مصر موتورز مجتمع السيارات - طلب مساعدة عشان انا بجد محتار

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - طلب مساعدة عشان انا بجد محتار (https://www.masrmotors.com/vb/showthread.php?t=37708)

رد: طلب مساعدة عشان انا بجد محتار

رأيى مطمعش -مع رجاء تقبا اعتذارى- يعنى أنا ممكن أركبك بى أم بالتمن دة (35000 جنية) وممكن أركبك كيا برايد بنفس التمن بس البى أم حتكون موديل قديم جدا حيطلع عينك ويدفعك اللى قدامك واللى وراك اصلاحات ومش بعيد تبيع هدومك عليها كمان فى حين ان البرايد حتكون موديل حديث جدا ولو حافظت عليها حتعيش معاك وتأديلك كل أغراضك وتسترك فى أصعب المواقف وكل دة بصروف صيانة بسيط وبأقل التكاليف.

فكر تانى وادرس الموضوع من جديد عن طريق الموقع اللى قلتلك علية وكلنا تحت أمرك ورهن اشارتك فى المساعدة والمقارنات.

رد: طلب مساعدة عشان انا بجد محتار

اقتباس:

المشاركة الأصلية كتبت بواسطة dr-feed (المشاركة 267870)

بصو يا جماعة
انا عندي مشكلة رهيبة : مشكلتي اني عايز اجيب عربية
وماعيش غيير 35000 بالعافية يعني مينفعش ازود
في ادامي حلين : يا كاش يا قسط
الكاش: يا بونتو 94-98 او ابيزا 94-98 يا اكسنت 94-2000
اما القسط: ادفع الل معايا مقدمة واشتري : يا لانوس يا لوجان

وانا بجد مش عارف (احكي بصراحة بأة )
انا اول مرة اتعامل مع عربيات فنفسي في جديد عشان المشاكل مش كل شوية اروح لميكانيكي ولا كهربائي
وفي نفس الوقت لو اشتريت جديد القسط هايسحلني
كل شهر بتاع 1300 جنيه لمدة 3 سنين وانامش شغال في شركة بترول
دانا كل الي بخده 1500 جنيه في الشهر
ثم كل ما اسأل حد اجيب ايه الاقيه بيفتي مافيش حد عايز يرسيني
ناس تقولي البونتو والابيزا وحشيين وناس تقولي بلاش رينو عشان قطع الغيار
يعني اجيب اسكوتر واقفله ولا ايه
والنبي حد يرد عليا ايه احسن حل ان يبأة عندي عربية بالمبلغ ده وايه احسن عربية
مناسبة عشان مانتحرش
وشكرا علي طولة بالكو
وارجو الافادة

هات اكسنت ياعم
موديل 2000 ولا حاجه
بلاش اقساط وارتباطات كبيره
متنساش ان انت وراك مصاريف وبنزين وزيت
القسط يعني العربيه مش بتعتك

خليك كاش وهاتلك اكسنت على 33 او 34 مو2000 او 2001
متسمعش كلام ناس مش واقعيه

رد: طلب مساعدة عشان انا بجد محتار

رأيي هات لك حاجة مستعملة و تكون حالتها كويسة و يا سيدي لما ربنا يكرمك بقرشين زيادة ابقي بعها و و زود و هات لك حاجة جديد و ساعتها موش هتخسر في بعها كتيير
و برشحلك لانوس اواخر التسعينات لحد 2002 عربية حلوة و اعطالها معروفه و صيانتها سهلة و قطع غيارها منتشرة و رخيصة غير لو حبيت تبعها بعد كدة في اي وقت هتتباع بسرعة .

رد: طلب مساعدة عشان انا بجد محتار

افضل اختيار في حدود اللي معاك
اكسنت عربية كويسة وقطع غيار مناسبة
لاكن لانوس بالسعر ده مش هتكون سليمة