رد: لادا 2015 ولا 128 و لا اولع في روحي
 

السلام عليكم
المشكلة ان حضرتك حاطط الناس في مأزق ما بين ظروفك ونوع لاعربيتي
اللادة عربية كويسة جدا وممتازة وتتحمل البهدله كتير لكنها تحتاج لصيانه ومتابعه باستمرار بسبب موضوع لابيض والسخونة
وفي نفس الوقت 128 عربية الشعب وقطع غيارها عند البقالين زي ما بنقول بالاضافة ان العربيات من بعد موديل 91 او 92 ماتورها 1300 سي سي وبالتالي السحب والشد بيها بيكون كويس جدا بل ممتاز
وقبل ما تشتري شوية نصايح على الماشي وانت تقرر
1. شوف سوق قطع الغيار عندك ايهما موجود اكثر اللادا او 128 لانك مش معقول كل ما تعوز حاجةتنزل القاهرة
2. شوف المياكنيكية واسعار شغلهم طبعا هتعرف من حد عنده عربية مش معقول هتروح تسأل الصنايعي نفسه والا كله هيقولك ده انا تخصصي العربية دي بالذات
3. بالنسبة لموضوع سعر ال 128 اعتقد ممكن تتابع مع حد من المنتدي من القاهرة ممكن يشوفلك حاجة كويسة وتنزل القاهرة على الشراء بعد ما يبعتلك صورها وحالتها وتشوف بنفسك وتعاين واعتقد الفرق هيكون يستاهل السفر
4. بالنسبة للتحميل على 128 فممكن بعد ما تمشي شوية بيها تجيب مساعدين وسوست كوني KONI او حاجة زيها بتكون اغلي شوية لكنها بتتحمل كتيييييييييييييير مطبات وخلافة

شوف انت بقى الحاجات دي وقرر
لان مفيش حد يقدر يحدد قرارك لان الاثنين صعب المقارنه بينهم لو انت في القاهرة كنا قلنا 128 بدون مقارنة فلازم تعرف منطقتك فيها ايه الأول

رد: لادا 2015 ولا 128 و لا اولع في روحي
 

انت مش تشترى العربيه من اسيوط خالص احسن حاجه تنزل تجبها من القاهره زى ما قلك sad-bird

رد: لادا 2015 ولا 128 و لا اولع في روحي
 

عربية خشنة وموتورها صوتة عالى جدا

رد: لادا 2015 ولا 128 و لا اولع في روحي
 

يا عم ZeZo فينك
مقلتلناش عملت ايه واشتريت اى عربيه فيهم
اوعى تكون ولعت فروحك بجد(بهزر طبعا معاك) احنا عايزين نطمن عليك بس

رد: لادا 2015 ولا 128 و لا اولع في روحي
 

هههههههههههههههههههههههه
لا ياباشا لسهايه ياترى
انا لسه معايا البلونيز ومزنوق في الوقت قوي قولت اخلص بيها اليومين دول وبعد شهر انشاء الله تتفك الازمه وندور تاني دانا حتي روحت اشتريت بطاريه جديده ودينمو استيراد علشان تخلص مشوايري الي مش بتخلص ابدا وبدور علي جهازين فرامل ورا فرامل يد مش لاقي حتي استيراد وموصي كام واحد واهو مستني وماشي بشويش
وانشاءالله ربنا يسهلها من عنده (يا كرييييييييم ياااااااااااااااااااااااا ارب) ونبيع دي ونشوف بعد كده هنشتري ايه
انا متشكر علي اهتمام حضرتك
وكل الي شاركوني برايهم واهتمامهم انا حاسس اني بدخل المنتدي في بيت العيله كل الناس هنا ربنا يباركلكوا ويعضوا في صحتكوا وعبرياتكو ولا يقفلكوش عربيه ابدا وتلاقوا قطع غيارها
هههههههههههههه4BY4

رد: لادا 2015 ولا 128 و لا اولع في روحي
 

يااااااااااااااراجل يا طيب
معاك بولونيز وبتدور على لادا و128 انت بتهزر
اللي معاك افضل اعملها صيانه كويسة وظبطها وروق العربية وحافظعليها احسنلك من الاثنين ان كانت لادا والا 128
على فكرة في موضوع عن البولونيز ممكن تراجعه كويس وتشوف اللي ممكن تعمله فيها