رد: انا عايز رايكم فى عربية 128 بالله عليكم
 

ابحث عن ريجاتا من اول 1988-1990
ابحث عن ريجاتا 100Sافضل واحدث و الموتور 1600ومكيفة و=من26000-30000
اهم حاجة يكون الحوض بتاع الموتور سليم والفخد سليمة
الباقى امرة سهل
ابقى طمنى عملت ايه

رد: انا عايز رايكم فى عربية 128 بالله عليكم
 

طيب يا بشمهندس محمد لو ينفع اخد رقم حضرتك واتشرف بمعرفتك واقابلك تشوف العربيه على الاقل هبقى ضمنك انت احسن من الغريب وطبعا ده شغل وملوش دعوة بالمعرفه والصداقه

رد: انا عايز رايكم فى عربية 128 بالله عليكم
 

لو 128 موديل تسعينات وتكون دواخلها سليمة والماتور كويس يبقى 10/10
ال128 موفرة في البنزين ولو نظرت الى سيارات فيات التي حصدت جوائز
لن ترى 131 ولا الريجاتا ولا الريتمو
ال128 حصدت جوائز لا حسر لها
وبالتوفيق

رد: انا عايز رايكم فى عربية 128 بالله عليكم
 

اخى الكريم الاتنين معايا عاوز راى ابعد عن الريجاتا حاجتها غالية اوى لانها مش موجودة اة عربية تثيلة وثابتة على الارض وشكل وتكييف بس تعور فى الاكسسوارات بتعها ثم ان لو انا معايا 23 الف تفكيرى هايختلف خالص هافكر اركب يابانى او كورى

رد: انا عايز رايكم فى عربية 128 بالله عليكم
 

طيب يابانى وكورى زى ايه بالظبط ؟؟

رد: انا عايز رايكم فى عربية 128 بالله عليكم
 

أنا لي نفس المشكلة وممكن أدفع لحد 25000 وسألت أكثر من واحد وكل واحد منهم نصحني بحاجة مرة لادا موديل94 بـ 22 ألف ومرة لادا موديل 2007 بـ 27 ألف وكلاهما بحالة جيدة جدا ومرة 128 موديل 76 بـ 13 ألف ومرة ريجاتا موديل 86 بـ 23 ألف وأخيرا تويوتا كرولا82 خليجي بـ 22 ألف
وفيه واحد جاب لي مازدا 929 بس الفجاوي كلها رايحة البرومة أكلتها وفيها شوية شغل ممكن لحد ألفين جنيه وسعرها حوالي 18 ألف
وبصراحة لا زلت في مرحلة الاختيار للآن
فما رأيكم في الأنواع والأسعار دي كلها؟

بالمناسبة سمعت أن أسعار السيارات نازلة ومع ذلك مش عارف الناس معليه الأسعار الأيام دي ليه؟

رد: انا عايز رايكم فى عربية 128 بالله عليكم
 

زى مازدا 323 عربية زى الفل ما شاء الله عليها كنت بروح بيها اخر الدنيا وارجع فى نفس اليوم فعلا اليابانى يابانى