المشاركة الأصلية كتبت بواسطة HaMaDa-ToUBaR (المشاركة 257405)

بالنسبة للصور يا كريم انا عندى كتير هاتلى انت بس موقع رفع حلو كدة وانا ارفعلك شوية حلوين

وفى معلومة كمان حبيت اضيفها بالنسبة للناس الى مش عاوزين يدوخو او الى مش يقدرو يروحو بروسعيد كل قطع غيار العربية دى من الالف للياء موجودة فى التوكيل بتاع منصور بس ممنوووووع اى حد يجيب هناك سيرة اللاسيتى علشان هيبقى الرد مش ظريف وهيعملو فيها مش عارفينها واول مرة يسمعو عنها فى حياتهم الى عاوز يجيب قطع غيارها من التوكيل يطلبها بالاسم دة مثلا فلتر زيت المكنة الاوبل الاوربى اى قطعة تجيبها تقول بتاعة المكنة الاوبل الاوربى بس معلومة بردة اضيفهلكم فرق الاسعار صعب اوى الفتر فى التوكيل سعرة 130 جنية !!!!!! وطبعا الواحد فى الاول لازم يتعلم علية علشان يتعلم بس الحمد الله لفيت كتير لحد ما عرفت كل الاماكن فى بورت بس عيبهم انهم مش بيردو يقولو الاسعار الا لما تيجى تشترى حاولت معاهم اعرف اسعار البيجوهات والتيل وكدة قالى لما تشترى هتعرف ... ربنا يسهلها بقى واحاول اجيب الاسعار بعد كدة

المشاركة الأصلية كتبت بواسطة HaMaDa-ToUBaR (المشاركة 257381)

كريم باشا انت تأمر انا هحكيلك عن العربية بالنسبة لتجربتى معاها
طبعا هى كشكل مش محتاجة كلام بالصراحة هى تفوقت على نفسها فى التصميم دة من الخارج ومن الداخل تصميم قوى وقريب جدا من تصميم البى ام او التصميمات الالمانى عموما
قوة الصاج حلوة الى حد ما بس بصراحة صاج اللانسر الشارك امتن لانها معايا بردة وقارنت بين الاتنين فى موضوع الصاج دة هو الفرق مش كبير بس فى صالح اللانسر العربية من جوة بصراحة ممتاذة وتقفيل جميل بس عيبها الوحيد بالنسبالى انهم مكترين الفبر او القطع البلاستك ذيادة عن اللزوم يعنى كانو يكملو جميلهم والتابلو كان يبقى كلة جلد من فوق وقتها كنت هتحس انك راكب المانى فعلا دة العيب الوحيد بالنسبالى من الداخل
بالنسبة كقوة مكنة وسحب وثبات فدة مش عاوز احكة فية كفاية بس انك تجرب بنفسك لان كلة المانى فبعد كدة مش محتاجة كلام يعنى انسى انك تحس بيها فى سرعات عالية ولا ملفات ولا اى كلام من دة خالص بجد عربية ما شاء الله عليها ومن ضمن عيوبها بردة سعرها مش مخليها تاخد حقها وتنافس كويس هو السعر بالنسبالى انا مقتنع بية لان عارف انا راكب اية وتقريبا كل الناس كانت فاكرة انها هى بالضبط الكروز ماعدا الاختلاف فى العلامة بس بعد مناقشة مع الاعضاء هنا وضحت الفرق بالصور وانا تحت امرك فى اى استفسار تانى

المشاركة الأصلية كتبت بواسطة HaMaDa-ToUBaR (المشاركة 257683)

الفعو يا كريم باشا انت تأمر
شوف بقى ياسيدى بالنسبة للسعر فهى حسب موديلاتها الى من غير الفريم النيكل والبصمة واكر عادية وجنظ 15 ومرايا عادية وشاشة واحدة عادية دى بتعملها تقريبا 140 او 145 كدة
الموديل التانى مرايات اشارات ضم كهربى فتحة سقف حنوط 15 من غير بصمة ومن غير سمارت كى دى عاملة 155
الموديل الاخير بقى الى هى الكاملة كلة دى عاملة 160

بالنسبة للعربية انت ممكن تجيبها من اى مكان بس هى فى بورسعيد موجود كتير جدا يعنى جميع الموديلات وممكن تطلب موديل معين انت عاوزة وجميع الالوان فالاحسن انك تجيبها من بورسعيد وبعد كدة نمريها براحتك بقى انت شوفتها بروسعيد بس علشان هى العربية دى منتشرة فى بروسعيد اكتر من الكروز بكتير وانا جايب اتنين واحدة منمرها دقهلية عادى والتانية نمرتها بورسعيد لانى بروح بورسعيد كتير وناوى انقل هناك ان شاء الله بس لما اخلص كلية
بالنسبة لمراكز الخدمة فمش عارف بقى ليها فى اسكندرية ولا لاء لان الموضوع دة بيبقى تبع انتشارها فى المكان بس انا مش شايف ان بورسعيد مشوار لانك هتروحها كل فترة وفترة لما تيجى تعمل الصيانة بس يعنى مش هتبقى حاجة صعبة يعنى وعموما ربنا يوفقك فى اختيارك