مصر موتورز مجتمع السيارات - صوت هيجننى من الفرامل

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - صوت هيجننى من الفرامل (https://www.masrmotors.com/vb/showthread.php?t=36484)

رد: صوت هيجننى من الفرامل

دة بالنسبة لصوت الصفارة
فية كمان صوت صوصوة على السرعات القليلة دة من التيل بردة ولا حاجة تانية

رد: صوت هيجننى من الفرامل

لو تردد الصوت بيزيد مع السرعة و يرجع يقل مع التهدية يبقى مرتبط بالمجموعة الدوارة عامة ( طنابير - تيل )
لو تردد الصوت غير منتظم و غير متوافق مع السرعة يبقى عفشة ( جلب - مقصات - مساعدين - سوست )
اما لو الصوت راح او قل خالص لو مورت و انت بتجرى حيبقى غالبا بسبب الماتور و السيور

رد: صوت هيجننى من الفرامل

طيب لو صوت الصفارة ده بسمعه لما أكون مهدى خالص ولا اسمعه أبدا على السرعات العالية ولو ضغطت الفرامل براحة اسمعه تصفير متواصل مع العلم التيل لسه 400 كيلو ميتسوبيشى اصلى

رد: صوت هيجننى من الفرامل

رح للميكانيكى يبص على التيل و يشوف العجله بتنشع زيت ولا لا علشان الموضوع دا حصل معايا و العجله كانت بتنشع زيت

رد: صوت هيجننى من الفرامل

خلاصة الحوار يا اخي اللي بيحصل معاك

ان الطنبورة عندك فيها ((ريجة)) يعني اية بقى ريجة يعني متجرحة جااامد والسبب في كدة تأخرك في تغيير التيل في ميعاده ولما التيل القديم حجر يعني بقى زي الحجر بقى ينحت في الطنبورة وبقى حديد في حديد اللي بيدوس على بعضه لما بتيجي تهدي او تدوس فرامل بيصدر الصوت دة

ودة بسبب احتكاك الطنبورة بالتيل لانهم الاتنين محجرين يعني لازم تغير طنابير وتيل من جديد
اوعى تركب التيل اللي لسة جايبه عشان هيبوظ الطنبورة

ولو الطنبورة فيها لحمية يعني سمكها تخين ممكن توديها لخراط بيشيل منها واحد ملي ولازم برضو تشتري تيل جديد

وإن شاء الله الصوت دة مش هتسمعه تاني ابداااااااااااا بس تخلي بالك بعد كدة من ميعاد تغيير التيل
عشان الطنبورة تفضل سليمة بإذن الله

جرب وقولي رأيك

رد: صوت هيجننى من الفرامل

الله يفتح عليكم ماسيبتوش حاجه مالهاش حل