مصر موتورز مجتمع السيارات - عايز رأيكم فى الاقتراح ده

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - عايز رأيكم فى الاقتراح ده (https://www.masrmotors.com/vb/showthread.php?t=40252)

رد: عايز رأيكم فى الاقتراح ده

١٠٠٠٠٠٠٠٠٠٠٠٠٠٠٠٠٠٠‏ شكر
انا ان شاء الله هجيب جى ام ٤ تشانل ٤٠٠ وات و انا عندى ٢ سونى اكسبلود بتوع العربيه القديمه و هجيب عليهم ٤ كينوود صغير و كده تمام اوى....
افى سؤال معلش انا بتعبك معايا بس انت موسوعه بقى و مفيش غيرك معبرنى . هو ينفع اعمل ريموت بتاع التاره زى المالتى فنكشن للكاسيت ولا لازم يكون جاى مع الكاسيت؟

رد: عايز رأيكم فى الاقتراح ده

ياباشا لاتعب ولا حاجة, ألف شكر على ذوق حضرتك.

الريموت المالتى ليه حلين, الأول أنك تجيب fm modulator أو مايطلق عليه mp3 car الأنواع النضيفة منه بييجى معاها ريموت مالتى فانكشن بيركب على الطارة, بتتحكم بيه فى الموديوليتور بس (الصوت, الأغانى, الأكيولايزر, ترد على التليفون, ألخ), لكن الجهاز فيه مزايا تانية, فيه أجهزة فيها بلوتوث وأمكانية التوصيل بالموبايل, غير المميزات العادية, السعر تقريبا فى حدود 150 جنيه فيما فوق بس مش عارفه بالظبط.

بص ياباشا الموضوع ده

http://www.masrmotors.com/vb/showthread.php?t=23878

الحل التانى كاسيت ينفع يتركبله الريموت, الريموت مابيجيش مع الكاسيت, بس الكاسيت بيبقى فيه الأوبشن أن حضرتك تجيب الريموت بتاعه وتوصله بيه, وده فى الكاسيتات الحديثة مش الأصلى اللى بييجى مع العربية غالبا, والريموت لوحده بيعمل 130 الى 150 جنيه, وبتتحكم منه فى الكاسيت ككل, وأشهر الاجهزة اللى الريموت بتاعها متوافر هى البايونيير.

رد: عايز رأيكم فى الاقتراح ده

اه انا قريت الموضوع ده بس و اللهى الواحد من كتر الاختراعات انا توهت . يعنى اللى يخلينى اجيب ده ب ٣٠٠ جنيه طب ماهو فى دى فى دى مرايه و فيه جى بى اس و بيتوصل بتليفون و حاجات كتير ب ٥٠٠ جنيه و اللهى الواحد احتار

رد: عايز رأيكم فى الاقتراح ده

ممكن بس بعد اذن صاحب الموضوع اعرف ايه احسن سماعات اماميه مدوره مقاس 16 للانسر بومه؟؟ واسعارها ايه ؟! وهل فيه فرق كبير بنها وبين الكمبوننت على انها تستهل فرق الفلوس مقابل الاداء؟!

رد: عايز رأيكم فى الاقتراح ده

مستنين انجكشن باشا يقولنا لأنو موسوعه و هو هيفيدك و انا كمان عايز اجيب زيك

رد: عايز رأيكم فى الاقتراح ده

بصوا يارجالة, المقاس اللى بيقابل ال 16 هو ال 6.5 بوصة, الأنواع المتوافرة كتير, فى كينوود 240 وات.

http://ecx.images-amazon.com/images/...500_AA300_.jpg

وفيه كينوود 160 وات

http://ecx.images-amazon.com/images/...500_AA300_.jpg

ودى ملائمة أكثر للكاسيتات القديمة, والفرق بينها وبين اللى فوق أن الأولى 3 واى والتانية 2 واى

يعنى الأولى بتطلع بيز وميدرينج وتريبل, والتانية بيز وميدرينج بس

وفيه البايونيير 180 وات, ودى 2 واى وبرضه ملائمة للأنظمة القديمة.

http://ecx.images-amazon.com/images/...500_AA300_.jpg

لو قعدنا نعد فى السمعات مش هنخلص, فأسمحولى أقول شوية حاجات.

السماعة بتتقاس قوتها بعدة حاجات, أهم 2 هما الماكس وات وال rms , الماكس وات هو اللى بيبقى مكتوب على السماعة من بره زى البايونيير ال 180 وده أقصى وات السماعة تقدر تشتغل بيه من غير وش أو خطر عليها, الأر أم أس هو الوات اللى السماعة تقدر تشتغل عليه بصفة مستمرة بدون أجهاد ليها وبصوت جيد.

دلوقتى لو الواحد بيشترى سماعات, أنت بتشترى حسب الكاسيت أو بأعتبار ماسيكون اللى هو مثلا الأمب, فلازم تجيب حاجة واتها مناسب, يعنى الكاسيت العادى بيطلع فى حدود 60 وات ماكس أو أقل (بين 35 و 65, وبيبقى مكتوب غالبا على باب الكاسيت), علشان تجيب سماعات تستفيد بيها من قدرة الكاسيت, بتجيب سماعات مش عالية قوى ولا قليلة قوى, زى الكينوود ال 160 وات, بحيث تستفيد من كل قدرة الكاسيت وتسمع صوت نقى وكويس, وتقلل الخروشة.

لكن القدرة اللى بيطلعها الكاسيت تعتبر ضعيفة جدا, علشان كده الناس بتركب أمبليفاير, علشان يسمعوا الصوت الصح.

لكن لو ركبت سماعات كبيرة على الكاسيت, يبقى ما أستفدتش حاجة, لأنك مش هتستفيد بالقوة الزيادة وتبقى صرفت على الفاضى, الا لو ناوى تركب جى أم.

وعلى فكرة معظم السماعات النضيفة اللى فى السوق الكاسيت مابيشغلهاش بكل قدرتها, يعنى سماعة 160 وات وكاسيت بيطلع 60 وات, فكده كده أنت مش هتشغل سماعات بكل قدرتها من غير أمبليفاير, لكن الفرق عن الصوت الأصلى مالوش حل وعن تجربة.

ومعلش ياجماعة, الكومبوننت هو الطقم اللى بيبقى فيه التويترات بتتركب لوحدها, وسماعة ميد لوحدها وصب لوحدها, زى دى مثلا

http://www.team-bhp.com/forum/iipcache/126830.jpg

أنما أنا كان قصدى على السماعات ال 3 واى وال 2 واى زى اللى صورهم فوق.

وبالنسبة ليستحقوا ثمنهم ولا لأ, فهما يستحقوا ثمنهم جدا, السماعات الأصلية بتبقى ضعيفة جدا, علشان كده بتخروش لما تعلى الصوت, وكمان عبارة عن رق واحد فقط بيصدر كل الترددات الصوتية بيز على تريبل على ميد, وده غلط والصوت بيبقى وحش, والرق بتاعها معمول من الورق المقوى

أما ال 2واى أو ال 3واى, بتبقى متقسمة حسب الترددات وكل "واى" بيطلع تردد معين, فالصوت أحسن ومجسم أكثر, ده غير أنها أقوى من الأصلى, لو كانت الأصلية بتخروش عند 15 مثلا دى هتخروش على 26 وصوتها هيبقى أعلى من الأصلى.

وخلوا بالكم أنهم يعتبروا رخاص مش غاليين, بين 120 ل 200 جنيه للطقم.

أنما لو قصدك يا كاسبر باشا على الكومبوننت الحقيقى اللى زى فوق, فدى قصة يطول شرحها دلوقتى.

أرجو أنى أكون أفدتكم, وأسف على العك الكتير وأسف جدا على التأخير.

رد: عايز رأيكم فى الاقتراح ده

مش بقولك موسوعه و ربنا . بص انا لو فضلت اسألك عن كل حاجه انا عايزها هتزهق منى بس انت كده تمام اوى
بس بص بقا اخر حاجه قولى على الحاجه اللى هشتريها بالظبط بالظبط بالوات و RMS ‎.بكل المواصفات يعنى علشان اجبهم على طول و ميتضحكش عليا . و انت عارف اللى عندى كاسيت العربيه الاصلى و مش عايز صبات .....و شكرا