم من كل ده ان هيوندى دلوقتى مش هيوندى زمان هيونداى كيا دلوقتى هى رمز الصناعة الكورية عامة بعد بيع دايو لجنرال بالظبط زى بروتون بالنسبة لماليزيا يعنى كيان اكبر من مجرد شركة او براند ديه صناعة دولة وركن من اركانها الاقتصادية فيحق لها انها تكون فى مصاف الخمسة الكبار مش علشان هيونداى خارقة للعادة او غير طبيعية اطلاقاً لكن لانها هيونداى - كيا ولانها الصناعة الكورية (الجنوبية) ولانها المدافع الاساسى عن المصالح الراسمالية فى اسيا ولانها حاجات كتير اوى برة العربيات اساساً





المقال بيتكلم عن خلو عربيات هيونداى من الابداع مش عارف ليه يا احمد انت عممت على العربيات الاسيوية كلها وبعدين حددت العربيات اليابانى

اسمحلى اختلف معاك وبشدة على النقطة ديه الابداع اليابانى قائم ولا ينكر سواء فى التصميم الشكلى والجمالى او فكر استخدام المساحات اللى هما رواد فيه او الابداع الهندسى والميكانيكى والابداع فى طرق التصنيع نفسها ومعدلات ونسب المكونات المعيبة بما يعكس مقاييس جودة مش موجوده لا عند الالمان ولا الامريكان

الابداع ليس حكرا على شعب معين والصناعة اليابانية عامة مبدعة ورائدة هيونداى مش مبدعة ومعندهاش وقت ولا جدوى اقتصادية من الابداع ماشى وهما صح برضو لكن الاسيوى كله خالى من الابداع ........ !!! مستحيل

بشكل اكثر دقة لما تكون بتتكلم عن فئة معينة من العربيات او الفئة الشعبية او اللى بنركبها فى مصر فانا برضو مش قادر افهم قصدك بالظبط السيرون - الانسر - التيدا - الامبيريزا - المازدا 3 - السيفيك - ال SX4 - والسويفت - والتريوس
كل دول عربيات متميزة شكلا وموضوعا وتكنولوجيا وجودة وطعم وكل حاجة وكل العربيات ديه فى مصر وكلها فى فى نفس الشريحة تقريباً عالمياً على الاقل وكلهم عمليين وكلهم مريحين واكثر من ده جودة وخامات واعتمادية والاهم من ده كله فى رائى على الاقل تصميم يعكس خبرة سنين وفكر يضع الجودة فى مقدمة اولوياتة

تانى بتقول لاشكل ولا روح ولا اداء !!!

وبعدين ازاى بتحسب ان الجودة معناها عربية بتقعد خمسة والتانية بتقعد عشرة

ديه الجودة ديه وانت اعلم بتبداء من ملمس زرار فى التابلوه وصوت حركة دراع الاشارة مثلا لحد طريقة تقفيل الموتور وكفائة العاملين على تركيبة ونظم الاختبار وقياس الاداء

يعنى انا التيل عندى بيقعد 20 الف كم واليابانى بيقعد 50 الف يبقى اشترى اتنين كورى وكده حققت الجودة !!
هو اداء الكورى وهو حتى عامل 1000 كم زى اداء اليابانى وهو عامل نفس المسافة لاء طبعاً

خلاصة القول هيونداى - كيا يعنى الصناعة الكورية ودايو فكر امريكى باقتصاد كورى وكوريا يعنى تلميذ يابانى نجيب بدعم امريكى قوى ولو الهند ايران او ماليزا او اى دولة تانية اتوفرلها نفس المناخ فى نفس الوقت كانت هتبقى زيها دلوقتى ومش بعيد اكتر لكن لا انكر ان التلميذ الكورى تلميذ نجيب اكرر ويتجلى ذكائة فى مرونتة اللى خلتة يكون سباق بزرع نفسة فى الهند كمصنع قبل مايكون مورد للسيارات لانة (التلميذ الكورى) على يقين بان الهند والصين اهم اعمدة ارتكاز عالم السيارات الجديد (صناعياً وتجارياً) فاذا كان التلميذ نجيب فالفضل دائما يرجع للمعلم ولا تصح المقارنة بين الاصل والفرع اطلاقاً

رد: كيف تفوقت هيونداي على اليابانيين والغربيين؟! - منقول
 

انا هاقول كلمه واحده بس و كنت قريتها لبايو هنا فى المنتدى

اللى يشترى هيونداى او كورى يبقى مسك العصايا من النصف

رد: كيف تفوقت هيونداي على اليابانيين والغربيين؟! - منقول
 

مقال رائع يا باشا شكرا ليك:)
نيجي بقي لتحليل احمد بك انور
اللي فعلا قال كل الكلام اللي ممكن يتقال
انا اتفق معاه في كل كلمه
الياباني مش اسطوره
بس هما كل فتره بيطلع عندهم فلتات
زي الكريسيدا و الكورولا ال 93
و بالنسبه للشكل ففعلا عربياتهم قليل منها اللي بحب شكله او بحس ان تصميمه كويس
يعني اللكزس السي اس 350 موديل 96 كانت تحفه و احترمتها جدا
كورولا 93 من احلي الاشكال برضه
الياريس بغض النظر عن اني مالك لها بعتبرها من اشيك ما انتجت تويوتا علي الاطلاق.
الياباني ما بيعرفش يخترعع او يعمل فكره لوحده
لا هو بيشوف اللي موجود و ينقله و يحاول يطور فيه ليتجنب الاعطال.
الاوربي بالعكس يبدع و يبتكر و ينزل تكنولوجيا جديده
دا الفيات 132 كانت نازله انجكشن سنه 1979 !!!!
شوفف اليابانيين علي ما تجرأو يحطوا حاجه زي كده في عربيه بحجم ال 132 كان سنه كام؟؟!!!!!!!!!!
يا راجل دا اللانسر الكريستاله لحد 2003 كانت كاربيراتير!!!!!!
عربيه شكل حديث و تكنولوجيا قديمه
هما دول اليابانيينن فعلا و ما يختلفوش كتير عن الكوريين

رد: كيف تفوقت هيونداي على اليابانيين والغربيين؟! - منقول
 

لا على فكره يا استاذ حازم مش كده

السوبرا مثلا و نظام التيربو اللي فيها من السبعينات

و مثلا فتيس ال 8 سرعات و نظام ال GOA بتاع الامان اللي كل العربيات بقت تستخدمه لحد دلوقتي من رولز وبوغاتي ل بولو و ياريس

و نظام خطوط الانتاج حتى الان الاوتوماتيكي

و نظام توزيع السيارات و حاجات كتير على المستوى الاقتصادي و تقني

فاليابنيين مش ةزي الكوريين خالص

رد: كيف تفوقت هيونداي على اليابانيين والغربيين؟! - منقول
 

ملخص ماقيل في رأيي
أننا كمصريين ميولنا أوروبيه
ولذلك تجد أن سيارات أوروبيه تم تجميعها عندنا , مرسيدس , بي ام دبليو , أوبل
أما السيارات الأسيويه فهي ذات شعبيه عندنا بس في فئة السيارات الصغير الإقتصاديه يعني بمعنى آخر سيارات عمليه لاتحتوي على آخر ماتوصل إليه العلم عند الآسيويين
فبصراحة مقارنة الأوروبي بالأسيوي عندنا هنا في مصر حتكون ظالمه
بص عندك عربيه زي الكزس أول مانزلت ماحدش كان مقتنع إن اليابان ممكن تنتج عربيات فاخره للصفوه ومحدش كان قادر يصدق إن ممكن حد يدفع رقم كبير في عربيه إلا لو كانت مرسيدس بي ام ......كده يعني
لكن بعد الإبهار والأداء العالي والتقنيات التي لم تتوفر حتى في أعتى الماركات الأوروبيه نجحت لكزس في فرض مساحة لايستهان بها في وسط زخم السيارات الفاخره ذات التقنيات العاليه
واللي مش مصدق ينزل الخليج وهوه يشوف بنفسه مدى إنتشار هذه السيارات
أول مانزلت اللكزس نزلت ب 200 براءة إختراع في سيارة واحده يعني مفيش حد عنده اللي عندهم ب 200 براءة اختراع
منطقتنا (أخص مصر تحديدا) ليست سوق يسمح لنا بالمقارنه لأن المقارنه من ضمن أساسيات أركانها أن تحتوي على التجربه وإحنا أغلبية معلوماتنا عن هؤلاء الآسيويين مجرد معلومات مرئيه غير محسوسه أو مجربه
لذا وجب التنبيه

وده موضوع شبه متكامل عن لكزس الجديده قد كتبته من قبل وضاع في زحمة المنتدى وعدم وجود أرشفه منظمه في رأيي للقسم الياباني (وده يأكد ميولنا الأوروبيه) والرابط هو التالي

http://www.masrmotors.com/vb/showthread.php?t=3805

مع أني منحاز للألماني بطبعي لكن أحترم الياباني و أقدر التجربه الكوريه جدا

رد: كيف تفوقت هيونداي على اليابانيين والغربيين؟! - منقول
 

ليه يا مهندس احمد !!!
دا الموضوع ده بالذات الناس كانت ببتخانق عليه... وكله شكر فيه و فيك وعلى المجهود المبذول ... و انا اول ما قريته طلبت تثبيته
وواخد 5 نجوم ..... و مثبت ... و اول موضوع موجود في الياباني العام ....
كل ده وضاع في زحمه المنتدى !!!!
طب لو مكنش موضوع عن لكزس في الياباني ... حيكون فييييين !!!!

بس زي ما حضرتك قلت ... احنا بننحاز اكتر للالماني .... يعني حتى مش الاوروبي ... لا الالماني بالذااات
ولو حضرتك دخلت قسم زي الفا او سيتروين او اودي حتى مع انها الماني ... حتلاقي كل قسم مفيهوش خمس او ست موضوعات ...
طيب ايه رأيك ان فيه موضوعات زي سبيرانزا مثلا او ماروتي ممكن تكون اعلا نسبه مشاهده

مفيش حاجه بتضيع في المنتدى ... و رأيي الشخصي ان كل حاجه في مكانها صح ... بالعكس افضل انه يكون في اقسام كتيره بدل ما تتوه الموضوعات في المنتدى العام مع الوقت ... علشان اللي يدور على حاجه يلاقيها

ولو حضرتك ليك اي مقترحات ابعتها للتطوير وشوف الرد بيكون ازاي ...
بصراحه ربنا يكون في عون المشرفين و الاداره ..... والتطوير اللي بيتم هايل ولازم نشكرهم عليه

ياريس موضوعاتك كلها جااااامداااا .... دي احلا حاجه تكون موجوده في كل اقسام المنتدى ...