رد: السيارة تقف فجاه
 

انا العربية عندى بتبطل وانا برجع لوراء (مرش داير )
لما بدوس على الفرامل
واكون كاسر الدريسكون
هل دة برضة عيوب فى السيرفو

رد: السيارة تقف فجاه
 

ممكن يكون عيب من البوجيهات لو بقالهم كتير متغيروش ..

واعتقد احتمال كبير فى فلتر الهوا .. لو مكنش يبقى الرشاشات ..


بس انا عندى سؤال اخير .. هل حرارة العربية بتبقى مظبوطة ولا فوق النص ..

لو الحرارة بتعلى عن نص الامبير وارد جدا تكون المشطلة بسبب الحرارة الزايدة ..

لكن على افتراض الحرارة مظبوطة ..

يبقى حضرتك تروحى للميكانيكى وقبل ما يلعب فى حاجة قوليله :

يكشف على فلتر الهوا ..

لو تمام يكشف على البوجيهات (يستحسن تغيريهم بنوع نضيف وانا عن نفسى بستعمل NGK وتمنهم حوالى 45 جنية) ..

لو كله تمام يبدأ بقى يدخل فى الانجيكشن (ينضف حساس البوابة و يشوف الرشاشات وكده) .. وانصحك لو الموضوع هيدخل فى الانجيكشن يبقى لازم ميكانيكى معروف وموثوق به ...




عموما خلى بالك معظم الميكانيكية بيحبوا يكبروا المشكلة علشان يخدوا فلوس اكتر .. فخلى بالك وخليه الاول يكشف على فلتر الهوا والبوجيهات قبل اى حاجة (على اعتبار ان فلتر البنزين جديد) ..


ومتنسيش حضرتك تطمنينا ايه الاخبار ...

رد: السيارة تقف فجاه
 

السلام عليكم ممكن اقول ملحوظة لسيطة بخصوص تبطيل السيارة عند تبطئة العربية او فرامل عن المطبات او الملفات ممكن يكون عيب من 3 حجات اول حاجة اكشف على فلتر البنزين ممكن يكون فى شوية تراب بيسد الفلتر تماما وكدا يمنع البنزين وتبطل العربية تانى حاجة ممكن مضحة البنزين او الرداخ بايظ يحب يتغير تالت حاجة ممكن البيكات اللى فى الكربراتير مسدودة وتحب تتسلك كويس هما دول ممكن اسباب تبطيل السيارة عند المطب او الملف مع دوس الفرامل وشكرا

رد: السيارة تقف فجاه
 

تمام يا باشا ..

بس صاحبة الموضوع قالت انها لسه مغيرة فلتر البنزين وانها كشفت على الرداخ (طرمبة البنزين) وطلعت تمام ..

بالنسبة لموضوع بيكات الكربيراتير دى فعلا معلومة صحيحة لكن العربية بتاعت صاحبة الموضوع نوبيرا يعنى انجيكشن مش كاربيراتير ..

واللى بيحل محل بيكات الكربيراتير فى العربيات الانجيكشن هى الرشاشات (ممكن تكون مسدودة) ..