رد: متعة هواية الصيد
أصدقائى الأعزاء
أولا أحيى كل من مر وقرأ الحلقة الأولى من موضوع "متعة هواية الصيد" ولكننى كنت أتمنى أن أقرأ تعليقاتهم سواء ايجابية تشجعنى على المتابعة أو سلبية تساعدنى على التجويد.
ثانيا أشكر كل من أعطانى من وقتة دقيقة بعد القراءة ليترك تعليقا ولو كلمة واحدة:
اقتباس:
المشاركة الأصلية كتبت بواسطة احمد بدر1978
(المشاركة 272318)
متابع معاك يا هشام باشا دة انت طلعت صياد قديم ودى نفس هوايتى
|
زى أغلب الاسكندرانية يا أحمد باشا ... ألف شكر على التشجيع
اقتباس:
المشاركة الأصلية كتبت بواسطة ali farouk
(المشاركة 272326)
أولا مرحبا بيك يا أستاذ هشام وفكرة الموضوع جميلة جدا وده اللى معودنا عليه أبونورا.....طبعا كمل وأنا عن نفسى مستنى الموضوعات القادمة بشغف لأنى بحب صيد الأسماك جدا وكنت بطلع رحلات صيد فى البحر الأحمرونصطاد الناجل والتونةوالهيبات والجوشر<الوقار> والقرش وأنواع تانية كتير وعندى صور ياريت تقولى أرفعها ازاى علشان أشاركك موضوعك الشيق ده وشكرا لك
|
ألف شكر يا أستاذ على ودى فرصة نستعين بخبراتك علشان تصححلى المعلومات لو أخطأت (سبحانة جل من لا يسهو) أو تضيف لو قصرت. بالنسبة لرفع الصور فيجب أن تكون فى وضع الرد المتطور وستجد علامة صورة مكان اختيار نوع وحجم الخط. أضغط على العلامة وأدخل رابط الصورة.
اقتباس:
المشاركة الأصلية كتبت بواسطة corsair
(المشاركة 272391)
الله عليك يا عم هشام والله حضرتك الموضوع ده من اشد المواضيع اللي بحبها في المنتدي هنا كمل يا استاذ هشام والله موضوع شيق وممتع وان شاء الله نعمل رحلة صيد قريب وحضرتك تكون القائد بتاعنا في الرحلة ديه
|
الله عليك أنت يا أحمد باشا يا جميل ... أنا عايش بتشجيعك لية وطبعا ان شاء الله حنخلص سمك البحر كلة سوا
اقتباس:
المشاركة الأصلية كتبت بواسطة koashraf
(المشاركة 272433)
موضوع جميل هشام باشا وعلى فكره انت فكرتنى بالذى مضى حيث كنت امارس هوايه الصيد لسنوات طويله اثناء فترات الراحه خلال عملى على المنصات البحريه .
وعايز اقولك من البدايه ان توقيعك لفت انتباهى وفكرت اكتر من مره انى اعلق على التوقيع بس اهو الموضوع جه لوحده وانشاء الله اشارك معاك بالتعليق وبعض المعلومات كلما امكن لى ذلك
حبيت اهنيك على فكره الموضوع واعتقد حيشد انتباه الكتير من الاعضاء وحييبقى فيه مشاركات كتيره ان شاء الله --لى ملاحظه صغيره ان بعض الصور مش ظاهره يمكن بسبب حجم اونوع ملفات الصور فى المشاركه ارجو اعادة رفعها اوتغيير نوع الامتداد لملفات الصور لان الصور فى هذا الموضع من الاهميه حتى تعم الفائده للجميع.....ورداً على سؤالك طبعا عايزينك تكمل موضوعك الشيق.
وتقبل تحياتى لشخصك الكريم.... أشرف القبطان
|
أشرف قبطان ... الف شكر ورجاء لا تحرمنا من خبراتك
اقتباس:
المشاركة الأصلية كتبت بواسطة fepsceasar
(المشاركة 272564)
استمر يا فندم انا علاقى بالصيد انى كنت بصطاد مع والدى فى البلد سمك بلطى وقراميط وكنا بنعمل محاولات للصيد من اسكندرية بام الخلول ما كنتش دايما بتبقى ناجحة قوى، الكلام ده من زمان قوى انا حتى مش فاكر بالظبط الاماكن اللى كنا بنروحها، لكن انا متاكد ان الصيد ده متعة وهدوء وراحة نفسية، واتمنى ان شاء الله اطلع رحلة بحرية يوم كامل او اكتر للصيد
|
ألف شكر يا أبو كمال باشا وان شاء الله حجيبلك سيرة القراميط فى الحلقة الجاية ... ولا يهمك
اقتباس:
المشاركة الأصلية كتبت بواسطة احمد على 1999
(المشاركة 272622)
ايه ده
الموضوع كبير اوى شوقتنا كمل يا باشا
بعدين انا لسة متفرجتش على oceans
|
الف شكر يا أحمد باشا وحفرجك على Oceans وSeas وRivers وLakes وSwamps وكل حاجة أنت عايزها هنا ان شاء الله
اقتباس:
المشاركة الأصلية كتبت بواسطة karem ali
(المشاركة 272860)
ايه المعلومات الغاليه دى يا استاذ هشام ان فعلن اتعلمت حاجات كتير منها كمل انا متابع ومستنى باقى المعلومات
شكرا ليك جدا
|
الف شكر يا كيمو باشا ... خيرك سابق ومنك نستفيد
اقتباس:
المشاركة الأصلية كتبت بواسطة b A d R
(المشاركة 272900)
بس إنتا إحكي و إحنا معاك يا قبطان
|
الف شكر يا بدر باشا ... والله كان نفسى أطلع قبطان فعلا بس الظروف مسمحتش فبمارسها هواية بدل احتراف
أنتظروا الحلقة رقم (2) قريبا جدا بأذن الله. |
