رد: ارجو المساعده في تسعير سياره ارجو السرعه132
 

متتفقش معاه على سعر معين غير لما يشدها الاول وتشوف هتبقى كويسة ولا لا ..

لكن ممكن تتفق معاه على سعر وفى الاخر يعملها اى كلام ...

ونصيحة اخوية روح معاه وهو بيشدها وخليك جنب العربية لغاية متخلص وشوف بيعمل فيها ايه بالظبط ..

واحنا هنتابع معاك ولو فى حاجة اثناء الشد انتا مش فاهمها تعالى اسالنا عليها على طول ...

وربنا يوفقك يا كبير .....

رد: ارجو المساعده في تسعير سياره ارجو السرعه132
 

طالما أنت ميال ليها

قوله أعمل كل إللى هى عاوزاه

مكنه وعفشه ودهان

وأنا حاشوفها بعد كده ( علشان يكون ليك مخرج من البيعه لو حسيت أنه لم الدور ومصرفش عليها كويس )

وحديك إللى أنت عاوزه ( ال16 ألف برضه )

لو دخلت دماغى أنا وإللى حيتفرجوا عليها ويجربوها ( بعد الشد وعمرة المكنه )

وبكده أنت إللى معاك الكوره

بحيث تلعب براحتك بعد أنتهاء تجهيزاته للعر بيه

والله لقيت الراجل .....لم يبخل على العربيه فى المصاريف

وطلعت ممتازه 0..................

يبقى ياخد حقه كما أتفقتم

نفترض بأه

لقيته .........لم الدور بقرشين

يبقى فاصله بحيث تهرب من البيعه

رد: ارجو المساعده في تسعير سياره ارجو السرعه132
 

يا جماعه هوا طالب 13000 علي حاله العربيه الحاليه كما وضحتها في الموضوع قبل الشد وهيشدها ب 3000 شامله الاتي
عمره كامله
سمكرة علي الصاج ودوكو فرن
كسوة وفرش الدواسه

رد: ارجو المساعده في تسعير سياره ارجو السرعه132
 

ماشى يا كبير ..

قوله اصرف عليها كويس وشدها وخليها ع الشعرة ومش هنختلف على السعر بعد كده ..

وانصحك انك تتابع شد العربية بنفسك لانها تعتبر عربيتك دلوقتى ..

ومتخلصش فيها قبل ما تتشد .. مين عارف يمكن تطلع فيها مشكلة ...

رد: ارجو المساعده في تسعير سياره ارجو السرعه132
 

لا تعليق بعد كلام الاخ العظيم الباشمهندس سميروالاخ الفاضل الاستاذ حسام البورسعيد ،، بس برضو انسى ال 16000 دى خالص حتى بعد شد العربيه وحاول تنزل ولو وصلتها ل 14 يبئى كويس ده طبعا بعد ما تحس انها بقت تمام واتشدت بنضافه زى ما قالو اخواننا واستاذتنا وبالتوفيق ان شــــــاء الله .
تحيــــــــاتى

رد: ارجو المساعده في تسعير سياره ارجو السرعه132
 

ياريت حتى

ماتدفعلوش أى عربون حاليا

إلا اما تشوفها زى العروسه قدامك

________________

والله عجبتك العروسه

يبقى مش خساره فيها أى مبلغ

_______________

نفترض أن العروسه معجبتكش

يبقى خليها فى بيت أبوها

رد: ارجو المساعده في تسعير سياره ارجو السرعه132
 

3000 يبقى مش حيشدها حيلصمها ويلزقهالك

يعنى حيديها وش نضافه ويعمل كام حته البارومه الى باينه وطقم شنبر من غير ميغير حاجه فى الموتور لمجرد ان الدخان يروح وانت تشتريها

نصيحه من الاخر يا تبعد عن العربيه دى وتدور على واحده مشدوده ادم عينك
او تاخدها على وضعها وتشدها انت صح تطلع الموتور وتغير كل المحتاج يتغير وتحل الصالون والازاز وتوديها فاضيه للسمكرى يعمل كل السمكره الداخليه والخارجيه وحيلاقى بارومه تحت الازاز كتييييييييييير يعملها طبعا والشنطه برضه اكيد حتلاقى فيها بارومه

وبعد كده ترشها ميتاليك عند صنايعى نضيف وتوديها لكهربائى يظبط الضفيره والاشارات وكل الشغل الى فى العربيه وبعد كده السروجى يقفلها ويعمل الفرش الى انت عاوزه بالون الى انت عاوزه

دى كده اسمها تشد عربيه لكن اتحداك لو صاحب العربيه حيعمل كل ده طبعا هما ال 3 الاف حيعملو ايه ده الموتور اقل واجب حياخد 1000 جنيه دى 132 مش اى عربيه

الحوار ده حيدخل فى 5 الاف تحد الزياده والنقصان حسب المصنعيات وحاله العربيه

فلو انت عاوز تشد العربيه وتربيها على ايدك خدها على وضعها ب 10000 او 11الف بالكتيييييييير وقول حتصرف ال 5 يبقى انت كده شديتها على ايدك وعملت كل الى نفسك فيه

(انا بقولك كل ده لانى مجرب العربيات القديمه واتلسعت كتييييييييير )