رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

مفيش من الماروتي أتوماتيك والعربية دي 3 سلندر فقط ولو إتعملت أتوماتيك هيكون سحبها ضعيف وهي تقريبا 800 سي سي، عشان كده مينفعش فيها اتوماتيك ولا تكييف

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

معلش يا باشا مع ان الماروتي 800 سي سي بس نفع فيها التكييف لاني مركبه في عربيتي الماروتي ال800 سي سي وشغال زي الفل وفي ناس كتير ركبته عن نفس المركز اللي ركبت فيه التكييف وشغال معاهم زي الفل الحمد لله مع انها 800 سي سي وعلي فكره هيا كانت اصلا بتزل بتكييف تقريبا لحد موديل 99 لاني بشوف منها موديلات قديمه بتنزل مكيفه وفيه في الوكاله عربيات تقطيع مكيفه
بالنسبه للأتوماتيك ممكن يكون فيه ماروتي اوتوماتيك لكن بصرحه انا مشوفتهاش بس مش هتكون اوتوماتيك هتكون هيدروماتيك لكن انا مشوفتهاش وفيه الأخ (باهي) قال انها موجوده عند صديقه وشافها وده كان في تاني مشاركه
لكن كونها 800 سي سي ينفع فيها اتوتوماتيك طبعا لان فيه عربيات كتير 1000 سي سي اتوتوكاتيك
انا خالي كان معاه عربيه سوزوكي سوفيت موديل 98 كانت هيدروماتيك وده ماتورها 1000 سي سي طبعا هوا بعها من زمان لك لما سئلته قالي يا ريتني مبعتهاش كانت ممتازه

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

لا مفيش انا مشفت قبل كده بس عموما الموضوع سهل خش علي كونتكت كار

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

طبعا فى ماروتى أتوماتيك وموديلات فوق ال 2000 والسيارة مش غالية فوق ال 30 ألف بحاجات بسيطة

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

يا جماعة مفيش منها اتوماتيك ابدا و مينفعش كمان تغير فتيس ماروتى و تركب اتوماتيك حتى
انا عندى ماروتى و فكرت فى الموضوع دة و لفيت و دورت و اخذت اراء ناس فاهمه كويس مهندسين سيارات فى الشغل عندى و اقنعونى انه ما ينفعش لان الموتور ضعيف يدوب بيدى الحركة للعربية كدة فى حالة تحويلها لاتوماتيك و عمره هيبقى قليل و هيتعب بسرعة



اما بخصوص مرات صاحب الاخ اللى شافها اتوماتيك فهذا شىء من اثنين مالوش تالت
اما مركبة عصاية فتيس شكل الاتوماتيك و دى فعلا شوفتها مع صديق و ساعتها افتكرته اتوماتيك لحد ما حركتها
و الثانية ان العربية بتاعتها مش ماروتى و لكتها شبيهه بالماروتى و هوه معرفش يفرق بينهم كويس


بخصوص التكييف فهذا لان الماروتى اصلا مجهزة لتركيب تكييف من الهند و لكن التوكيل فى مصر بيطلب عدم تركيبه لتقليل سعر العربية عليه علشان يكبر مكسبة

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

dh [lhum hkh fuj`v grdj hj,lhjd; lhv,jn
يا جماعة انا بعتذر لقيت ماروتى اتوماتيك و ما كنتش مصدق او زى ما تقولوا ذهلت من الصدمة

رد: هل السيارة الماروتي في منها اتوماتيك و لو مفيش ايه اللي في نفس مستوى سعرها بس اتوماتيك ؟
 

اهلا بيكي يا سكره في مصر موتورز
للاسف مافيش منها زيرو اتوماتيك
ممكن تشتريها و تتعلمي عليها
و لما تبقي العربيه جديده حتلاقي سواقتها سهله و ممتعه