رد: أنا دفعت غرامة سرعة النهاردة
 

أقولك انا يا معلم .. البشوات بتوعهم أنواع منهم الكبير و منهم الصغير .. الصغير بيمشي 180 أو ممكن يقفل العداد براحته و محدش يقدر يكلمه ..
إنما الكبير بيمشي 200 حواليه 4 عربيات جيب و 10 موتسيكلات ..
أما عن الباشا الكبير أوي فهو بيقفل البلد كلها و بيعمل موكب مكون من 500 عربية شرطة و 100 عربية جيب و 50 مرسيدس S-CLASS و 300 موتسيكل و يقوم راكب الطيارة و رايح مشواره في دقيقتين

رد: أنا دفعت غرامة سرعة النهاردة
 

بالظبط كدا زي ما الباشا نيسان قال .. الغرامة سعرها 150 جنيه و لو مش معاك هتتسحب الرخص و كل عام و إنتم بخير

رد: أنا دفعت غرامة سرعة النهاردة
 

معلش يا زعيم هيه ديه بلدنا وربنا يباركلك انك حذرتني لاني النهارده انا رايح شارع التسعين وانا متعود في الحته ديه اني بطير بالعربية

معلش يا جميل تعيش وتاخد غيرها

رد: أنا دفعت غرامة سرعة النهاردة
 

خد بالك يا معلم الكمين واقف قبل بنزينة وطنية اللي في أخر الطريق و الرادار عند الأستاد اللي بيتبني جديد

رد: أنا دفعت غرامة سرعة النهاردة
 

ربنا يخليك لينا يا بدوره

رد: أنا دفعت غرامة سرعة النهاردة
 

غريبة انا كنت رايح التجمع الخامس و طالع من دائري المريوطية اغلب الطريق ماشي 120 و محدش وقفني !

معلش يا بوب حظك وحش و خلي بالك بقي فلوسك انت اولي بيها بدل ما تلاقيهم في كل حته طالعنلك يقولك مخالفة مخالفة !

رد: أنا دفعت غرامة سرعة النهاردة
 

من هنا ورايح اللى يتوقف و يتقال له انه عليه مخالفة سرعة يطلب يشوف صورة الرادار او اى اثبات انه صاحب المخالفة
انا كنت على الصحراوى انا و اصحابى و معانا ماتريكس مزودناش عن ال 110 و وقفونا و قالو علينا مخالفة 140 كم قلنا استحالة ,,, احنا كنا شفنا عربية جيب كانت ماشية طلقة اصلا ,,,,,, المهم فضلنا واقفين قلنا احنا معملناش مخالفة و قلنا للظابط طب ورينا الصورة ,,, و قدامنا راح طالب المهندس و قالو ماتريكس رقمها كذا ,, قالو عندى جيب ,, حب يصيع و قال احنا بنقول عل ى الماتريكس جيب ,,, قلنالوا طب احنا قاعدين لحد ما تيجى الصورة و لو احنا حندفع المخالفة ,,, المهم خدنا وقت بتاع ساعة و نص كده و فى الاخر زى اللامؤاخذة اعتذروا و مشينا من غير ما ندفع حاجة ((( طبعا انا لو فى بلد محترمة ارفع قضية و اخد انا تعويض عن ال ساعة و نص دى ))

المهم خلاصة الكلام ما تدفعش مخالفة الا لو لنت متأكد انك عملتها ,,, غير كده خليك رخم و مش حيقدر يعمل حاجة