مصر موتورز مجتمع السيارات - لو حد جاب اللوجان وجربها ... يقولى اعمل اية

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - لو حد جاب اللوجان وجربها ... يقولى اعمل اية (https://www.masrmotors.com/vb/showthread.php?t=40773)

رد: لو حد جاب اللوجان وجربها ... يقولى اعمل اية

السلام عليكم ورحمة الله
لو سمحت كنت عايز اعرف من الاخوة الاعضاء الى عارف و فاهم مش الى بيفتى ههههه هو فيه فرق بين السانديرو و اللوجان غير انها هاتشباك و سيدان و هل هى فعلا عربية كويسة و لا لأ و صوت ماتورها عالى مستفز و لا عادى مقبول عشان انا سمعت ان صوت ماتورها عالى مش معزول عن الصالون ياريت حد يفيدنى بس للمعاه العربية و فاهم فيها رجاء

رد: لو حد جاب اللوجان وجربها ... يقولى اعمل اية

اقتباس:

المشاركة الأصلية كتبت بواسطة ringoo (المشاركة 296682)

ربنا يباركلك فيها وتستمتع بيها فى الخير ان شاء الله

متشكر جدا يا استاذ رينجو وانت بجد انسان محترم معلش انا تقلت عليك ..... واقبل تحياتى
بس معلش اخر استفسار هى التانك بتاعها كام لتر وامتى ازود التانك بتاعها لما الموشر يعنى يقولى اية اسف بجد لان دية اول مرة اجيب عربية واسوقها وبصراحة مليش فى تكولوجيا السيارات

رد: لو حد جاب اللوجان وجربها ... يقولى اعمل اية

اقتباس:

المشاركة الأصلية كتبت بواسطة moustafa.peace (المشاركة 297473)

متشكر جدا يا استاذ رينجو وانت بجد انسان محترم معلش انا تقلت عليك ..... واقبل تحياتى
العفو يا استاذ مصطفى ولا شكر على واجب

بس معلش اخر استفسار هى التانك بتاعها كام لتر وامتى ازود التانك بتاعها لما الموشر يعنى يقولى اية اسف بجد لان دية اول مرة اجيب عربية واسوقها وبصراحة مليش فى تكولوجيا السيارات

نظريا تانك البنزين بياخد 50 لتر لكن ممكن العربية تستعيب حوالى 60 لتر بالزور لكن لا افضل ذلك
افضل شيئ انك تمون قبل ربع التنك ما يخلص ممكن تحسبها على مؤشر البنزين يعنى تمون العربية لما توصل لاقل شرطتين
طبعا دى حركة وقائية علشان ماتعملش حمل على طرمبة البنزين لكن لو البنزين خلص منك بتنور ليك علامة فى التابلو زى اى عربية وبيكون فى حوالى 7 لتر ممكن تمشى بيهم حوالى 70 كيلو متر فى الزحمة او 100 كيلو طريق سريع
وان شاء الله حقولك على طريقة تعرف بيها فاضل كام لتر فى التنك بالظبط والعربية هى اللى حتقولك كمان

رد: لو حد جاب اللوجان وجربها ... يقولى اعمل اية

تحياتي ومبروك ... صوت العربية عالي لكن غير مؤثر تماما داخليا هي فقط خارجيا وممكن تعمل كفر تحت غطاء الكبوت لمنع الصوت زي bmw , مرسيدس وهي سارة ممتازة
وتقبل مروري

رد: لو حد جاب اللوجان وجربها ... يقولى اعمل اية

اقتباس:

المشاركة الأصلية كتبت بواسطة elkhodary84 (المشاركة 297182)

في الشكل الخارجي اختلاف تام فوانيس اكصدامات وصاج وكل حاجه لكن عفشه واحده وماتور واحد ومن جوا شكل التابلوه والزراير واحد بالنسبة للماتور يمكن تقول انه صوته جرش لو انت بره العربيه لكن وانت جوه مفيش اي صوت ومش حتحس بكده الا بعد التليين وانا اكاد اجزم واللي مش عجبة يجرب ان صوت العربية من جوه اقل بكتير من صوت الانسر البومه ال 1300 من جوه لاني عندي الاتنين

رد: لو حد جاب اللوجان وجربها ... يقولى اعمل اية

شكرا على اههتمامكم بالرد و شاكر ليكم جدا

رد: لو حد جاب اللوجان وجربها ... يقولى اعمل اية

اقتباس:

المشاركة الأصلية كتبت بواسطة ringoo (المشاركة 296040)

كاسيت اوديو يعنى لا يقبل ملفات ال ام بى ثرى عادية لأ لازم تحولها الى اوديو او تعملها باستخدام برنامج النيرو
هو ميزته انه صوته نقى لكن عيبه ان السى دى بيحمل عدد 18 اغنية بحد اقصى او بمعنى اصح تقدر تحط على السى دى 80 دقيقة
......................... ............
اداء العربية جيد جدا وماتورها حلو وممتعة فى القيادة والبور بتاعها راسى وتقيل شوية ودة بيديها ثبات ورسيان على الطرق السريعة
ثبات العربية ممتاز بالنسبة لهذه الفئة من السيارات ... وثباتها جيد بالنسبة للسيارات عموما .. وعربية امان جدا جدا
......................
بالنسبة للسفر ممكن تسافر بيها امريكا وترجع مافيش مشكلة ... وهى اصلا عربية للسفر والمسافات البعيدة
......................... ..
المراية ليست مراية ضم .. المراية كهربة يعنى كف المراية بس هو اللى بيتحرك مش المراية باكملها
........................
طبعا الصانع بينصح ببنزين اوكتان عالى 95 حلو 98 يا ريت .. لكن طبعا بالنسبة لينا احنا فى مصر دة مكلف جدا
عموما العربية بتقبل من اول بنزين 91 اوكتان يعنى تقدر تحطلها 90 او 92 والفرق مش كبير اذا 92 افضل
ولو حطيت بنزين 80 العربية مش حتقول لأ بس حيكون فى خطورة على عمر الماتور الافتراضى (على المدى البعيد) مع علو صوت الماتور وصدوربعض الاصوات منه زى صوت التسقيف والكركرة
وبنزين اوكتان 80 لا ينصح بيه الصانع نظرا لان نسبة انضغاط محرك اللوجان 9.5 اذا اقل اوكتان بنزين ليه هو 92

ممكن اعرف متوسط استهلاك البنزين لكل 100 لتر - لان السيارة اللى معايا بتستهلك 9 لتر / 100 ك وهى ماشي لغاية دلوقتى 700 كيلو ممكن اعرف الاستهلاك ده عالى ولا ده عادى دلوقتى