رد: يعني ايه المساعد جاب زيت؟ هل بيبقى الزيت عليه من بره باين؟؟
 

جايز يكون بتاع البنزينه أو مركز الخدمه وأنت بتعمل غسيل وتشحيم

كان بيزيتلك بطاحة الجنب الشمال

وشوية زيت نزلوا على عمود المساعد والسوسته

عموما

نظف المنطقه دى كويس بفوطه صفراء

وأعملك مشوار بالعربيه

وبعد المشوار

لو لقيت مفيش تلوث حصل تانى

يبقى ده زيت من المزيته إللى كانوا بيزيتوا بيها بلى البطاحات

وكده مساعدين عربيتك فى أمان تام

رد: يعني ايه المساعد جاب زيت؟ هل بيبقى الزيت عليه من بره باين؟؟
 

هو عربية سيادتك ماركتها ايه و ايه اللى عرف سيادتك أن المساعد اللى فيها مساعد زيت . مش ممكن يكونوا مساعدين هوا مش زيت و بعدين الحل زى ما الأخوة الأفاضل قالولك :

تهز العربية جامد عند الناحية اللى فيها زيت و تشيل ايدك فجأه , لو المساعد بايظ , هتلاقى ممكن تسمع صوت طقطقة عند الناحية دى و أنت بتهزها و كمان أول ماتشيل ايدك , هتلاقى العربية بتقعد تهتز شويه كده و مابتثبتش عالطول .

و ان شاء الله خير , بس أنا أحب أطمنك أن تلف المساعدين مابيحصلش فجأة كده , ده بيكون زى الأمراض المزمنة , يعنى بتلاقى العربية من الأمام مش ثابتة الأول و بالدات لو بتاخد مطب عالى و عريض بسرعة متوسطة, هتسمع صوت تخبيط المساعد و بعد كده , هتلاقيه بدأ يرشح زيت من بره .

رد: يعني ايه المساعد جاب زيت؟ هل بيبقى الزيت عليه من بره باين؟؟
 

جزاك الله خيرا يابشمهندس سمير والله الواحد مش عارف يودي جمايلك فين

انا لسا راجع من مشوار وطلعت مطبات كتير مففيش اي حاجه من اعراض المساعد

لكن عموما هعمل اللي حضرتك قلت عليه وربنا يسهلها ان شاء الله

تحياتي

اهلا بيك اخي العزيز

عربيتي سوزوكي ماروتي 2007
وانا جربت كل الحاجات اللي قلتو عليها ومفيش اهتزازات وغالبا هيطلع كلام بشمهندس سمير مظبوط وعموما دي صوره للوضع الحالي لو ممكن توصلكم المشكله اكتر
http://img534.imageshack.us/img534/2...2010111.th.jpg

تحياتي

رد: يعني ايه المساعد جاب زيت؟ هل بيبقى الزيت عليه من بره باين؟؟
 

حد شاف الصورة؟؟

رد: يعني ايه المساعد جاب زيت؟ هل بيبقى الزيت عليه من بره باين؟؟
 

لو سيادتك منضفتش المساعد يبقى المساعد دة سليم ومش جايب زيت ولا حاجة

رد: يعني ايه المساعد جاب زيت؟ هل بيبقى الزيت عليه من بره باين؟؟
 

من غير ماحد يشوف صور أساسا

لو تتبعت الطريقه إللى قولتلك عليها

ومشيت بالعربيه بعد التنظيف على شوية طرق من بتوعنا الجمال

حيبان معاك كل حاجه بمجرد شغل المساعدين

رد: يعني ايه المساعد جاب زيت؟ هل بيبقى الزيت عليه من بره باين؟؟
 

يا بشمهندس سمير والله كلامك على عيني وراسي ولسا على منتدى تاني في حاجه تانيه كنت حضرتك قلتهالي بقولهم لو حاجه انا متأكد منها وبشمهندس سمير قالي عكسها هسمع كلامه
GIFT4U

الفكره ان اخوك من الحجام الثقيله ومش سهل خالص عليا اني انضف المكان ده
ههههههههههههههههههههه
انا صورته بالعافيه
عموما هعمل بكلامك وان شالله افك الكفر وانضف وارجعه تاني مفيش مانع

وعموما انا خرجت بيها مشوار امبارح ومش شايف اي مشاكل اطلاقا وتعاملها مع مطبات الهوا زي مهوا بالظبط ومفيش اهتزازات او اصوات غريبه فغالبا زي محضرتك قلت هوا زيت البطاحات ونقطت والله اعلم

ROSE4U
كلامك دايما عالعين والراس يا بشمهندس


تحياتي