|
رد: ايهما افضل الخابور ام اللزقة والتسخين
اقتباس:
من غير بيع نهائيا |
رد: ايهما افضل الخابور ام اللزقة والتسخين
اقتباس:
وكانت أيام وراحت لحالها حاليا ( فى مصر موتورز ) وجدت ضالتى زملاء أفاضل ( زى إللى فى نايل بالضبط ) وأداره فاضله ( بس مش زى إللى هناك ) فهناك فرق فلقد قال (ص) كلكم راع وكلكم مسئول عن رعيته .....إلى آخر الحديث الشريف صدق رسول الله (ص) _____________________ نخرج من هذا بأيه الأداره الواعيه هى التى تستطيع من أحتضان أعضائها والمحافظه عليهم مش شغل قراقوش إللى هناك تعالى أنت وجميع الزملاء هناك وشوفوا مصر موتورز متنسق أزاى كل الأداره والمشرفين معروفين للجميع مش زى هناك أسرار حربيه قسم الشكاوى هنا بمصر موتورز يعج بروح التسامح وسماع دفاع المشكو فى حقه عند شكايته فى قسم الشكاوى ومن الوارد يأخذ برأى عضو من الأعضاء فى أيضاح فكره معينه ( يعنى هنا فيه جو أسرى ) وهو ده الصح فى المنتديات قد تفيد فى أعطاء كل ذى حق حقه وده أنا شوفته بنفسى هنا فى قسم الشكاوى وشوفت خير اللهم أجعله خير أخونا الفاضل ( حازم شاهين ) المدير العام للمنتدى وهو بيحكم فى قضيه بكل عدل وشفافيه فله منى خالص التقدير والأحترام على تحريه الدقه وقت الفصل فى نزاع بين عضوين وهو ده السلوك القضائى الصحيح دينيا ودنيويا أما هناك فتجد كل الأمور مبهمه ماتشات عسكريه وقرآن حتى تجد لجنة فض المنازعات هناك ليست من أجل فض المنازعات وأنما من أجل خلق المنازعات فى الحقيقه أطلق عليها بينى وبين نفسى لجنة وضع المنازعات |
رد: ايهما افضل الخابور ام اللزقة والتسخين
اقتباس:
بالرغم من منطقية رأي الباشمهندس سمير عياد لكنى أميل لرأي الأستاذ بدر بسيونى |
رد: ايهما افضل الخابور ام اللزقة والتسخين
اقتباس:
بيقولوا فى المثل مش كل من مسك زماره زمار يعنى فيه فرق بين واحد بيجرى شغلانه معينه وواحد تانى وبيقولوا أيضا أدى العيش لخبازه الصنايعى الشاطر بيقدر يحدد هو بيحط الأبره فين علشان يركب خابور بلاستيك من خلال حسه الفنى هو مش الأبره لو ماشيه فى الكاوتش وقابلت السلك مثلا حيحصل أيه حيزيد الحمل على الأبره لأن قوة أختراق الأبره للسلك غير الكاوتش دى صنعه يا أخوانا زى شغل الجراح الماهر ممكن تلاقى جراح نص كم يجى يعمل عمليه لواحد فى الكلى ....يروح محود بالمشرط على الكبد أما الجراح الماهر بيبقى عارف هو رايح فين بالضبط |
رد: ايهما افضل الخابور ام اللزقة والتسخين
فيه سؤال عاوز أسألهولك
يا أستاذ : أحمد أخى وزميلى صاحب هذا التوبيك ليه الخابور بتاع الكاوتش معمول ............؟ وبيتباع فى كارتة خوابير ( فيها 5 تقريبا ) علشان نسلك بيه أسنانا مثلا ماهو علشان أعمال لحام الكاوتش يبقى العيب مش فى الخابور العيب فى إللى مش عارف يستعمل الخابور مش كده ولا أيه ROSE4U |
رد: ايهما افضل الخابور ام اللزقة والتسخين
بجد يا جماعة انتم ناس افاضل
ربنا يبارك لكم فى عافيتكم و عربياتكم |
رد: ايهما افضل الخابور ام اللزقة والتسخين
اقتباس:
بس كان ليه سؤال صغنطوط يعنى ايه توبيك ؟؟؟ |
| الساعة الآن 09:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017