|
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
شكرا يا جماعه على ردودكم
وامبارح الوالد راح و معاه الميكانيكى لحد المكان اللى كانوا سايبينها فيه فى دمياط و الميكانيكى تلات ساعات يحاول فيها و مفيش فايده فى الاخر كلموا ونش جه خدها على الورشه وكالعاده العرربيه لازم تعكنن علينا فى العيد و هنعيد من غيرها واللهى انا كرهت العربيه الفقر دى كرهتهاااااااااااااااااااا ااااااااااااااااااااااااا ااااااااااااااااااااااااا اااااااا وخلاص احتمال بيعها ولو بخساره بقى وارد فى اى وقت |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
ليه يا عم كل ده ..
هو العيب طلع من ايه ؟؟ |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
واللهى يا استاذ حسام اتخنقت خلااااااااااااااااااااص منها الزفت العربيه دى مفيش صنايعيه بيفهموا فيها كويس للاسف كل شويه نوديها للميكانيكى ويقولينا بقيت تمام وتظهر مشكله تانيه
ياراجل ده مره كان فيه مشكله نها بتقطع هيا ماشيه و بتدى مدافع قعدوا بتاع تلات شهور مش عارفين يصلحوها وكل مره يشخصوا العيب غلط لحد ما طلع العيب فى حساس الكرنك بعد كده تظبتط و بعد شهر وديتهاله يغير مرايات ويشيك على الزيوت رجعهالى الفتيس فى مشكله وغياراته بتيجى بصعوبه غير ماستر الدبرياج كله وجابهالى قعدت اسبوعين وقولنا خلاص بقى نسافر بيها العربيه المفروض انها تمام عايزين سفريه زى بتوع زمان ياااااه على زمان كنا بنروح بيها من اسكندريه للسويس و سيناء و شرم و مطروح و سيوه المره دى قولنا نطلع بورسعيد وحصل اللى حصل عند دمياط و بالأخص جمصه العربيه عطلت بتدور بس البنزين بيقطع و مش بتمشى والميكانيكى لما راح امبارح مع الحج يشوفوها قعد يحاول ومفيش فايده وجابوا ونش وخدها على الورشه وربنا يسهل ده غير بقى الرفايع التانيه زى التكييف اللى كل شويه يقف و المساحات اللى وقفت لوحدها اخر مره الكهربائى واخد300 جنيه عشان يشغل التكييف و المساحات عشان كانوا مش شغالين واللى يغيظ وانا قاعد فى العربيه بسخنها و مشغل التكييف شويه بجربه قعد ربع ساعه و فصل و حلف ماهو شغال تانى والحج بعد ما كان رافض مبدأ البيع ده نهائى مش فى العربيه بس فى كل حاجه قالى بعد اليوم اللى شافه امباح انا بفكر ابيعها ولو بخساره |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
اقتباس:
وحد الله ياولدى والعربيات كده مشاكلها بتكون مش متوقعه وليها فصولات بايخه وإللى حصل ده عادى وبيحصل مع ناس كتير وبالتالى التسرع مش حلو فى بيع العربيات وخساره موقف أو أكثر يكرهوك فى العربيه |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
اقتباس:
بس الصراحه انا رأى اننا نغير الميكانيكى ولو برده المشاكل اتكررت سساعتها بقى نفكر فى البيع وخلاص لانى شاكك ان الميكانيكى مش بيراعى ضميره فيها |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
اقتباس:
غيره دول كتير |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
على فكرة طالما العربية بتدور ولكا تدوس بنزين تطفى .. تبقى عاوزة رداخ ...
وبعدين معلش انت تستاهل ههههههههه .. عارف ليه ؟؟ .. علشان انت بتسيبها للميكانيكى وتمشى والطريقة دى اتبتت فشلها الزريع .. لازم لما يحصل حاجة فى العربية تفضى نفسك يوم وتروح تعمله وتفضل واقف فوق دماغ الراجل وميعملش حاجة غير ما يقولك ليه وعشان ايه ... وتفضل تزهق ابوة كده ... والله هو ده اللى بينفع معاهم ..... المهم ان انت تشوف الرداخ الاول قبل اى شئ ....... |
| الساعة الآن 04:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017