رد: محتار بين 131-132-ريجاتا-بولونيز--504-305- 929 ارجو الافاده
 

مشكور علي الرد بس انا كاتب في اول مشاركه ان في ناس قاولوا ان مفيش ليها قطع غيار وخوفوني منها من غير ما يشرحوا هما بيخوفوني منها ليه علما انها مع واحد صحبي وبيشكر فيها
نشوف راي الاخوة الافاضل

رد: محتار بين 131-132-ريجاتا-بولونيز--504-305- 929 ارجو الافاده
 

اهلا و سهلا بحضرتك و تتصل في اي وقت احنا نتشرف.
سيبك من عربيات الاحلال دي مش حتركب عربيه كويسه
يعني عربيات الاحلال بقالها 30 سنه شقيانه تاكسي
حتاخدها تصرف عليها اللي وراك و اللي قدامك و برضه في الاخر مش حتتعدل.
احسن حل تجيب عربيه بيتي و سيبك من اللي يقولك نجيب العربيه و نصلحها
شراء العبد و لا تربيته

رد: محتار بين 131-132-ريجاتا-بولونيز--504-305- 929 ارجو الافاده
 

السلام عليكم ورحمة الله
لا كلام بعد كلام الاخ " hazem_khidr " سيبك من الاحل والناس اللى بتؤلك المازدا قطع غيارها مش موجودة
لو هاتعمل استقراء انا هاشارك
المازدا 323 من وجهه نظرى وتجربتها مدة كافية من افضل افضل السيارات المستعملة ومميزاتها
ناعمة جدا زى العربيات الزيرو
يابانى اصلى
1300 سي سي موفرة بشكل غير عادى للبنزين ولو قلت انها كانت بتعمل معايا 250 كيلو فى الصفيحة على الطرق السريعة
قطع غيارها معمرة واغلى من الفيات بحاجات بسيطة
شكل مناسب
عربية واسعة جدا من الداخل ( اربع اوض وصالة)
بيبان فيها الترويق
والله العربية دى شافت معايا ايام من اجمل العربيات اللى ركبتها
كنت بسافر بيها لمدة 3 شهور يوميا من الشروق لغاية سينا رايح جاى كل يوم عومرها ما كسفتنى بس انا الصراحة كنت مخليها عروسة ......كنت امشي بيها فى الشارع كتير يقولوى بتبيع
معلش انا طولت شوية بس دة عشان انقلك احساسي بالعربية دى
ولو سمحتلى ادلك على بعض اسعار قطع الغيار
جبت جوز فوانيس امامى بـ 160 جنية
دسك واسطوانة بتوع الاكسل مش فاكر سعرهم بس عادى بتاعة الاكسل العادى جدا
عملت عامرة كاملة كاملة شامل كل المصاريف بـ 2200 جنية

رد: محتار بين 131-132-ريجاتا-بولونيز--504-305- 929 ارجو الافاده
 

الف الف شكرا علي الاهتمام والتوضيح طيب هيه كانت موديل كام وتعمل كام
وشكرا تاني علي الاهتمام

رد: محتار بين 131-132-ريجاتا-بولونيز--504-305- 929 ارجو الافاده
 

أنا لما قولتلك المازدة 323 1982 من أحسن العربيات اللي نزلت مصر وحمالت قاسية جدا جدا جدا واللهِ العربية دي عملنا فيه كل حاجة ممكن تتخيلها من شيل وحط واللهِ مرة شلنا عليها باب كامل.

قطع غيرها موجودة في كل مكان وعمري مشتكيت منها ابدا , أهم حاجة إنك بإستمرار تخلي بالك من الكربراتير ودورة البنزين بس كده غير كده مفيش عيوب تذكر.

أنا بتكلم على المازدا 323 بتاعت الجيش وسعرها في حدود el-20 ألف وحوالي 22 ألف لو هلا ممتازة جدا

رد: محتار بين 131-132-ريجاتا-بولونيز--504-305- 929 ارجو الافاده
 

السلام عليكم
المازدا اللى كانت معايا موديل 82 واسعارها حاليا اوائل العشرينات

رد: محتار بين 131-132-ريجاتا-بولونيز--504-305- 929 ارجو الافاده
 

الف الف شكراللردود والهتمام خاصه من عشاق المازدا323