مصر موتورز مجتمع السيارات - أستخدم زيت ايه للماروتى ؟؟

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

- - أستخدم زيت ايه للماروتى ؟؟ (https://www.masrmotors.com/vb/showthread.php?t=36499)

عمرو السعدنى

12-10-2010 05:41 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة احمد على 1999 (المشاركة 257981)

شيل هيلكس الترا كل 10000 كم ب 250 جنيه + تغيير الفلتر

الف شكر على الاهتمام بالرد

انا رحت غيرت الزيت النهارده قلت للراجل على موبيل ون قال لى كثير عليها :) حسسنى انى راكب توك توك :)
حطيت موبيل عادى بيتغير كل 3000 و قال لى ان الموبيل ون بيتغير كل 10000 و ده مش كويس علشان ممكن العربيه تسخن بسرعه فى ظروف الجو بتاع بلدنا و كده ... و نصحنى انى مغيرش الفلتر الا بعد 15000 كيلو لأنه الأصلى بتاع بلده و بعد كده كل 10000 و قال لى انه بيركب لها الفلتر بتاع التويوتا اليابانى .... ايه رأيكوا يا جماعه فى الموضوع ده هل فيه مشكله انى مغيرتش الفلتر خصوصا ان الراجل شكله فاهم :) ولا اروح اغيره احسن و مسمعش كلامه

عمرو السعدنى

12-10-2010 05:51 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة محمد مصر (المشاركة 257993)

شكرا أستاذ أحمـد علي المعلــومة

بالنسبه لك أستاذ عمرو ، أخبار الماروتي إيه ، عاوز أجيب واحدة ، عملية ولا نص نص

وشكــرا

توكل على الله و هاتها ... عربيه ممتازه .... هيه ناقصها بس ازاز كهربا و تكييف و تبقى بى ام دبليو :)

عمرو السعدنى

12-10-2010 05:52 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة hm414 (المشاركة 258022)

ياباشا توكل على الله فيسكو 5000 وبيتغير كل 25ألف وتمنه 220 جنيه
ولو عايز تغيره على اقل من كده براحتك لكن هوا ده المنصوح بيه في شركة فيسكو

انا هغير الزيت كمان كم يوم وطبعا هحطه
تحياتي

الف شكر على الاهتمام بالرد

عمرو السعدنى

12-10-2010 06:00 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة أيمن عبدالواحد أحمد (المشاركة 258173)

الأستاذ الفاضل :
مبروك عليك السيارة الجميلة وربنا يحفظها لك ياريت تعمل صيانة الألف كيلو فى التوكيل لأنه يجب تغيير فلتر الزيت وأمامك خيارين من الزيت موبيل وان أو موبيل عادى وأنا أستعمل الأول لأنه بيمشى 10000 كيلو .

الف شكر على الاهتمام بالرد

انا حطيت موبيل عادى ... بس كبرت دماغى عن موضوع التوكيل لأنى من المنصوره و للأسف مفيش توكيل لسوزوكى عندنا ... فمش معقول كل ما هاجى اعمل حاجه هروح القاهره أو شبين !! و كمان سمعت انهم غاليين على الفاضى فقلت انا اعمل الصيانه مع نفسى و اجيب قطع الغيار الاصليه كل مره و خلاص

تحياتى

عمرو السعدنى

12-10-2010 06:03 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة حبيب الناس (المشاركة 258635)

العربيه الماروتي احلي حاجه فيها انك ممكن تحطلها اي زيت بس طالما العربيه لسه جديده خليك في زيت موبيل وان بتاع الـ10000 بالنسبه للفلتر بتباع عند بتوع قطع الغيار وهو معروف قولهم فلتر زيت للماروتي فيه منه اكتر من نوع في تقريبا صيني بحوالي 10 جنيه وفيه سعودي او اماراتي بحوالي 20 وفيه مصري بحوالي 15 وفيه هندي وفيه يباني بحوالي 25 جنيه انا بجيب ابو 20 اللي هوا السعودي او الامارتي هوا الفلتر قصير علشان ضيق مكان التركيب لكنه فلتر زي اي فلتر زيت
طبعا ده اول مره تغير الزيت خليك في زيت ال5000 علشان لما تعمل صيانه ال 5000 تغره بالمره وتحط بعد كده ال 10000
لو الزيت ده غالي عليك هات زيت شل الجركن الاصفر بحوالي 110هما بيقولو 8000 وانا بغيره علي حسب الظروف انا مره غيرته بعد ال8000 وكان كويس محلش وكمان الزيت ده بالنسبه للماروتي احسن من اموبيل لان اللزوجه فيه عاليه وده بيخلي صوت الماتور ناعم وواطي

انا حطيت موبيل العادى الجركن ب 110 و بيتغير كل 3000 .... ايه رأيك ؟؟ و هل صحيح ان تغيير الفلتر مش ضرورى قبل 15000 ؟؟

حبيب الناس

13-10-2010 11:36 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة عمرو السعدنى (المشاركة 259655)

انا حطيت موبيل العادى الجركن ب 110 و بيتغير كل 3000 .... ايه رأيك ؟؟ و هل صحيح ان تغيير الفلتر مش ضرورى قبل 15000 ؟؟

الفلتر معروف من اسمه وظيفته تنقية الزيت من الشوائب العالقه بالزيت وثمنه مش هيزيد عن 25 جنيه الواحد مش عارف الراسب اللي هتحوه قد ايه فيفضل نغير الفلتر مع تغير الزيت مرة ومرة يعني نغر زيت مره والمره التنيه نغير زيت وفلتر افضل من ان الفلتر يتسد ويمنع دخول الزيت للماتور وللعلم لمبة الزيت في التبلوه مبتنورش الا لو الزيت قل مستواه في الكرتيره اسفل السياره فلو الفلتر اتسد اكيد مستوي الزيت هيفضل زي ماهوا لان الزيت مبيطلعش للماتور فبالتالي اللمبه مش هتور لانها خاصه بقلة الزيت مش خاصه بسدد الفلتر ولو الفلتر اتسد لا قدر الله العربيه هتسخن وممكن الماتور يفوت فتمن الفلتر مش كتير علي اضراره
وبعدين يعني ايه فلتر اصلي طيب ما كده كده هيتفك ويترمي فنحافظ عليه ليه

suzuki maruti

01-01-2012 08:23 PM

رد: أستخدم زيت ايه للماروتى ؟؟

اقتباس:

المشاركة الأصلية كتبت بواسطة حبيب الناس (المشاركة 260506)

كلامك صح 100% انا بردو معايا ماروتي واصلآ الفلتر بتعها مش اصلي هو مركتة (فرام) يعني ممكن يشترية من اي حتة حتي ولو من برة التوكيل لان مفيش فلتر سوزوكي ماروتي اصلي اصلآ
نهههههههههههههه

:090104~384: :090104~384: :090104~384: :090104~384:

الساعة الآن 06:15 AM.

صفحة 2 من 3

عرض 7 مشاركات من هذا الموضوع لكل صفحة