رد: لوجان 2010 او 2011
 

يا جماعة السؤال ده انا سألته على المنتدى لأنى هاجيب اللوجان انشاء الله بعد العيد و الزملاء ردوا عليا مشكورين وفهمت منهم :

اللوجان الفول ابوبشن :
فيها سنتر لوك و الشنطة بتفتح و تقفل معاهم و السنتر ليه زرار فى التبلو - لما بنفتح السنتر علشان نركب العربيه فطبيعى كل الأبواب بتتفتح لكن الشنطة تفتح معاهم ( كلون الشنطة بيتفتح unlock مع ابواب العربية ) و طبيعى بعد ما بنركب العربية بنعمل lock للابواب و الشنطة بتقفل معاهم و او عازين نفتح الشنطة لازم نفتح السنتر كله و العكس .

و الهاف أوبشن برضو نفس النظام و لكن الفرق ان مفاتيح الهاف أوبشن مافيهاش ريموت بينما الفول اوبشن أحد المفاتيح مزود بريموت

علماً بأن المفاتيح فى كلتا السيارتين الهاف و الفول مشفرتين ودى ميزه قوية مش هتلقيها فى اى عربية بالسعر ده

يعنى نقدر نقول ان اللوجان فيها فتح الشنطة من الداخل لكن بنظام مختلف شويه و لكنه نظام كويس فيه فكرة .

تانى حاجة مافيش فتح تانك ولا فى الفول أوبش و لا فى الهاف اوبشن و دى مش عيب فى العربية و لكن فيها فلسفة بتعملها الشركات الأوربية المحترمة وتتعلق بتحقيق الأمان و السلامة لركاب السيارة و هى :
ضرورة إطفاء المحرك اثناء التذود بالوقود - يعنى نطلع المفتاح من الكونتاكت علشان نفتح التانك - و على فكرة انك ما تعرفش تتطلع المفتاح من غطاء التانك إلا بعد ما تقفله - علشان ما تفتحش التانك لبتاع البنزينه و ترجع تدور تانى - أو علشان ما تمشيش بالعربية و يكون بتاع البنزينه ماقفلش التانك كويس و العربية تمشى تتدلق بنزين .

و عموماً العربية دى تنكها كبير و لما تفولها مش هتحتاج تمون كتير خصوصاً انها موفرة فى البنزين -

و موضوع فتح التانك بالمفتاح دة مش قلة رفاهية فى اللوجان و لا حاجه و هما لوكانوا عاوزين يعملوه كانوا عملوه بجملة الكماليات اليى فيها - و هتلقيه فى عربيات أوربى قمة فى الرفاهية

رد: لوجان 2010 او 2011
 

هو قصدة ان الشنطة فيها مفتاح بيفتحها من بره ولما تفتح السنتر بالريموت الشنطة بتتفتح برضه زى الابواب بالظبط ...

رد: لوجان 2010 او 2011
 

بتقول ان ده مش عيب !!! ...
ياراجل دنا ممكن اصرف نظر خالص عن العربية دى عشان الموضوع ده
يعنى ازاى احنا فى 2010 دلوقت و عشان اعبى بنزين للعربية لازم اطلع من العربية واهز طولى عشان افتح حتة بلاستيكاية
وموضوع انها " فلسفة الشركات المحترمة عشان الامان " دى واسعة شوية
لان معظم الناس متبرمجة اساسا انها تقفل الموتور اول ما تقف فى البنزينة

ده عيب الصراحة انا مش قادر استوعبه .. والمشكلة انها حاجة حقيرة جدا ومش مكلفة ومش عارف عدت كده ازاى

رد: لوجان 2010 او 2011
 

اولا كل سنة وانت طيب
مافيش شك ان لو كان تانك البنزين بيتفتح من جوة كان حيكون اظرف
لكن اى حد معاه لوجان ممكن يعمل مفتاح على مفتاح العربية (مفتاح عادى غير مشفر) ويخليه فى العربية لما يكون فى البنزينة يعطيه للعامل من غير ما يهز طوله ولا حاجة
انا مافيش مرة بمون فيها بتحرك من العربية (بدخل البنزينة واطفى المحرك واعطى للعامل المفتاح وهو بيعيش حياته ويرجع المفتاح تانى وشكرا ) مش قضية يعنى

رد: لوجان 2010 او 2011
 

يا جماعة و انا ببص علي موقع رينو لقيتهم كاتبين ان اللوجان فيها ABS + EBA طبعا انا مش مصدق
هل ده صحيح؟
و ده الرابط
http://renault.com.eg/cars/LOGAN/prices.html

رد: لوجان 2010 او 2011
 

الف الف شكر ليكم واسف على التاخير
بس موضوعا لامان بتاع التنك ده كان ممكن يعملوا لمبة تشيك لو مشيت والتانك مفتوح
والف شكر ليك

رد: لوجان 2010 او 2011
 

هوا يقصد بامان حاجات كتير مش بس انك تنسي التنك مفتوح - يعني امان من سرقة البنزين مثلا لان التنك بمفتاح امان انك لازم تبقي مبطل العربيه وانت بتمون وبعدين هيا من الاخر مسألة ازواق انا عجبني الموضوع دا جدا ودي مش اول عربيه يبقي فيها الموضوع ده يعني علي سبيل المثال لا الحصر الفيكترا - ومش ده اللي حيعيب اي عربيه يعني