رد: خبط في فرامل الاكسنت 2011 سبورت
 

لا هيا مفيش اي مشكله غير الصوت ده يعني لو فرملت وانا ماشي تيجي العربيه تقف اسمع الخبطه ده يا اما وانا واقف وبلف دريكسيون وماسك فرامل اسمك التكتكه ده بجد صوت زاعجني اوي وقالولي في التوكيل عادي الصوت ده فانا بحسب هيا الاكسنت كده يعني اعمل ايه مفيش حاجه تتغير تحل الموضوع ده

رد: خبط في فرامل الاكسنت 2011 سبورت
 

حاول برضه تشوف ميكانيكى كويس

ياخدلك هواء من دايرة الفرامل

جايز يكون فيه هواء محجوز أمام الزيت

وبرضه وجود الهواء يعملك أعراض شبيهه باللى عندك

مع ضعف فى الآداء الفرملى

رد: خبط في فرامل الاكسنت 2011 سبورت
 

مش فاهم ايه موضوع الهوا ده ومادام ده عيب ومش في كل الاكسنت ليه يقولو ده عادي انا افتكرت ده عيب فيها هيا الاكسنت الاتوماتيك كده استغفر الله العظيم

رد: خبط في فرامل الاكسنت 2011 سبورت
 

نعم أستغفر الله العظيم

وشوف أخى الفاضل

فى علم ميكانيكا الموائع بقسم الهندسه الميكانيكيه

تقسم الموائع إلى شقين

1- قابله للأنضغاط مثل الغازات ومنها الهواء

2- غير قابله للأنضغاط مثل السوائل وكمثال ( زيت الفرامل )

فمع تركك لدواسة الفرامل يتمدد الهواء ويشغل حيزا كبيرا من خرطوم الزيت

ومع ضغطك على الدواسه ينقبض الهواء ويشغل حيزا أقل بكثير

تلك الفتره يكون فيها أضطراب فى حركة الزيت وعدم أنتظام فى السريان

ومن هنا بيحدث تقطيع للضغط المتواجد داخل دايرة زيت الفرامل

وبيكون الضغط فى صورة نبضات متقطعه

إلى أن ينتظم الضغط إلى حد ما ويستطيع الزيت من التغلب على اللعبكه إللى عاملها

وجود الهواء أمام الزيت

ويبدأ شغل مساتر الفرامل الطبيعى

فى تلك اللحظه وفور أنتظام الضغط على أسطح مكابس المساتر

من الوارد جدا

حدوث صدمه فجائيه وأرتطام على مناطق تحميل المساتر على التيل ثم الطنابير

ومن هنا ستحس بصوت رزعه أثناء الآداء الفرملى

رد: خبط في فرامل الاكسنت 2011 سبورت
 

يا باشا روح التوكيل و اعملهم بالوا هناك هيصلحوها على طول و لو غلسوا اطلب مدير الفرع و اكتب شكوى فى جودة السيارة و تأكد انهم هيصلحوها بس دة عيب عندك انت بس