مصر موتورز مجتمع السيارات - ياريت رد وافى من ملاك جاك b-class

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - ياريت رد وافى من ملاك جاك b-class (https://www.masrmotors.com/vb/showthread.php?t=36390)

رد: ياريت رد وافى من ملاك جاك b-class

الصينى رغم الامكانيات والفخامه اللى الناس بتتكلم فيها راح جيه اسمه صينى ...تانى حاجه سعرها يغلى من 69900 اللى 78000 علشان الطلب عليها كتير والناس بتشكر فيها وكل الكلام ده يبقى اسمه احتكار من التجار يزود 8000 جنيه على اساس ايه انى هيا كورى ولا يابانى ولا المانى... ليه يعنى واللى يقولك اصلى الشحن غللا والدولار طلع واللى يقولك الضريبه زادت بطلوا حورات ياتجار وامشوا فى العدل وبيعوا بحق ربنا واتقوا ربنا علشان ربنا يباركلكم فى فلوسكم وفى عيالكم ...وبقول للناس العربيه ماتستحقش اكتر من 70000 جنيه ومليم زياده يبقى حرام ويبقى انتم اللى بتخلوهم يتحكموا فينا ويغلوا علينا

رد: ياريت رد وافى من ملاك جاك b-class

الاستاذ oda oda والاستاذ ايمن ردوا على السائل وقالوا ما فيه الكفايه

رد: ياريت رد وافى من ملاك جاك b-class

اصلا دا مايتردش عليه لأنه مش فاهم ومش حايفهم . سيبوه يروح يتكلم عند الألمانى واليابانى والكورى اللى عاجبينه .
بس ياريت يعرفنا هو راكب ايه اصلا ومن غير نخع وفشر .444546

رد: ياريت رد وافى من ملاك جاك b-class

اقتباس:

المشاركة الأصلية كتبت بواسطة سيف الدين سعيد (المشاركة 289447)

ليه كده يا أستاذ سيف
الراجل معترض على زيادة السعر المتتالية و جشع التجار
يا ريت ما ناخدش الأمور بحساسية زيادة وعلشان الموضوع ما يتحولش لخلاف شخصى على الفاضى
و كل واحد ينام على الجنب إللى يريحه

رد: ياريت رد وافى من ملاك جاك b-class

اقتباس:

المشاركة الأصلية كتبت بواسطة حازم شاهين (المشاركة 289610)

أنا آسف يا أستاذ حازم . تحياتى ليك واحترامى طبعا .
بس بصراحه الناس دى مزوداها اوى اللى مش عاجبه الصينى مايركبوش وخلاص . انا حاقول لحضرتك على حاجه خاصه بيا انا . انا باكره العربيه الهونداى بكل انواعها . ومع ذلك دا رأيى الخاص وعمرى ما قلته ولا حتى فى المناقشات الخاصه اللى بتخص العربيه دى . لأن ليها عشاقها . وليها ركابها اللى يتكلموا بخصوصها . انا مش عاجبانى دى حاجه ترجعلى ورأيى سليم او غلط برضه حاجه ماتخصش حد . ولو حد طلب منى المشوره . ابدى رأيى دون التدخل فى شؤون غيرى او التطرق والعيب فى عربيات تانيه .
احنا اصلنا شعب مايعجبوش الا اللى يديه على دماغه . لما الهونداى بتنزل فاضيه ب75 و85 الف بتبقى عليها سكر . والصينى لما بيتباع ب 50 الف بيقولوا مايستاهلش . دا صينى . مايساويش .
بجد حاجه تنرفز . واصلا اللى بيتكلوا دول ماركبوش العربيات اللى بيتكلوا عليها ويمكن ماشافوهاش اصلا . اما بيتكلموا لمجرد انهم يغلسوا على الناس ويحرقوا دمهم . او لمجرد التعليق على المواضيع .
مع العلم . حضرتك انا استعملت العربيه فى العيد وتميت الألف الأولى . وعلى فكره العربيه تستاهل تعدى ال 85 مرتاااااااحه واللى مش عاجباه يركب الكورى أو حتى اليابنى وربنا يباركله .

رد: ياريت رد وافى من ملاك جاك b-class

وعلى فكره أنا باعتذر لأخونا على ردى لأنه كان غير لآئق . أنا آسف
ودا مع كل الإحترام والتقدير لشخصه الفاضل .

رد: ياريت رد وافى من ملاك جاك b-class

اقتباس:

المشاركة الأصلية كتبت بواسطة silentman84 (المشاركة 286872)

يعنى حضرتك مش عجبك سعر الصينى ولاجشع التجار وكلاء السيارات الصينى ؟؟؟؟؟؟؟؟؟؟؟؟؟؟؟؟؟وعجبك سعر وجشع وكلاء الكورى واليابانى!!!!!!!!!!!!!!!! !!!!! حضرتك اتعب شويه وأعرف سعر السوق الحقيقى للسيارات الكورى واليابانى والأمريكى والأوربى علشان لما حضرتك تعترض,يكون لك الحجج والأسانيد القويه التى تقدر بها تدافع عن رأيك بقوه ,اخى العزيز احنا هنا مش فى اسبرطه قعدين نسفسط الحوارات لمجرد مقارعة الحجه بلحجه والرأى بلرأى ,مره أخرى ابحث عن اصل المواضيع فنحن لسنا فى حرب ,حضرتك لك رأى يحترم ونحن لنا رأى واجب الأحترام (لأن الحفاظ على مشاعرالأخرين هو هدف الحوار من بدايته الى نهايته فأن كانت النيه منعقده على غير ذلك --فلا حوار يدار فى مكان نحن بصدده تعهدنا فيه على احترام كل منا منذ البدايه --وهو سبب انتمائنا الى هذا المنتدى المحترم.......