مصر موتورز مجتمع السيارات - ما هي افضل الانواع للخوذه؟؟

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - ما هي افضل الانواع للخوذه؟؟ (https://www.masrmotors.com/vb/showthread.php?t=39822)

رد: ما هي افضل الانواع للخوذه؟؟

شكرا يا باشا علي المساعده لاني من اسكندريه وعايز اعمل حسابي قبل ما اجي

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة Jack Box (المشاركة 287318)

INDEX ب 250 جنيه
agv بتبدا من 900 جنيه
scorbion من 2200 الي 2800
ICON تبدا من 1950 الي 4800
SHARK فوق ال 5000
ِِARAI فوق ال3000
دي بعض الانواع المشهوره وفي حاجات تانيه برضه
تقدر تلاقيها عند :
تامركو شارع جسر السويس قبل اشاره روكسي
ايمن فوزي شارع ذاكر حسين مدينه نصر
احمد فهمي العجوزه بجوار كافيتريا نعمه
هيثم لطفي شارع مصطفي النحاس مدينه نصر بجوار شركه صادكو
طارق ماندو شارع مصطفي النحاس مدينه نصر بجوار ابو مازن
اسامه لاشين شارع طرابلس من عباس العقاد مدينه نصر

تمام بس الفرق بين اول نوع والتاني كبير ؟
مفيش حاجه ب700 او 600 وتكون كويسه

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة nktis (المشاركة 290022)

تمام بس الفرق بين اول نوع والتاني كبير ؟
مفيش حاجه ب700 او 600 وتكون كويسه

فيه حاجة في حدود 400 الي 500 و هي ls2 و علي فكرة هي شركة اسبانية بس بتصنع في الصين يعني بمعايير الجودة الاوروبية و علي فكرة الخوذة خامتها جيدة جدا بالنسبة لسعرها و بالمقارنة بالانواع الاخري الرخيصة انا شايف انها احسنهم بس ياريت لما تيجي تشتري خوذة تتأكد كويس من المقاس قبل ما تشتري يعني شوف الفيديو اللي انا وضعته في المشاركة و شوف مقاسك الاول و علي العموم ها تلاقيها موجودة في شارع بولاق الجديد عند معرض ابوحوا بس انا اخر مرة زرته فيها ماكانش عندهم غير مقاسات L و XL و ده كتالوج الموديلات علي موقع الشركة http://www.ls2helmets.es/catalogo.php و ربنا يوفقك.

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة Jack Box (المشاركة 287318)

استاذ هشام دلوقتي انا شايف ان في انواع كتير باسعار مختلفة طب مثلا حاجة زي ال index دي هي رخيصة اه بس تفتكر ممكن تحميني كويس لو وقعت وقعة جامدة؟ ولا أي كلام ؟

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة bikes (المشاركة 290086)

صيني تاني كفايه عليا توفيق . انما الخوزه نفسي في حاجه في حدود لحد700 .
يا خلق نفسي في حاجه متكنش صيني وتكون اي دوله تانيه لو حتي مصري.
وشكرا يا باشا علي المعلومات

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة nktis (المشاركة 290099)

علي فكرة مش معني انها بتتصنع في الصين او متجمعة في الصين انها تبقي منتج صيني لا طبعا طيب ماهي النوكيا دلوقت بتصنع في الصين هل معني ده ان المنتج صيني و علي فكرة الهوندا الcbr 250 الجديد موديل 2011 مصنوع في تايلاند و السنة الجايه ها يتصنع في الهند طيب في الحالة دي هانقول ايه بقي و علي العموم انت كنت بتسأل علي حاجة في حدود المبلغ اللي ذكرته و انا علي فكرة كنت عايز اجيب حاجة برضه في نفس الحدود دي و بعد ما روحت المعرض و شفت الخوذة و عجبتني و كنت خلاص هاشتريها لقيت المقاس اللي موجود كبير و انا لغاية دلوقت بادور علي المقاس ال m من الls2 و عامل مشاركة خاصة بالموضوع ده و علي فكرة مش ها تقدر تلاقي حاجة اوروبي اقل من 1000 جنيه الي 1500 , كنت هانسي لو انت عايز حاجة حتي لو مصري هاتلاقي في نفس الشارع اللي ذكرته حاجة مصري اخر حلاوة بالشنطة بتاعتها عاملة حوالي 100 ل 110 و اسمها halawa بس هاتكتشف برضه انها مصنوعة في الصين .

رد: ما هي افضل الانواع للخوذه؟؟

اقتباس:

المشاركة الأصلية كتبت بواسطة kemos123 (المشاركة 290091)

انا لابس واحده INDEX وكويسه جدا