رد: لماذا الشعب المصرى غير مهتم بسيارة اودى
 

الأودى عربية ممتازة .. آه
إنما موضوع انها تغزو السوق دى ... مفتكرش

فى ظل الأزمات الإقتصادية و الحالة المعبشية الصعبة اللى بيعيشها المواطن المصرى أعتقد انه هيفكر ألف مرة قبل ما يجيب عربية ... و لما يقرر هيفكر آلاف المرات فى الصيانة و قطع الغيار و إعادة البيع و دى هتكون مواصفات بعيدة جدا فى الأودى

تحياتى

رد: لماذا الشعب المصرى غير مهتم بسيارة اودى
 

اعتقد ان اغلب المصريين لما بيفكرو يشترو عربيه اول حاجه بيفكرو فيها الصيانه وخدمة مابعد البيع اللي بيقدمها وكيل السياره في مصر وزي ما قالوا الاخوه اللي يخليني ادفع السعر ده في اودي طيب مادفعه في مرسيدس او بي ام وهو الي نعرفه احسن من اللي منعرفهوش ده ثقافة اغلب الشعب المصري عشان كده محدش بيجيب حته سريتها بس ده ميقللش من العربيه في حد زاتها انا رايي ان وكيل السياره يحاول يعمل دعايه وعروض اكتر من كده علشان يقرب العربه ده لقلوب المصريين زي وكيل الفلفو بدا يعرف الطريق الصحيح وفي الايام الجايه اعتقد ان الفلفو هتنتشر ولكم جزيل الشكر

رد: لماذا الشعب المصرى غير مهتم بسيارة اودى
 

كام واحد ممكن يبقى معاه تمن بى ام او مرسيدس ويسبهم ويشترى اودى !!

مبقولش ان الاودى وحشة بس ديه زى ما قال الاخوه طبيعة المستهلك المصرى

رد: لماذا الشعب المصرى غير مهتم بسيارة اودى
 

الأودي جميلة طبعا..شياكة و اداء عالي

بس السعر غااااااااااااااااااالي

لو معايا 300 الف مش هشتري اودي..ولا بي ام


هقعد في البيت و مش هشتغل..و مش هحتاج عربية علشان هتخن و مش هعرف اخرج من باب الشقة
يا عم الشعب غلبان..و فرحان بالصيني
الأودي ليها ناسها..بس ماظنش هتبقي قوة في السوق المصري

رد: لماذا الشعب المصرى غير مهتم بسيارة اودى
 

ptmnlo123per145 ضحكتني بجد ( أودي إيه اللي إنت جاي تقول عليه .. إنت عارف تمنها قد إيه)

رد: لماذا الشعب المصرى غير مهتم بسيارة اودى
 

ههههههه والله عسل على رايك اودى ايه اللى انت جايه تقول عليه انت قبلا عارف سعر الاودى ايه دى عايزه ميزانيه لوحدها وكل شويه التوكيل ومش عارف حساس ايه وبتاع ايه و5000 فى 7000 فى مش عارف اييه ماله اليابانى والكوررى مع المعامله الكويسه بيديك احلى شغل واستحمال وراحه الاودى وامثالها مش بتاعتنا

رد: لماذا الشعب المصرى غير مهتم بسيارة اودى
 

السياره اودى فى الاونه الاخيره اصبحت تحتل المركز الاول فى اوروبا بين الاغنياء والاثريات ومن حيث السعر فاصبح سعرها فى بعض الموديلات مثل A8 او q7 او tt الرياضيه او A6 اصبح اغلى من المرسيدس والبى ام دبلو بالتالى هى من ناحيه السعر بالنسبه للمصريين غاليه جدا الا الاثرياء فقط من الشعب علشان كده بقى مش مشهوره او مش معروفه اوى لعامه الشعب لان الاغلبيه من الشعب زى من انتوا عارفين على الله . ونعم بالله