رد: ما هى الأعراض التى تحدث للسيارة بسبب تلف المانيفول
 

اعتقد بنسبه كبيره ان المشكله في وش السلندر انه اتملي زياده عن المسموح
لان وش السلندر حساس جدا لو ارتفع عن معدله ولو لمللي واحد بيحدث خلل
في غرف الاشعال و نسبه الانضغاط و هي ما تؤدي الي حدوث البرجله و الصفع

رد: ما هى الأعراض التى تحدث للسيارة بسبب تلف المانيفول
 

مساء الخير يا أستاذ حازم كلام حضرتك مضبوط ودة إلى حصل اليوم لأن الميكانيكى حل وشاف التقسيمة ولقاها سليمة ومضبوطة وقالى فى الحالة دى لازم نفك وش السلندرونراجع على الشغل إللى عملة الميكانيكى الأخر وفعلا قالى وش السلندر لازم يتغير لأنة تالف وورانى الفتحات إللى إتزودت وكانت حالتها سيئة جدا وقالى الوش إتقشط زيادة عن الازم ومعتش ينفع يتعمل معاة شغل وعلشان العربية ترجع مضبوطة لابد من تغير وش السلندر وكان متركبلة إتنين جيوان وبكرة إن شاء الله سوف أذهب لبورسعيد مع الميكانيكى علشان نجيب وش سلندر إستيراد لأن لايوجد منة جديد وربنا يسهل علينا المشوار ونلاقى المطلوب وربنا يسامح الميكانيكى إللى عمل الشغل الأولانى 0
وشكرا لك ياأستاذ حازم

رد: ما هى الأعراض التى تحدث للسيارة بسبب تلف المانيفول
 

طب الحمد لله يا استاذ محمد ان المشكله طلعت في الوش فقط
ربنا يسهل و تلاقي وش كويس و الافضل يكون مفكوك من موتور قدامكم

علي فكره انا اسمي حازم مش خالد:)

رد: ما هى الأعراض التى تحدث للسيارة بسبب تلف المانيفول
 

أستاذ حازم أنا أسف جدا على الخطأ فى كتابة الأسم وأرجو من سيادتك قبول إعتذارى وسوف أقوم بتصحيح الأسم فورا وأشكرك مرة ثانية ROSE4U

رد: ما هى الأعراض التى تحدث للسيارة بسبب تلف المانيفول
 

محدش بيتعلم ببلاش ياما شوفت من الميكانيكية

رد: ما هى الأعراض التى تحدث للسيارة بسبب تلف المانيفول
 

طبعا المشكلة من الوش زى ما استاذ حازم قالك ..

وانصحك تجيب وش فبريكة ويتفك من الموتور قدامك ...

وعلى فكرة الميكانيكى مش غلطان اللى غلطان بتاع المخرطة ..

وعموما منصحش اى حد عنده مشكلة فى وش السلندر انه يخرطه لانه بيقلل عزم الموتور جامد ..

وان شاء الله تلاقى الوش فى بورسعيد ولو احتجت اى مساعده انا معاك ...........

تحياتى .............

رد: ما هى الأعراض التى تحدث للسيارة بسبب تلف المانيفول
 

أنا عاجز عن الشكر فى شخصك الكريم ياأستاذ حسام وأحب أعرف حضرتك إن الميكانيكى هو إللى غلطان فى البداية وفى النهاية لأنة هو الذى حدد العيب ووضع العلاج بمعنى أنة قال الوش عايز يروح المخرطة علشان يتزود ويتقشط حتى بعد شغل المخرطة شاف الشغل إللى إتعمل فى وش السلندر المفروض وواجبةوضميرة يتحتم علية أن يقول الوش عايز يتغيرمن الأول أوحتى بعد شغل المخرطة لأنة عارف المشاكل التى من الممكن أن تحدث للسيارة بعد تركيب وش السلندر وهو بالحالة دى وفى الحالة دى كان يفهمنى بدل البهدلة واللف والدوران على ميكانيكية البلد لمدة أكثر من شهروخسارة ال 600 جنية إللى دفعتهم على الفاضى لأنى معنديش خبرة فى شغل وش السلندر وربنا يسامحة المهم اليوم إشتريت وش سلندر من بورسعيد ودفعت 850 جنيه بالعافية لأنه قليل فى السوق وماسكين فى سعرة والميكانيكى فحصة وقالى وش نضيف وبحاله الزيرو 0 وإنا معاك فى رأيك إن أى حد عندة مشكلة فى وش السلندر يغيرة ويريح دماغة ومالة وبلاش شغل المخرطة فى التزويد والقشط لأنها مسكنات مؤلمة ووقتية ونتائجها غير مرضية بالمرة لأنى إيتكويت منها