رد: صاحبى قرر يشترى جاك بى 15 ممكن مساعدة؟
 

رد: صاحبى قرر يشترى جاك بى 15 ممكن مساعدة؟
 

اخى العزيز : اولا ربنا يوفقك ويوفق صاحبك وان شاء الله يرزقه بالعربيه اللى تسعده ويكفيه شر طريقها .
بالنسبه للعربيه احب اطمنك انى احدث مالك تقريبا لها هنا . وهى عامله معايا 1615 كم بالظبط . و 80% من المسافه دى على طرق السفر . لغاية 130 سرعه انا مش باحس بيها . وطبعا فى ناس تانيه زى اخونا ايمن جربها لغاية 160 . بس العربيه عامة حاتلاقيها ثابته جدا لأنها تقيله . وصاجها محمل وتقيل . وتقدر تقارن فى النقطه دى لما ترفع كبوت الموتور .
انا كنت فى مقابلة المنتدى اللى حصلت فى دريم لاند . واخواننا اللى شافوا العربيه اعجبهم جدا وسع الصالون مع وسع الشنطه ومن ملاك الأوكتافيا نفسهم اشادوا بالنقطه دى وانها مش متوفره عندهم فى عربياتهم .
وكمان التشطيب . حاتلاقى غاط للكبوت والشنطه من الداخل . والصالون خاماته ممتازه . وطبعا حانلاحظ هنا ان العربيه زى ما هى مش رخيصه فهى برضو مش غاليه يعنى ما وصلتش حتى لسعر الكورى .
دى كل ملاحظاتى عن عربيتى . وربنا يوفقكم وتلاقوا ما يسعدكم .

رد: صاحبى قرر يشترى جاك بى 15 ممكن مساعدة؟
 

جزيل الشكر لحضراتكم جميعاً كفيتو واوفيتو وانا ابتديت افكر فى العربية الحقيقة ويمكن ربنا يكرم وينضم لملاك الجاك 2 جدد انا وصاحبى ان شاء الله

بس ليا نقطة بسيطة

معظم اللى رد ذكر مميزات ودا شئ ممتاز جداً

ماهى ابرز العيوب الى ظهرت فى العربية؟

كيف حال التوكيل اين يوجد من حيث المحافظات والمدن ؟

السعر الحالى للسيارة ؟؟ وهل مو 2010 ولا 2011 ؟


ومشكورين مقدماً ولكم جزيل الشكر عن مابذلتوه بالردود السابقة

رد: صاحبى قرر يشترى جاك بى 15 ممكن مساعدة؟
 

الأخ الفاضل: اليك اماكن تواجد التوكيل والصيانه -الوكيل --شركة هورس موتورز -شارع البطل احمد عبد العزيز--الجيزه --مراكز الصيانة--الجيزه--بأبورواش طريق مصر الأسكندريه الصحراوى بجوار شركة فيروز .القاهرة
--مركزكوين سيرفس --طريق السويس .الأسكندرية --محرم بيك --المنطقه الصناعيه .
بلنسبه للسعر الحالى هو 78 الف جنيه.السعر قد زاد بعد معرض (اوتوماك اخبار اليوم )بدأ ب74,900 ثم الى 77,900 وبدأ من موديل 2010 حتى موديل 2011 والفرق فى المودلين هو كتابة سنة الصنع على الزجاج فقط لاغير حتى الأن .
وسبب رفع السعر هو :رفع ضريبة الجمارك الأخيره من حوالى اربعة اشهر --اعتقد فى اوائل شهر 7 /2010 ....
من حيث عيوب السياره ---الحمد لله و الله أكبرمن عينى فلايحسد المال إلا صاحبه
فا بعون الله لايوجد عيب يذكر هذا عن نفسى اما لو فى اى تعقيب من الأخوه المالكين فأننى اعتقد انه لو لاحظو شىء فجميعهم محترمين وصادقين فلن يبخلو او يتوارو فى ان يظهرو اى شىء فيه عيب لأنه فى النهايه سوف يكون مصلحة تعم على الجميع ---ويارب مانسمع اىشىء سوى كل خير للجميع ...
بلنسبه للتوكيل فيجب ان تلاحظ كل شىء معهم لأن التوكيلات كلها على شكل واحد لأنه فى النهايه الأداره مصريه ودى فى حد زاتها مشكله يعنى الشىء الوحيد الذى زعلنى منهم هو فى صيانة الألف (ولسه معملتش صيانه غيرها حتى الأن لأنى لم اصل الى الخمسة ألاف)انهم اجبرونى ان اضع زيت عشرة الاف بدلا من خمسة الاف بحجة ان زيت الخمسة الاف غير موجود وقالولى ممكن تجيبه من بره واحنا نغيره عادى ولكنى كنت مستعجل وغيرت لزيت عشرة الاف وطبعا فى صيانة الخمسة الاف مش هغير زيت هغير بعون الله فى صيانة العشرة الاف او حسب رأى اهل الخبره وبعدين ميغلاش على العربيه اننى اغير زيت جديد حتى ولو كان قبل الميعاد لأنك فى النهايه بتكسب عربيتك ده كل شىء عن العربيه --ويارب اكون وضحت بعض مما حضرتك طلبه --وبلتوفيق ان شاء الله

رد: صاحبى قرر يشترى جاك بى 15 ممكن مساعدة؟
 

كلام ايمن باشا كله مظبوط . الا انى فى مركز الخدمه فى ابو رواش ( ودا طبعا لأن المركز لسه تحت الإنشاء ) كنت محتاج اعمل ظبط زوايا وترصيص عجل . وللأسف قالولى ان الجهاز موجود بس لسه مانزلش عليه سوفت وير . وبرضو قالولى ممكن تظبط زوايا وترصص بره . قولتلهم متأسف انا حانتظر لصيانة الـ 5000 وحاعملهم هنا فى التوكيل . بس دا كل اللى عندى لغاية دلوقتى . اما غير كده كله عندى ماشاء الله مميزات .

رد: صاحبى قرر يشترى جاك بى 15 ممكن مساعدة؟
 

العربية جامدة بجد والدود اجمد

رد: صاحبى قرر يشترى جاك بى 15 ممكن مساعدة؟
 

العربيه دي اول ما نزلت كانت ب 70 الف جنيه و ليس 74900! و حاليا سعرها فعلا 78 الف الحق اشتريها لحسن سعرها ممكن يبقى ب 90 الف خلال سنه كمان