|
رد: خبطتين في العتب توجع
اقتباس:
الله عليك ياباشا, ناس عجيبة, وفيه حاجة كمان, تبقى بتلف من ملف سريع وبعد الملف بكام متر تلاقى الناس بتعدى بكل تناكة, ولا أنت شايفهم, ولا هما شايفين العربيات اللى جاية. |
رد: خبطتين في العتب توجع
اقتباس:
واضح انك شارب كتير من البلد دى واللى بيحصل فى مرورها .444546 |
رد: خبطتين في العتب توجع
اقتباس:
شربت لما رجعت ياباشا:) أبقى ماشى فى اليمين محترم وظابط الطاسة ولا غرز ولاسرعة:), الاقى تاكسى جه ووقف قدامى من غير لا أشارة ولا يحزنون, ولا ميكروباص كسر عليك علشان ينزل ناس, والناس بتتشفى فيك وأنت واقف وراه مستنى لما جنابه يخلص. ولا الشوارع الجانبية أجارك الله, وخاصة لو شارع تجارى زى الزيتون مثلا يالهوى الناس فاكرة ان الأسفلت معمول علشانهم. عايز أقول لحضرتك النهاردة نزلت ساعة متأخر عن ميعادى, بدل 6 نزلت 7 الصبح, فى مشوار باخده فى نص ساعة بالكتير قعدت فيه ساعة ونص, كلهم بسبب أتوبيس عايز يلف من ملف ضيق ويقعد يرجع ويعمل وأحنا مستنيين حضرته, ربنا يعينا. |
رد: خبطتين في العتب توجع
حلها بسيط وسهل ويعتمد عليك
خد الملف بالسنس انت راجل سواق قديم واكيد عارف الفرق بين الملف الواسع والضيق وابعاد عربيتك عامله ازاى .. على فكره انا دايما فى اى ملف بسيب على الاقل 30 او 40 سم بينى وبين الرصيف وخليها على الله |
رد: خبطتين في العتب توجع
قدر الله و ما شاء فعل الموضوع بسيط
لا تنس دعاء الركوب و ذكر الله اقتباس:
مافيش قاعده معينه لدخول الدوران زي ما انت بتحدد لنفسك انك مش بتدخل باقل من 40 كم /س كل طريق و له سرعته و له ظروفه |
رد: خبطتين في العتب توجع
فكرتونى بأصل الموضوع :
ياعم ماحدش ابدا فى الدنيا يعمل اللى انت بتعمله دا . ماحدش ابدا ياخد ملف بالسرعه دى . احنا فى بلد مزدحم جدا وكل من فيه والحمدلله ربنا مساعدهم جدا بعقولهم النيره . وعشان كده احنا بنسوق على أدنا . ولازم نمشى تاتا تاتا عشان ربنا يسترها معانا . ونوصل بيوتنا سلام . خللى بالك لأنك واضح ان سواقتك متسرعه شويه . ومش كل مره حاتسلم الجره . ولو الجره جت فى روح حاتبقى الخبطه مش فى العتب . وساعتها وجعها حايبقى وحش أوى ربنا يستر عليك وعلينا . |
رد: خبطتين في العتب توجع
والله متشكر ليكم جميعا وعلي مروركم وكنت عايز اقول اولا انا من الاسماعيليه فا نسبه الزحام تكاد تكون منعدمه مش زي القاهره والشوارع اغلبها عريضه يعني والله ممكن لو عربيه نقل تكون بيس معاها اوي مش دي االمشكله انا بحب زي اندر جراوند اقرب من الحيط اوي ومن العربيات ال يعني باخد علي كدا اسكور
وبالنسبه للسرعه والله السرعه دي مرض زي السجاير كل ما اقول ابطل حاجه منهم ارجع واكتر من الاول وموضوع المرايه المحدبه دي ايه نظامها يعني بتكشف العربيه من فوق وتحت ولا ايه ويا تري انا اركبها لوحدي ولا عايزا ظبط اه كنت هنسي بالنسبه لليعايز يدخل اي ملف علي 40 هي طريقه الجزره يعني تكون في الجنب الاخر وتبدا تدخل الملف من بعد حوالي5 متر فا دا بيدي وسع في الملف فبتقل زاويه الملف |
| الساعة الآن 10:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017