رد: نتيجة الكشف على ساجا ماشية 21000 كيلو فقط: مصيبة.
 

شكرا أستاذ صلاح على شرح حالة سيارتك. المشكلة إن المهندس قال لي إنه عيب صناعة، يعني هو لو كان قال لي مثلا العربية المية نقصت، أو الدورة فيها حاجة، كان ممكن تبقى مبلوعة. ومش معقول مهندس في مركز خدمة يشوه شكل توكيلهم بالشكل ده (اللهم إلا إذا ماكنوش بيدوه مرتبه ANAA7TG) وبعدين إزاي المية تنقص من عربية جديدة بالشكل ده، غالبية العربيات الجديدة بيكشفوا على المية في التوكيل بس في صيانة كل خمسة أو عشرة (زي الأوكتافيا) أو خمستاشر (زي المرسيدس). وحتى لو افترضنا إن العربية دي بالذات المية نقصت فيها فأكيد صلحوا المشكلة وكان هايبان في تقرير السيارة وكشف الصيانة بتاعتها؟ ولا عملها في الحرفيين؟ تبقى مصيبة برضه

وبالنسبة لسؤال الأستاذ عيون فقط (eyesonly) نعم كان في أشياء أخرى في الكشف بس ليس لها علاقة بالموتور، مثال: قال 3 جنوط محتاجين يتغيرين عشان واخدين خبطات، بس قال لي أيضا إنه ممكن ممكن يعني مع الترصيص يبقوا كويسين. ولكن قال لي الخبطة اللي في الرفرف لم تؤثر على شيء، وإن الباب اللي اتغير تغير في التوكيل نزاهة بس لأنه كان في التأمين والتأمين اللي بيدفع.

رد: نتيجة الكشف على ساجا ماشية 21000 كيلو فقط: مصيبة.
 

لو حضرتك فتحت الباب اليمين ها تلاقي على العربية دي مكتوب انها مقبولة للمواصفات الخليجية الكاملة يعني العربية دي مصصممة انها تتحمل درجة حرارة اعلى من اللي عندنا في مصر والحمد لله انا من ساعة ما جبتها والعربية درجة الحرارة همة الـ 3 شرط بس مش بتزيد ولا بتقل معنى كده انه دروة التبريد الحمد لله زي الفل ولكن اعتقد اللي عند حضرتك ده جي من سوء استعمال 200% والحمد لله انه التوكيل ها يغيرها في الضمان خيرا والله ..

رد: نتيجة الكشف على ساجا ماشية 21000 كيلو فقط: مصيبة.
 

كلام الاستاذ صلاح و الاستاذ سيد صح
مش قادر اقتنع ان عربيه تنزل من المصنع فيها مشكله زي دي
العربيه ممكن تنزل فيها مشكله في طلمبه البنزين او مشكله في الزوايا او التقفيل
انما مشكله في جوان وش السلندر ؟؟!!!!!
طب ازاي؟؟؟؟
الجوان دا اساسا حاجه عبيطه كده بين البلوك و راس الموتور علشان يحدد اتجاه المياه و العادم و الزيت .
استحاله حاجه زي دي تحصل

و اتمني من الاستاذ سيد و الاستاذ صلاح كتابه تقرير شامل عن السياره خصوصا حول اشاعات استهلاكها العالي للوقود
عزيزي واضح من الكشف ان السياره غير آمنه بالمره
مافيش عربيه زيرو فيها كميه المشاكل دي ابدا

رد: نتيجة الكشف على ساجا ماشية 21000 كيلو فقط: مصيبة.
 

السلام عليكم ANAA7TGANAA7TGANAA7TGANAA 7TGANAA7TGANAA7TGANAA7TGA NAA7TGANAA7TG
السيارة تنافس وبقوة تويوتا ياريس ومتسوبيشى لانسر 1300 والافيو ونيو اكسنت والداتشيا لوجان والانوس والفيرنا اولا السيارة فى تقيمى ممتازة وتستحق ان تكون بسعر اعلى من كده والعيوب بالنسبه ليا ان تنك البنزين 35 لتر واستهلاك البنزين فى وسط البلد مع التكييف ممكن يوصل من 8 لتر لكل 100كم الى 10 لتر لكل 100كم وده كتير على عربيه 1300مش كارثه يعنى وعلى الجانب الاخر هات عربيه 1300 تقدر تجرى مع فيرنا غير السجا ...... فى المجمل ممتازة والحمد لله وربنا يوعدنا بالاتوماتيك GIFT4U

رد: نتيجة الكشف على ساجا ماشية 21000 كيلو فقط: مصيبة.
 

على فكرة انا مش بدافع عن العربيه ولا بقول انها مثلا الله اكبر بتدخل الصحراء انا متيم بالعربيه وهى دى العربيه الى كان لازم تنزل مصر من زمان ووطبيعى جدا تلاقى ليها منافسين واعداء وكل واحد يخترع حاجه شكل ياريت الى يتكلم عن العربيه يحط صورتها فعلا عشان نعرف انها معاه مش موظف مبيعات وبيشوة صورة العربيه وخلاص والسلام عليكم وعلى فكره العربيه بتدخل الصحراءHUUM وركز كويس فى الرمال وانتو تعرفو انها صحراء بجد مشاء الله 4BY4وياريت تقولو رايكم فى الاستيكرز الى على الشبكه والمريا والجانب والف شكر

رد: نتيجة الكشف على ساجا ماشية 21000 كيلو فقط: مصيبة.
 

دا كلام مظبوط

ولأى عربيه زيرو

من الصعب أو مستحيل أن يكون فيه مشكله فنيه فى جوان وش السلندر

وللأخ : صاحب الموضوع

طالما أنت شارى كسر زيرو ....وكانت عامله حوادث خفيفه ( زى موضوع الباب )

فوارد جدا تكون المكنه تعرضت للسخونه الشديده

مما أدى إلى تلف جوان الوش

أذا المشكله مش فى نوع السياره

المشكله الحقيقيه فى طريقة أستعمال مالك السياره من الزيرو للسياره

فسياره كسر زيرو ......تعتبر مغامره محفوفه بالمخاطر

فا أيه

إللى يخللى واحد يشترى زيرو

وهب .....بعد 5 آلاف يبيعها

أكيد كسر فيها حاجه وبأت معيوبه

والعيب مبيبنش إلا مع الأستعمال

دا كفايه الأسم

كسر زيرو

رد: نتيجة الكشف على ساجا ماشية 21000 كيلو فقط: مصيبة.
 

السيارة ممتازة في الأوتوماتيك جدا جدا جدا ولكن تعديل وتعقيب للأخ السيارة سعة تنكها لسيت 35 لتر ولكن هي 40 لتر وتفولتها بحوالي 75 جنيه بالضبط وعايز اقول لحضرتك هيا مقرفة شوية بس في موضوع البنزين في اول 5000 الف فقط ولكن بعد الـ 5000 الإستهلاك ها يتزبط معاك وها يتعدل كتيـــر قوي ولكن كعربية هيا محرك كامبرو جراي جدا عفشة ناعمة جدا تكيـــف ممتاز وانا معايا لانسر بومة 1600 عارف يعني ايه تكيــف 1600 والساجا تكيفها تقريبا هوة هوة في درجة التبريد العربية تقفيلها ممتاز جدا ولكن فيه برضوا حاجات بسيط مش مقلقة في التقفيل النظام الصوتي جيد وليس سئ وسحب العربية دي بقى اللي فوق الممتاز وعالمي العربية بتجمع سرعة بطريقة جيدة جدا وتقريبا طالعة للجين 2 في الحكاية دي ..