رد: لمبة حزام الأمان
 

برضه عاوزك تكون عامل حساب تغيير الزيت ومقاس الزيت

ليكون الزيت ناقص شويه

أو ميعاد تغييره عدى من زمان

رد: لمبة حزام الأمان
 

هو مش صوت تاكيهات لأنى عارف صوت التاكيهات وبعدين انا مظبط التاكيهات من وقت قريب لما جوان وش السلندر ضرب
الصوت حضرتك بييجى مرة او اتنين ويبطل وبعدين بعد فترة ممكن ييجى تانى وممكن يروح خالص

رد: لمبة حزام الأمان
 

مستوى الزيت كويس قوى لأنه لسه شايفه من يومين وكان معدى العلامة القصوى كمان وميعاده تغييره لسه لم يأتى بعد

رد: لمبة حزام الأمان
 

فيه حاجة كمان مش عارف تفيد ولا لأ
العربية بره البلد فى الجرى مفيش سخونية ومؤشر الحرارة على ( c ) لكن مجرد ما ادخل البلد مفيش 3 دقائق والاقى مؤشر الحرارة رفع بصورة غريبة هو صحيح مرفعش قوى يعنى لا يمثل خطورة الا انه يقلق
على فكرة مروحة الراديتير شغالة وتمام
على فكرة ايضا انا بحط ميه عادية ( مية حنفية ) مش ميه خضرا او حمرا ومن مدة هل ده ممكن يكون أثر على الراديتير ؟؟

رد: لمبة حزام الأمان
 

طيب أنت كشفت على العجل وشوفت فيه ظلطه أو حاجه متخلله فراغ أى فرده من الفرد الأربعه

لو لقيت كله تمام من جهة النقطه دى

يفضل الكشف على سهولة وكفاءة شغل بلى العجل الخلفى

ممكن تعمل ترصيص على جهاز الموتوسيكل للأطمئنان على البلى كله بتاع العجل بشكل عام

لو فيه بليه وحشه تعمل تتابع أصوات تك تكه مثل الموصوفه بكلام سعاتك

رد: لمبة حزام الأمان
 

مفيش علاقه غير عاديه بين سخونة المكنه مع القياده داخل المدن على سرعات منخفضه

فده امر طبيعى نظرا لأنخفاض كفاءة الردياتير داخل المدن عن خارجها

وبشكل عام

المياه العاديه ليها تأثير ضار على المدى البعيد على كفاءة الردياتير

ودورة التبريد كخطوط ومجارى داخل البلوك ووش السلندر

رد: لمبة حزام الأمان
 

انا كنت فعلا مرصص العجل الامامى من فترة قريبة على جهاز الموتوسيكل والصوت ده مش من العجل ولا حاجة انا بالتحديد باسمعه جاى من من تحت الفيبر اللى شايل مساحات الزجاج الأمامى وفى المتتصف تقريبا وساعات احس انه جاى من عند التابلوه ( لاحظ حضرتك ان العزل فى الاكسل ليس على الدرجة الجيدة ) وبكرر مش صوت خلوص زايد او صوت خبطة صغيرة هو فعلا الصوت قريب اوى من صوت الشيرز