|
رد: اخر سؤال وان شاء الله هخلص في.......
فيرنا ..... أو لانوس
الافضل لك |
رد: اخر سؤال وان شاء الله هخلص في.......
بص الفيرنا تكييف وركب عليه عربية وهي عربية معقولة وقطع غيارها على الرصيف وتاخد منها كفائة على قد فلوسها بس مش معنى كده إنها وحشة لأ هي ممتازة بس ما تفكرش إنك ركبت هوندا اي حرف الياء ده فارق كتير بين (هوندا و هيونداي) :) اللوجان اسمع إنها كويسة بس هي مشكلة الرينو في مصر قطع غيار غالية نوعا وغير متوفرة أحيانا سعر إعادة البيع في الأرض واسأل أسحاب الميجان كمان تقيلة جدا في البيع وفين وفين على ما تتباع بس أنا ما عنديش لوجان ولا ركبتها ممكن أصحاب العربية يفيدوك أكتر انا بقولك الكلام اللي أعرفه بس |
رد: اخر سؤال وان شاء الله هخلص في.......
اللوجن مميزاتها في علوها ووسعها من جوه في قعدتها وشنطتها الكبيرة
لو الكلام ده مش فارق معاك وعايز عربية شبابية وسحبها روعه يبقي كدا هات الفيرنا بدون تفكير عربية انا اشهدلها بانها عربية ممتازة بمعني الكلمة ولو انها بتضايقني حتة انها واطية لكن ده بيفرق معايا في ثباتها في السرعات العالية وهيه عربية وحش علي الطريق لقوة ماتورها وخفة وزنها |
رد: اخر سؤال وان شاء الله هخلص في.......
لو التكييف هو اللى فارق معاك بصورة أساسية ، فأعتقد ان تكييف الفيرنا أقوى.
|
رد: اخر سؤال وان شاء الله هخلص في.......
صلى استخارة وان شاء الله ربنا يوافقك فى اختيارك
|
رد: اخر سؤال وان شاء الله هخلص في.......
ردا على تعليقك في موضوعي (الحمد لله اشتريت لوجان 2011 )
أ/احمد الشهابي انا ساكن قريب منك في حدائق الاهرام و كنت من اشد مؤيدي الفيرنا لسابق خبرتي و حبي للاكسنت و كنت خايف من اللوجان في موضوع صيانتها جدا .... بس ان كنت ناوي تلتزم بالضمان فترشيحي طبعا للرينو لان اسعار صيانتها معقولة و كويسة بالنسبة للرينو لكن لو عاوز عربية تصلحها و اي وقت عند اي ميكانيكي يبقى فيرنا اسعار التوكيل بالنسبة للرينو و الفيرنا متقارب الى حد بعيد و تقدر تدخل على www.renaultegypt.com , و تعرف اسعار صيانتها انا بعمل 63 كم يوميا بحد ادنى ... من البيت للشغل و رجوعا يعني بكامل مشاويري تقريبا 2000 كم / الشهر انا بقالي 3 شهور باخد قرار اللوجان و الحمد لله ان ربنا وفقني في اختياري مرة تانية ........ فرق المحركين مش كبير يعني لو مش محتاج القوة الكبيرة للفيرنا يبقى اللوجان متفوقة في معظم المقارنات الا الصيانة و اسعار التوكيل و كمان القوة ديه علي البودي ده بيخلي العربية خفيفة و مشاكل الاتزان و الثبات معروفة للجميع يعني تشتري فيرنا و تغير جنوط لمقاس 14 كاوتش عريض(لسه لازم تحسب ثمنهم 2000 جم مثلا ) و تخرج بره الضمان و مهما الناس قالت عن انه مناسب فكده احنا بنستهلك اكتر من عمر المحرك استفيد بمحرك ممتاز- شنطة واسعة - صالون جميل - نعومة - ثبات ممتاز - عربية مصممة لتكون بجنوط 15 يعني لما تجيبلها جنوط سبور مش هتكون بستهلك من عمر المحرك طبعا التكييف مقدرش احكم عليه دلوقتي لاني لسه مجربتوش لكن عموما الناس قالت عنه انه كويس اوي لكن على راي احد الاعضاء الفيرنا تكييف و ركبتله عربيه و في ناس بدأت تخصص في الرينو و ليا قريب معاه كليو بيروح لواحد في صقر قريش بقاله سنتين بعد مخلص 3 سنين الضمان و مشتكاش من حاجة بالنسبة للصيانة و بيقول انا بحروح اعمل الصيانة الدورية بس الحمد لله توكل على الله و اللوجان هتستريح معاها بأذن الله |
رد: اخر سؤال وان شاء الله هخلص في.......
اختيار موفق باذن الله ولن تندم عليه اتكل على الله وصدقنى مش هتندم وعن تجربة وصلت لـ 28 الف |
| الساعة الآن 11:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017