رد: ايهما اختار: هوندا سيفيك - بيتلز - بولونيز
 

بالنسبة للاختيارات الثلاثة :

خلينا نحاول نعرض لك راينا فيهم لعل و عسي تجد بذلك لضالتك سبيلا

البلونيز

عربية قوية و تستحمل المطبات و الخبطات و كل حاجة و قطع غيار رخيصة و كل الصنايعية بيشتغلوا فيها و كمان عائلية وواسعة و كبيرة و كمان موديلها عالي نسبيا بس لازم تصاحب الصنايعيه علشان ده حال الفيات كله خصوصا و ان معظم قطع الغيار مضروبة

الهوندا

عربية جميلة و سهلة في القيادة و قطع غيارها معمره بس غاليه و مش هتلاقيها في اماكن كثيرة و كمان حرام تصرف علي عربية قديمة مصاريف عربية حديثة (في سعر قطع الغيار) و كمان ممكن تلاقي الملاك السابقين موفقين و ملصمين حاجات كثيرة و ساعتها هتبقي نقمة مش نعمه

البيتلز

عربية زي الدبابة مفيهاش كلام و صناعة معمرة جدا و استهلاك بنزين نموذجي و لا تعرف سخونة و لا تحتاج الا لاقل القليل من الصيانة بس قطع غيارها عزيزة و غاليه و لازم الصنايعي اللي يشتغل فيها يكون متخصص

هناك اختيارات اخري عديدة ، برضه حطهم في دماغك

ريتمو
بيجو 305
بيجو 205
مازدا 323
رينو 12
رينو 18


و ان كان رايي أنه طالما انت بتدور علي عربية قديمة يبقي الاولوية للحالة الجيدة في المقام الاول بغض النظر عن الماركة ،،، يعني كده تتوكل علي الله و تشوف كل العربيات الممكنة في ضوء امكانياتك و بعدين تقيم و تختار

و عقبال لما نقول لك مبروك علي الزيرو انشاء الله

رد: ايهما اختار: هوندا سيفيك - بيتلز - بولونيز
 

اعتقد اكتر واحده حالتها حلوه و مش متهانه ... وشكراااااااا

رد: ايهما اختار: هوندا سيفيك - بيتلز - بولونيز
 

شكرا لكل الاخوة وجزاهم الله خيرا
اخي الفاضل hossamhussein0
بالنسبة للعربيات اللى حضرتك تفضلت باقتراحهم:

العربية الريتمو بيقولوا عضمها مش حلو ومشاكلها كتيرة ووجدت كثير من اعضاء المنتديات يزمون فيها وفي مشاكلها - وكما قلت سابقا فيات يبقى هتصاحب الصنايعية حال كل الفيات

بالنسبة للبيجو 205 انا نفسي فيها فعلا بس للاسف اعلى من امكانياتي - واللى في حدود سعري حالتها تعبانة مش قد كدة.

بالنسبة للبيجو 305 بيقولوا قطع غيارها مش موجودة علشان كدة شلتها من دماغي

بالنسبة مازدا 323 سعرها عالى - اقصد الحالة النضيفة

وللاسف الرينو 12 - 18 مش عارف عنهم حاجة بجانب قرات في بعض المواضيع قلة قطع غيارهم والشكل اللى مش قد كدة

طب عذرا في استفسار
ما رايكم في: اللى خلاني ابص عليهم سعرهم حنين و1998 يعني مش قدام قوي
فمش عارف
1- سيتروين ax 1998
2- رينو داتشا نوفا 1998

هما في نفس السعر تقريبا
ما رايكم في توافر قطع الغيار؟
هل من الممكن ايجاد حالة نضيفة بال 12-15 الف؟

وشكرا جزيلا لكل الاخوة الذين تفضلوا بالاهتمام بالموضوع وبالرد
معدل استهلكهم ومشاكلهم عامة؟

وعذرا لكثرة الاستفسارات

رد: ايهما اختار: هوندا سيفيك - بيتلز - بولونيز
 

الداشيا جيدة وقطع غيارها موجودة لأنها بتشتغل تاكسي كثيرا، وكثير من الصنايعية بيشتغل فيها، وهي عائلية ووسعها جيد. هي مشكلتها إن موتورها ضعيف قليلا، وده إلا بيخلي بعض سواقين التاكسي بيركب عليها موتور رينو 12، لكن ده لو هتشغلها أجرة، لكن الملاكي بيبقى الموتور كويس عليها، توكل على الله واستخير

رد: ايهما اختار: هوندا سيفيك - بيتلز - بولونيز
 

عزيزي السائل

أنا لا انصح ببعض الماركات علي سبيل الحصر

لادا تافاريا
لادا اوكا
ستروين اوليست
فيات باندا
سيتروين ايه اكس
دايو زاز
رينو 5 حتي موديل 82


بلاش دول خالص

و علي فكرة الرينو 12 و 18 قطع غيارهم موجودة و ارخص من الفيات كمان (أنا كان عندي عربية رينو 18 1400 سي سي و كانت زي الفل و قطع غيارها متوافرة و باسعار مغرية و معمرة جدا )

و علي فكرة دي صورة الرينو 18 حتي تعم الفائدة علي الجميع
http://www.pruebas.pieldetoro.net/we.../R-18GTS-1.jpg

http://www.forum-auto.com/uploads/20..._ouverture.jpg


http://www.forum-auto.com/uploads/20...18turbo_br.jpg

http://img7.imageshack.us/img7/3469/r18.JPG

http://img7.imageshack.us/img7/5806/r183.JPG

http://img7.imageshack.us/img7/3383/r184.JPG


شوفت بقه جمال التصميم و الانسيابية ،، عربية موديل 80 او 81 و لكنها لاتقل في الجمال عن الانتاج الحديث علاوة علي ان البودي زي الدبابة و صالون واسع و اقتصادية في التشغيل


و بعدين انا عاوز اقولك علي حاجة (لو كنت تقبلها كنصيحة من اخ ذو خبرة في العربيات )

مفيش حاجة اسمها عربية و حشة و عربية حلوة ،، العربية حالة ،، يعني مثلا هناك البعض بيقول انه يواجه عيوب و مشاكل مثلا من الريتمو ! و هناك الكثيرين و الكثيرين بيقولو في حقها بيوت من الشعر و لو خيرتهم لا يمكن يتنازلوا عنها ،،، و كذلك الحال في 132 مثلا و غيرهم و غيرهم

و بعدين انا عاوز اسأل سؤال هي الداتشيا نجحت ليه في التاكسي ؟

ببساطة لانها نسخة متتطابقة من السيارة رينو 12 ، و معظم العربيات الداتشيا اللي في السوق اصحابها بيستعيضوا عن قطع غيار الداتشيا بقطع غيار رينو سواء في العفشة او المواتير او حتي الاكسسوارات ( شبكة و فوانيس و تابلوه ..... الخ)

يبقي ايه اللي يخليك تفكر في الصورة و تسيب الاصل ؟ أعتقد انك اذا ما وفقت في سيارة رينو 12 بحالة جيدة سوف يكون سعرها مناسب بالاضافة الي اساسياتها المتينة جدا و القوية و قطع الغيار الرخيصة المتوفرة

و هرجع اقول لك من ثاني

المهم الحالة كما قلت لك و تبعد عن العربيات نادرة قطع الغيار مثل التي ذكرتها لك بعاليه و ربنا يوفق

رد: ايهما اختار: هوندا سيفيك - بيتلز - بولونيز
 

انا رأيى هوندا سيفيك الحل الامثل لك
وافضل الخيارات المطروحه
وموفق ان شاء الله تعالى

رد: ايهما اختار: هوندا سيفيك - بيتلز - بولونيز
 

هات ان شاء الله العملى طالما الفلوس قليله فاحسنهم البولونيز قطع غيار رخيصه عائليه متينه واى صنيعى يشتغل فيها وعند اعاده البيع مطلوبه
ولا تنسى صلاة الاستخاره
ونسالك الدعاء