|
رد: مطلوب رايكم بسرعة
نعم انساها و خليك فى النوبيرا و لو مش عجباك النوبيرا شوف بدائل تانية
|
رد: مطلوب رايكم بسرعة
معلش أتأخرت على حضرتك أوى, بس أنا مدخلتش الأيام اللى فاتت خالص.
الأعضاء الكرام لخصوا الأمر فى عدة مشاركات, الجى أم سى جبارة فى كل حاجة وعربية أمريكانى رائعة, بس متنفعش لمصر للأسباب اللى الأعضاء قالوها, دى أندر من العربيات الأولدز موبيل والكابريس ومشفتهاش فى الشارع غير مرة واحدة بس, وده بيؤدى لمشكلة عدم توافر قطع غيار أو حتى خبرة ميكانيكية فى العربية, وأنها كمان كاربراتير ومش عايز أفاجئ حضرتك العربية بتنزل بتانك بنزين سعته 100 لتر مقارنة ب 45 للانوس مثلا, فالتفويلة مش هتقل عن 120 جنيه مرتين تلات مرات فى الأسبوع, وفيه منها بينزل بتانك سعته 120 لتر. النوبيرا أستيشن فيها مميزات الكورى من أعتمادية وسهولة تصليح وقطع غيار وهكذا, عيبها اللى انا شايفه شكلها وحش جدا, بس بعيدا عن العيب ده فهى كويسة قوى وواسعة جدا, وعربية عائلية رائعة, بس النوبيرا 2 الأستيشن والسيدان عندى أحسن منها, الأستيشن علشان الشكل, والسيدان برضه علشان الشكل والفخامة. سعر النوبيرا وان السيدان حوالى 40000 الى 43000 جنيه, فهفتى وأقول الأستيشن هتبقى فى نفس الرينج لحد 45000 لأنها متفرقش فى مكوناتها عن السيدان فى حاجة. والبنزينة للأسف معرفش خالص حد عند الكلية الحربية, فياريت حد من الاعضاء يفيد حضرتك أكثر منى. الخلاصة, الجى أم سى متنفعش بتاتا, النوبيرا شكلها وحش بس عربية كويسة وسعرها حلو, لو عاجبة حضرتك توكل على الله, بس لو مقلق ممكن تدور على أختيار تانى, بس للأسف مش هيبقى فى نفس السعر او المميزات. وبتأسف تانى على التأخير, انا داخل صدفة وخارج ولسه شايف رسائل حضرتك, سامحنى :) |
رد: مطلوب رايكم بسرعة
1 مرفق
أ.أحمد انسى ال ج م سى نهائى
توكل على الله اذا كانت العربية استيراد مش استخدام مصرى علشان تكون لسة بخيرها انا تحت امرك ان احتجت حاجة |
رد: مطلوب رايكم بسرعة
هي مش جي ام سي دي برضو ماركه تلاجات ؟؟
بص يا احمد باشا .. في التمانينات كنت بتفرج من شباك المدرسه على حته بليزر لطالب في الجامعه الامريكيه ... كانت اكبر عربيه بتركن في الشارع كله (شارع كبير اوي ) عربيه وهميه ... مركب ... ومتهيألي هي لحد دلوقتي لسه برضو مركب ... بس في عرض البحر .. مش في مصر ... انساها ... وانت تستريح النوبيرا ستيشن يعني استيراد (غالبا معاقين وفكت حظر ) لو حالتها كويسه وشايف تمنها كويس و مستريح لها استخير ربنا شكلك عايز حاجه كبيره او ستيشن ... حاول يا ريس تزود شويه وربنا يوفقك في حته اوكتافيا A4 نضيفه.. واسعه وشنطتها كبيره سبورت باك قريبه من الستيشن .. ولسه شكلها ماشي لحد النهارده |
رد: مطلوب رايكم بسرعة
والله انا رائيي ابعد عن ال جيمس بس لو ميال ليها قوووي لو ليك حد في السعودية يشحنلك قطع غيار خليها عندك بالذات الاكسسوارات زي الفوانيس وخلافة والاوكر وووو....... بس انت بافضل النوبيرا
|
رد: مطلوب رايكم بسرعة
تسلم ايدكم يا شباب واشكركم على حسن التعاون انا صرفت النظر عن الجيمس بس مش لسبب ان العربية ملهاش قطع غيار لانى شفتها امبارح ولقيتها تعبانة جدا وصاحبها مبهدلها
النوبيرا اتباعت قبل ما الحقها الحمد لله اشكركم كلكم |
رد: مطلوب رايكم بسرعة
الحمدلله انك صرفت نظر لانك كنت هتتعب معاها لكذا سبب زي ما الاعضاء قالو عن قطع الغيار انا الميكانيكي بتاعي بتاع امريكاني ومرسيديس بيقولي الامريكاني سعره مات ومع ذلك قطع غيرة شحت وولعت + البنزين ال مشعارفين هيوصولو لفين ويمكن يلغو دعم البنزين 80 ال بنعتمد عليه ف السيارات القديمه + ضريبة التجديد برضو مكلفة
|
| الساعة الآن 01:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017