رد: صوت ونة زي الكارونا
 

معلش اتاخرت عليكو بس النت كان فاصل
روحت لورشة تخصص عفشة وظبط زوايا وترصيص وحاجات زي كدة يعني
المهم رفعنا الجنب اليمين والراجل جاب الموتوسيكل ولف العجلة لغاية لما سمع الصوت ونفس الكلام في العجلة التانية وبرضو الصوت موجود وهو نفسة مش عارف الصوت جاي منين وانا قربت ناحية العجلتين وحسيت الصوت منهم وبرضو قربت ناحية الفتيس وحاسس ان الصوت منة
ولما جرب العربية وبيدوس دبرياج لقي في صوت زي احتكاك وبيروح لما تدوس دبرياج وقالي دي بلية الدبرياج
واقتراحة ان يا اما افك الفتيس واعمل البلية وبالمرة ابص علي حاجة تكون مش مظبوطة جوة الفتيس
او
اطنش الصوت لغاية لما يثبت اذا كان بلي ولا فتيس

اية رايكو؟
العربية عاملة 160000 كيلو والموتور والكبالن والصيانات الدورية كلها تمام

رد: صوت ونة زي الكارونا
 

كلام منطقى برضه

وممكن يكون عيب فى كرونة الفتيس

عموما

لو الدبرياج عامل معاك ال 160 ألف كم دول

يفضل

أجراء عمرة دبرياج ( بليه وديسك وأسطوانه وفورش دبرياج )

وبالمره يتم الكشف على كورونة الفتيس

فممكن فعلا فى الظروف اللى زى بتاعك

يكون بلى الكرونه الأبرى وحش

فركز برضه مع الكشف على كرونة الفتيس

وأنت مطلع الفتيس والدبرياج بره العربيه

______________________

ومش عاوزك تتعرض لعمرة دبرياج وتقفل

ويستمر الصوت تانى

دا لو كانت الكورونه وحشه كبلى

فالتركيز مطلوب وكل حاجه بره

علشان تخلص من القصه دى مره واحده

فمدام

عفش البيت حيطلع بره ....يبقى بالمره كله يتعمل

رد: صوت ونة زي الكارونا
 

انا رايي بلي عجل امامي......ولما بتمور الصوت موجود ....

رد: صوت ونة زي الكارونا
 

انا لسة جاي من برة وقولت احكيلكو اللي حصل

انا رحت لواحد تاني بتاع عفشة وزوايا برضو وقولتلة علي اللي حصل واني مش عارف احدد الصوت منين
راح قالي هنفك عامود كوبلن من الفتيس وتجرب السرعة وتشوف الصوت اللي بتسمعة جاي منين
فعلا خلع عامود الكوبلن اليمين اللي هو اطول من الناحية الشمال ولقيت الزيت عمال ينزل قالي عادي بس ابقي زود زيت تاني
ودخلت دورت الموتور واديت الغيار الاول لقيت مؤشر السرعة بيطلع بس العربية مش بتتحرك وهكذا مع التاني ونفس الحكاية مع كل الغيارات وانا سالتة انت متاكد ان كدة تروس الفتيس بتلف قالي طبعا بس مفيش حركة عشان احنا فاصلين عامود الكوبلن

والمفاجأة ان صوت الونة مش باين خالص بس نبهني ان بلية الدبرياج جابت اخرها
والنتيجة ان الصوت ممكن يكون من مشرشر عامود الكوبلن او بلي العجل الامامي
انا دلوقتي احترت ايه ياترى و هاغير البلي الاول وبعدين لو الصوت لسة موجود هجرب عامود كوبلن تاني او هنزل الفتيس

رد: صوت ونة زي الكارونا
 

جرب تغير البلى الأمامى فقط

وستجد خيرا بأذن الله

والميكانيكى ده

دماغه حلوه

خليك معاه

بس جرب العربيه بعد تغيير البلى

لو عجبك الوضع

يبقى كده تمام ونحن مع الأيام

رد: صوت ونة زي الكارونا
 

بليه الفتيس صوتها معروف و بيبان لما تدوس دبرياج يروح
كده انتهينا من صوت البليه
لو فيه صوت زي صوت التاكيهات يبقي تغير زيت الفتيس.
بالنسبه للصوت اللي عندك دا بلي عجل و مش عارف ازاي الصنايعيه مش واخدين بالهم
روح لميكانيكي كويس و يكشف و يقول الصوت جاي منين
انت ببساطه معندكش في العربيه حاجه بتطلع صوت بلي غير اربع حاجات
صوت بلي العجل و دا بيبان و انت ماشي و لما تمور العربيه تحس بيه اوي
صوت بلي شداد الكاتينه و دا قليل لما يطلع صوت
صوت بليه الدينامو و صوت بليه طلمبه المياه
و التلات اصوات الاخيره بيكشف عليهم الميكانيكي و العربيه واقفه من خلال سماعه زي بتاع الدكاتره كده.
مشرشر الكوبلن لو فيه حاجه حتلاقي العربيه بتترج بين سرعه 20 الي 40
دا خلاصه القول بدل اللف و الدوران

رد: صوت ونة زي الكارونا
 

ساعات

يا أستاذ : حازم

بيكون فيه تداخل بين صوت بلية عجله معينه

ووجود عيب خشونه فى بلي كرونة الفتيس الأبرى

نظرا لأتصال كرونة الفتيس ببلية العجله من خلال عمود الكبلن المعين

طبعا كل جانب وليه عمود أتصاله الخاص بيه

جانب أيمن ............عمود كبلن طويل

جانب أيسر ..........عمود كبلن أقصر نظرا لأنحراف الفتيس جهة اليسار وأحتلاله

جزء من غرفة المحرك

وفعلا

الميكانيكى دماغه حلوه لما فصل الكبلن لعزل العيب

ومظهرش أصوات ونات فى منطقة الفتيس على الرغم أن الفتيس معشق

فكده الونه الحاليه مع الزميل

ماهى إلا عباره عن نقصان فى كفاءة بلى العجل الأمامى وبتبان مع السرعات العاليه