رد: سؤال عاوز اطرحة من زمان وياريت الناس ترد علية بأمانة
 

انا رأيي المتواضع ان اللي بتتكلم عليه حالة في مصر بس لان زمان فيات كانت مشروع قومي مصانع شركة النصر تعمل بكامل طاقتها على تصنيع سياره مصريه (نصر) و ذلك بتجميع سيارات فيات الايطاليه و ده اللي ادى الى انتشارها بالصوره اللي بتتكلم عنها في مصر بالاضافه طبعا الى ان فيات اساسا متخصصه لسيارات المدينه بمحركات صغيره و موفره و انتشارها هو اللي ادى الى توافر و رخص قطع غيارها ( كله تقليد حاليا و غالبا كله صيني) و توافر قطع غيارها و رخصه ادى الى انتشارها اكثر !!!! بس فعلا مكانتش عربيات متينه زي ما في ناس فاكره و كلنا عارفين مدى بشاعه و سوء ميكانيكا القرده و مدى ضعف شاسيه ال 128 و مدى سرعة تاكل صاج كارتيرات ال 127 و مشاكل عفشة ال 132 التي تصعب حلها و اعطال كورونة ال 131 المستمر و ارتفاع اسعارها!

نيجي للحديث من فيات : العربيه دي عربيه ناجحة بكل المقاييس بس التوكيل اثبت فشله برضه بكل المقاييس لانك لما تفكر تدخل عربية سمعتها سابقاها زي فيات بتوافر قطع غيارها و رخص ثمنها اعتقد ان الحل الامثل ليه انه كان يأجر مصانع شركة النصر و يتعاقد على شراء خطوط تجميع لعربيه رخيصه من فيات زي البونتو كلاسيك مثلا مع دعاية ممتازه و مستمره و يغرق محلات الايطالي المتوفره اساسا في كل شارع وحارة بقطع غيار ليها الاصلي او تصنيع اوروبي (و بالتبعية التجار حيعملوا تقليد ليها في الصين و يبيعوه بربع التمن ) و كل حاجتها حتبقى متوفره اصلي و تقليد زي الكوري و يرجع سمعة فيات تاني لان الناس حتفهم ان فيات اتطورت و باقت تستاهل كل جنيه يندفع فيها و شوية شويه يدخل خطوط انتاج جديده او يستورد عربيات زي برافو و 500 بجوار الحصان الرابح اللي حيعتمد عليه و هو البونتو! هي دي الحاجه الوحيدة اللي ممكن فيات الجديد ينجح فيه بالذات لأن علاقة مصر بفيات غير علاقتها بأي ماركه اخرى تفتح توكيل و تشتري كام عربيه من كل موديل و تبيعهم

رد: سؤال عاوز اطرحة من زمان وياريت الناس ترد علية بأمانة
 

رد: سؤال عاوز اطرحة من زمان وياريت الناس ترد علية بأمانة
 

فيات كمجموعه تعتبر كيان قوي جدا فيات - لانسيا - الفاروميو - مازيراتي - فيراري
ده غير انها بتقدم في محركاتها تقنيه متجدده دائما تسبق بها الاخرين
من اول ال 128 اول عربيه دفع امامي بمحرك امامي مستعرض و حتى محرك المالتي اير المتوقع نزوله في البونتو ايفو
تعتبر افضل صانع محركات في العالم ... وده الطبيعي من الشركه الوحيده اللي شاركت في كل سباقات الفورميلا واحد منذ بدايتها واكبر حاصد للالقاب فيها كصانعين او سائقين
السياره الوحيده التي حصدت بطوله العالم للراليات 6 مرات متتاليه لانسيا
اجمل تصميم سيارات الفا روميو لدرجه ان ال 8 سي حصدت الجائزه سنتين متتاليتين
اول من قدم فئه ال MPV بالسياره مالتيبلا وموديلات كتيره جدا نالت لقب سياره العام
ففيات بلا شك شركه ناجحه كانت و ما زالت .. لكن على صعيد التقنيه و التصاميم فقط
لكن للاسف تجاريا ... فاشله
فيات لا تعرف كيف تسوق نفسها ...
فساد داخلي حتى وقت قريب
شراكه غريبه مع جنرال موتورز .. ومتعلمتش الدرس و راجعه تشارك كرايسلر او بمعنى اصح تنتشلها من الافلاس علشان كرايسلر ترجعها تاني لزمن المشاكل !!!

حتى في الفورميلا وان بيخسروا بسبب اخطاء استراتيجيه ساذجه !!




محليا ...
فيات زمان غير فيات النهارده
لسبب بسيط جدا ان فتره شركه النصر ولحد التمانينات كان الاستيراد محدود جدا و مصر عربياتها كانت عباره عن مرسيدس و بيجو و فيات
فكان طبيعي تنتشر انتشار النار في الهشيم حتى لو كانت موديلاتها فاشله و ابسط مثال الفيات ريتمو اللي اختفت تماما حاليا لكنها كانت مغرقه مصر في التمانينات وحتى بدايه التسعينات
فانتشار فيات في مصر زمان كان مرتبط بالحاله السياسيه و الاقتصاديه لدرجه ان الناس كانت بتحجز ال 127 و تستنى شهور علشان تستلمها !!

الوقت الحالي للاسف المشكله مش بس في فيات
المشكله كمان في طبيعه السوق اللي اتغيرت
اي عربيه في مصر علشان تنتشر وتحقق مبيعات لازم يتوفر منها موديلات استيراد خارج الوكلاء او خليجي زي ما بنقول
وبالتالي اغلب العربيات المنتشره هي الاسيوي ( هيونداي - تويوتا - ميتسوبيشي - ... )
وحتى الاوروبي حنلاقي اكترهم انتشارا هم الجيتا و الاوكتافيا والباسات .. ودول برضو متوافر منهم الخليجي
لكن فيات للاسف زيها زي سيتروين - رينو - وجودهم نادر في الخليج و بالتالي انتشارهم و مبيعاتهم في مصر ضعيفه جدا ... وتواجدهم الوحيد عن طريق الوكيل
وللاسف برضو فيات معندهاش توكيل قوي ... واسباب تواجدها قوه وجمال موديلاتها سواء البرافو او البونتو او اللينيا .. ده غير موديلات كتيره جدا مش موجوده
يعني مثلا مثلا السوزوكي SX4 هي الفيات سديسي ..تعاون مشترك وتصميم واحد
لكن في حين ان سوزوكي برغم قله مبيعاتها في مصر المنحصره في الفيتارا و الماروتي باعت من ال SX4
طيب ليه الفيات سديسي مباعتش ولا سمعنا عنها مع انها تصميم مشترك ... ومواتير فيات اجدع
لسبب وحيد ... فشل فيات التسويقي :(

انا نفسي كارلوس غصن يمسك فيات

رد: سؤال عاوز اطرحة من زمان وياريت الناس ترد علية بأمانة
 

فيات اداريا مش فاشلة في شراكتها لكرايسلر لأنها بكل بساطة عايزة تقتحم سوق السيارات الفاخرة او العائلية كبيرة الحجم لمنافسة مرسيدس و بي ام جبليو بسيارات بقاعدة عجلات طويلة و كبيرة ككرايسلر و محركات عملية و ذات قدرات عالية كالفا روميو و تصنيع ايطالي اوروبي

رد: سؤال عاوز اطرحة من زمان وياريت الناس ترد علية بأمانة
 

هو التاريخ بيقول انهم فشلوا اداريا و تسويقيا .. والدليل شراكتهم مع جنرال موتورز
اما حاليا منقدرش نقول هي نجحت و لا فشلت لانها لسه في بدايه الشراكه و لسه مفيش اي انتاج مشترك ظهر
كرايسلر اساسا مش شركه قويه علشان فيات تستفيد منها في منافسه بي ام و مرسيدس
اذا كانت كرايسلر نفسها مش قادره تنافس الشركات المنافسه ليها حتنافس الكبار ازاي !!
دي يدوبك شمت نفسها شويه لما دايملر تعاونت معاها و كانت اسواء فترات مرسيدس
اما فيات لوحدها برغم امكانياتها وخبرتها في الفئات المتوسطه و الصغيره مقدرتش تنافس فولكس جولف بالبرافو .. يبقى ازاي حتنافس مرسيدس بكريسلر !!!!

رد: سؤال عاوز اطرحة من زمان وياريت الناس ترد علية بأمانة
 

اولا اشكر كل الاعضاء الى ادو المعلومات الجامدة دى بجد مجهود غير عادى للاستاذ sam sam بجد انتا راجل رائع فى تاريخ السيارات... و ايضا اشكر استاذ والاخ وليد باشا على المعلوماتك ومساعدتك ليا بجد فى الرد على الموضوع وكل شى كل الشكر والتقدير ليك .. واستاذmmffor ايضا العضو الاخ المتميز وبحب ردودة وكل شخص شارك فى الموضوع وكل معلومة اضافها هنا بجد كل الشكر والتقدير واكيد فيات شركة محترمة و طول عمرها محترمة بترخها فى صناعة السيارات ويارب ترجع وتنتشر زى الاول وتبقى الاولى فى المبيعات زى زمان لان سيارة لا تنسىFiat شكرا بس كان ليا حاجة كنت عايز اقولها يا استاذ و الاخ mmffor ان العربيات فيات بتاع زمان كان فيها مشاكل بس لغايت الان متوصلة ومتوكبة العصر وعايشة و مش بتقول لا فى وفى اى وقت شغالة و سهل تصلحها حتى لو فيها عيوب وبردة محبوبة لغايت الان وفى حاجة بردة اعادة البيع مزال جيد معنى سيارات اهلكت وفات عليها الزمن

رد: سؤال عاوز اطرحة من زمان وياريت الناس ترد علية بأمانة
 

بصراحة انت شخص نشيط و عاجبني فتحك لمواضيع كتير مهمة و مثيرة للاهتمام لان انا مش بشارك الا في المواضيع المهمة و اللي ممكن يبقى فيها افاده للاخرين! و لسه حالا واخد بالي ان حضرتك صاحب اغلب المواضيح! سعيد بالتحدث معاك و ادارة حوار بصحبتك و بحييك على اسلوبك المحترم