مصر موتورز مجتمع السيارات - نفسى العربيه تنطق

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - نفسى العربيه تنطق (https://www.masrmotors.com/vb/showthread.php?t=36932)

نفسى العربيه تنطق

انا ان شاء الله طالع بورسعيد يوم السبت اجيب شويه قطع غيار للعربيه وكنت عايزاسأل عن شويه تظبيطات للعربيه ومنها الديفيل واسعاره ايه وهل ياترى بيأثر على سحب الموتور ولا لأ؟
وكنت عايز اجيب سماعات نضيفه ومش عارف اجيب ايه..للعلم انا بحب الباص على جدا فياترى ايه احسن نوع!!!

وياترى ايه اسعر الفلتر سبور وانواعه وايه احسن نوع منه؟

العربيه اللى معايا بولو...لو حد عنده اقتراح يقولى اعمل ايه علشان شكلها ينطق شويه ياريت يقولى...وشكرا ليكم

رد: نفسى العربيه تنطق

الديفل الأسعار للأنواع الكويسة بتبتدى من 200 جنيه وأنت طالع, وممكن تجيب حاجة نضيفة جدا زى الكاربون مثلا من 400 الى 500 جنيه.

والديفل. طبعا بيحسن سحب الموتور وبيقلل من درجة حرارته علشان مقاومة نظام العادم ككل بتقل بتركيبه, ومع الفلتر هيظبطك, المهم متجيبش حاجة أى كلام, هات تايوانى أو صينى نضيف, والسعر بيحدد الجودة لكن حاول تهز مع التجار شوية, وممكن تلاقى حاجات أستيراد (طبعا :)) زى magna flow, cherrybomb, borla ودى من أحسن أنواع للديفل, بس السعر لازم تسمعه وأنت قاعد:).

فلاتر الهواء فيه k&n وفيه سيموتا, سيموتا رخيص وحلو وبيدى أداء وصوت كويس, k&n أمريكى وبيدى أقصى أداء وصوت, بس سعره أغلى من السيموتا بمبلغ محترم, من رأيى السيموتا أحسن علشان السعر, لكن لو السعر مش فارق k&n طبعا.

الأسعار بتختلف لأن الناس نصابة ومفيش سعر محدد, لكن ال K&n فى حدود 300 جنيه والسيموتا فى حدود 100, وليهم مقاسات فى الصغير والكبير, والكبير أغلى من الأسعار دى بحوالى 50 جنيه.

وفيه فلاتر صينى من 50 الى 100 جنيه حسب النوع والحجم والشكل, ودى مناسبة لو عايز تجرب الفلتر لأول مرة علشان تشوف الصوت والفرق فى الأداء, بس k&n جنبها طبعا حاجة تانية خالص.

السماعات لو مش هتجيب جى أم, هات حاجة فى حدود 400 أو 350 وات, أو فى حدود 60 وات rms علشان تستفيد بالكاسيت والسماعات صح, الكينوود سعرها حوالى 200 جنيه, البيز كويس وبيهز العربية, البايونيير أغلى فى حدود 250 ومجربتهاش للأسف.

وممكن تركب أسبويلر شكله كويس عليها, هيخلى شكلها تحفة وفى حدود 200 الى 500 جنيه أو أكثر.

ومتنساش الهدايا بقى, عايز موتور sir وأنت جاى أو mivec على الأقل, تروح وترجع بالسلامة يا باشاROSE4U.

رد: نفسى العربيه تنطق

اقتباس:

المشاركة الأصلية كتبت بواسطة Injection (المشاركة 261172)

الديفل الأسعار للأنواع الكويسة بتبتدى من 200 جنيه وأنت طالع, وممكن تجيب حاجة نضيفة جدا زى الكاربون مثلا من 400 الى 500 جنيه.

والديفل. طبعا بيحسن سحب الموتور وبيقلل من درجة حرارته علشان مقاومة نظام العادم ككل بتقل بتركيبه, ومع الفلتر هيظبطك, المهم متجيبش حاجة أى كلام, هات تايوانى أو صينى نضيف, والسعر بيحدد الجودة لكن حاول تهز مع التجار شوية, وممكن تلاقى حاجات أستيراد (طبعا :)) زى magna flow, cherry bomb, borla ودى من أحسن أنواع للديفل, بس السعر لازم تسمعه وأنت قاعد:).

فلاتر الهواء فيه k&n وفيه سيموتا, سيموتا رخيص وحلو وبيدى أداء وصوت كويس, k&n أمريكى وبيدى أقصى أداء وصوت, بس سعره أغلى من السيموتا بمبلغ محترم, من رأيى السيموتا أحسن علشان السعر, لكن لو السعر مش فارق k&n طبعا.
والانواع دى يتركب على اى عربيه ولا بتختلف!!

الأسعار بتختلف لأن الناس نصابة ومفيش سعر محدد, لكن ال K&n فى حدود 300 جنيه والسيموتا فى حدود 100, وليهم مقاسات فى الصغير والكبير, والكبير أغلى من الأسعار دى بحوالى 50 جنيه.

وفيه فلاتر صينى من 50 الى 100 جنيه حسب النوع والحجم والشكل, ودى مناسبة لو عايز تجرب الفلتر لأول مرة علشان تشوف الصوت والفرق فى الأداء, بس k&n جنبها طبعا حاجة تانية خالص.

السماعات لو مش هتجيب جى أم, هات حاجة فى حدود 400 أو 350 وات, أو فى حدود 60 وات rms علشان تستفيد بالكاسيت والسماعات صح, الكينوود سعرها حوالى 200 جنيه, البيز كويس وبيهز العربية, البايونيير أغلى فى حدود 250 ومجربتهاش للأسف.

انا مش هركب جى أم انا اصلا عندى حلتين فى العربيه ومحتاج بس سماعتين جنبهم وخلاص...طب بالنسبه للبايونيير بتتميز بايه..انا اسمع انها احسن بس فى ايه...معرفش وناس كتير مركباها..وياترى اسعار الكينود ايه
وممكن تركب أسبويلر شكله كويس عليها, هيخلى شكلها تحفة وفى حدود 200 الى 500 جنيه أو أكثر.

ومتنساش الهدايا بقى, عايز موتور sir وأنت جاى أو mivec على الأقل, تروح وترجع بالسلامة يا باشاROSE4U.

من عينيا الاتنين...غالى والطلب رخيص ياعمووور

رد: نفسى العربيه تنطق

ربنا يكرمك ياباشا, شكرا على ذوقك, وهستنى الموتور بتاعى.

الفلاتر نوعين, كربراتير وأنجيكشن, الكربراتير نادر لما تلاقيه علشان العمة, الأنجكشن الفلتربيركب على الخرطوم بتاع مدخل الهواء على طول, وممكن تركبه بماسورة أستانليس, وممكن تركبه عند الأكصدام علشان يسحب هواء بارد.

لكن هما يونيفرسال بيركبوا على أى حاجة, المشكلة هى مكان وكيفيية التركيب, لأنك ممكن تشيل صندوق الفلتر خالص وتركبه, أو تركبه جوه الصندوق, والعربيات بتختلف فى مكان الصندوق وكده, أنما هو هيركب هيركب :), بس زيادة تأكيد قول للراجل على نوع العربية.

أنا مركب السماعات الكينوود عندى, وجايبهم من العتبة ب210 ومفاصلتش غير فى جنيه علشان أعرف أروح بالمترو :), وركبتهم على الكاسيت وصوتهم لايقارن بالسماعات الأصلية أو الصينى اللى كانت راكبة, وبتحس بالبيز فى العربية وبره منها, وهما كانوا أعلى من ال rms بتاع الكاسيت ب5 وات, فمظبوطين تمام عليه وولابيخروشوا ولا حاجة حتى لو عليت على الأخر.

البايونيير أنا أسمع أنها أحسن, بس مجربتهاش بصراحة, وهى أغلى من الكينوود بمبلغ مش قليل وفيه عضو فاضل معانا كان جايبها من قريب ب300, وممكن على فكرة تخلى الراجل يجربلك الأثنين وتشوف الصوت اللى عاجبك أكثر.

رد: نفسى العربيه تنطق

اقتباس:

المشاركة الأصلية كتبت بواسطة Injection (المشاركة 261227)

ربنا يكرمك ياباشا, شكرا على ذوقك, وهستنى الموتور بتاعى.

الفلاتر نوعين, كربراتير وأنجيكشن, الكربراتير نادر لما تلاقيه علشان العمة, الأنجكشن الفلتربيركب على الخرطوم بتاع مدخل الهواء على طول, وممكن تركبه بماسورة أستانليس, وممكن تركبه عند الأكصدام علشان يسحب هواء بارد.

لكن هما يونيفرسال بيركبوا على أى حاجة, المشكلة هى مكان وكيفيية التركيب, لأنك ممكن تشيل صندوق الفلتر خالص وتركبه, أو تركبه جوه الصندوق, والعربيات بتختلف فى مكان الصندوق وكده, أنما هو هيركب هيركب :), بس زيادة تأكيد قول للراجل على نوع العربية.

انا ان شاء الله هيبقى معايا العربيه علشان اجيب الحاجه واركبها وانا واقف ...انا بيتهيألى معنديش صندوق الفلتر لان الفلتر طالع لبره كده من ماسوره بلاستيك..(ده اذا كان هو)

أنا مركب السماعات الكينوود عندى, وجايبهم من العتبة ب210 ومفاصلتش غير فى جنيه علشان أعرف أروح بالمترو :), وركبتهم على الكاسيت وصوتهم لايقارن بالسماعات الأصلية أو الصينى اللى كانت راكبة, وبتحس بالبيز فى العربية وبره منها, وهما كانوا أعلى من ال rms بتاع الكاسيت ب5 وات, فمظبوطين تمام عليه وولابيخروشوا ولا حاجة حتى لو عليت على الأخر.

هو ايه الا rms ده وبعرفه منين وخصوصه بتاع الكاسيت.

البايونيير أنا أسمع أنها أحسن, بس مجربتهاش بصراحة, وهى أغلى من الكينوود بمبلغ مش قليل وفيه عضو فاضل معانا كان جايبها من قريب ب300, وممكن على فكرة تخلى الراجل يجربلك الأثنين وتشوف الصوت اللى عاجبك أكثر.

ومعلش بتعبك معايا...هعمل ايه بقى!!!

رد: نفسى العربيه تنطق

ولا تعب ولا حاجة ياباشا, أنت تأمر, المفروض الماسورة طرف رايح لعلبة الفلتر وطرف رايح للموتور, والفلتر بيبقى جوه علبة سودة جوه حوض الموتور هى دى اللى بتكلم عليها.

هنا مثلا, هو شال العلبة خالص وركب الفلتر مكانها.

http://www.v-tuning.com/images/corsa-b-c20xe.jpg

ال rms بتاع الكاسيت بيبقى مكتوب على الباب بتاعه (باب الكاسيت) أو على الوش من بره عموما, وأى كاسيت جديد من سنة 2000 هيبقى فى حوالى 60 الى 70 وات rms.

ال rms ده القدرة اللى الكاسيت بيقدر يطلعها للسماعة بصورة مستمرة, يعنى لوعندنا كاسيت بيطلع 60 وات rms ووصلنا عليه سماعة 30 بس, هتعلى الكاسيت للنص وتلاقى الصوت بدأ يشوشر ولو عليت أكتر ممكن تبوظ السماعة, ودى أغلبية السماعات الأصلية بتاعة العربية, الكاسيت كويس والسماعات وحشة.

وعلى العكس, لو عندنا نفس الكاسيت وسماعة 100 وات rms الكاسيت مش هيقدر يشغلها بكل قدرتها لأنه أضعف منها, فمبتستفيدش بكل قدرة السماعة.

أما الوات اللى بيبقى مكتوب على السماعة, فده أقصى وات السماعة تقدر تشغل بيه لفترة قصيرة, ثانية ولا حاجة, لكن مينفعش تشتغل بيه على طول, فمينفعش اروح أشترى سماعات صينى مكتوب عليها 700 وات (وهى 20 rms) وأركبها على الكاسيت (ال 60 rms) وأزعل علشان الصوت طلع واطى ووحش .

وبيبقى مكتوب على ضهر السماعة والعلبة بتاعتها بخط صغير.

بس هى دى الحكاية, أسف علشان أتأخرت فى الرد, ولو عند حضرتك أستفسار تانى أنا موجود.

رد: نفسى العربيه تنطق

طب معلش ياعموور...اعرف منين ال rms بتاع السماعات اللى هشتيريها وبيبقى مكتوب فين...انا عندى كاسيت pansoonic سيديهات ومعرفش الrms بتاعه كام..معلش بتعبك معايا