رد: صيانةاكسيل اتوماتيك
 

طب حضرتك تقصد ان الكونتاك مش وارد فى القصه دى
ورايك استشير كهربائي اخر ولا ع الميكانيكي دوغري
ولكم جزيل الشكر والامتنان

رد: صيانةاكسيل اتوماتيك
 

يا أستاذ : وائل

الكهربائى ده

شكله واد لعيب

أنت محتاج ميكانيكى مش كهربائى

الكونتاكت عندك مفيهوش حاجه أساسا

من خلال معايشتى لكلامك من الأول

رد: صيانةاكسيل اتوماتيك
 

تمام
باذن الله هسعي لايجاد ميكانيكي متخصص كربراتير ولا مش شرط ؟
وربنا ييسر الاحوال
وربنا يكرمك ويستر طريقك

رد: صيانةاكسيل اتوماتيك
 

معظمهم بادىء بالكربوراتيرات

وإللى متمرطش فى الكربوراتيرات

بيبقى صعب عليه الشغل فى الحقن الألكترونى

فدايما البهدله والمرمطه بتولد رجالا أكفاء

رد: صيانةاكسيل اتوماتيك
 

السلام عليكم
يارب تكون بخير يا بشمهندس سمير
عندى مشكلة العتب بيحف فى المطبات خصوصا اللى الاهالى الله يسمحهم عاملينها وللاسف انا مجبر اعدى عليها يوميا
مع العلم انى روحت للعفشجى عشان اقولى ينفع اعليها شوية
قالى هى عاليه اصلا عن معدلها الطبيعي ولو عاوز تعليها نعليها ونغير الزنب اللى راكبه فى اليايات ونبدلها باعلى
وقالى المساعدين واليايات سلام كويسين
مارايكم وما مدى تأثر الحف ع العتب وباطن العربيه ؟؟ علما انى بامانه بهدي على اد ما اقدر جدا جدا جدا فى مثل هذه المواقف
وربنا يستر
ولكم جزيل الشكر والامتنان

رد: صيانةاكسيل اتوماتيك
 

الله يخليك

أستاذ : وائل

وكده للأسف مقدرش أاقولك نعلى حاجه تانى أو تغير سوست

وحاول بأه وأنت داخل على مطب من الحلوين دول

تموت السرعه وأنت على المطبات إللى بالشكل ده

وأطلع على المطب بواربه

فرده فوق أماميه وفرده تحت

على ماتعدى بسلام

رد: صيانةاكسيل اتوماتيك
 

قدرنا اننا مصريين ولا نعامل بعض كويس فنستاهل كل اللى يجرالنا لان العيب فينا قبل غيرنا ( وجهة نظر)
الحمد لله رب العالمين
وربنا يعزك م / سمير