المشاركة الأصلية كتبت بواسطة hazem_khidr (المشاركة 249672)

مصدر الخبر لو سمحت؟؟

المشاركة الأصلية كتبت بواسطة خالداعزالناس (المشاركة 249660)

لا استحاله يطلع قرار بالكلام دا
لكن فى ظبط وربط كتير ممكن يتعمل
بسببه تلاقى الشوارع منظمه

المشاركة الأصلية كتبت بواسطة MEMOO_1ST (المشاركة 249662)

ههههههههههههههههههههههه انا اول لما قريت العنوان اتبسطت بس لما لقيتها خدعة زعلت تاني.
ياريت فعلاً بس المشكلة بردو الناس الي مش عندها عربية والعربية بالنسبالها حلم تعمل اية.
هوا الموضوع عاوز حل بس يكون منطقي ويارب نعيش لحد لما نشوف مشكلة المرور في مصر بتتحل.

المشاركة الأصلية كتبت بواسطة فادى (المشاركة 249706)

لما قريت العنوان قلبى انقبض,
و عندما عرفت انه مجرد تمنى و احلام اطمأن قلبى,
من العجيب اننا فى مصر نرغب بخنق حرياتنا بأنفسنا, و هى حالة نفسية شعبوية جديرة بالدراسة,
تكدس الشوارع ليس سببا لالغاء تراخيص السيارات, بل اننا نرغب فى تخفيض اسعار السيارات حتى تصبح فى متناول محدودى الدخل.
عارف نتيجة مثل هذا القرار ايه؟!
1- ارتفاع اسعار المستعمل بشكل فلكى.
2- سوق سوداء للسيارات المهربة, و مادام هناك من يدفع, هتلاقى الاف السيارات المهربة و اللى هتلاقى طريقها الى السوق المحلى بطرق غير شرعية, هتصبح السيارة مثل قطعة الحشيش الممنوعة قانونا, و لكنها متاحة أكثر من السلع الغير ممنوعة! و هتلاقى موظفى الدولة متواطئون مع مهربى السيارات (عشان اللحلوح) اللى هتكون فى معظمها سيارات غير امنة و مستعملة من الخارج و متهالكة.
3- معظم السيارات سوف تصبح بدون تراخيص, و سوف تتواطىء اجهزة الدولة مع هذا الوضع, لأن عدد السيارات بدون تراخيص سوف يصبح كبيرا للغاية, و أصحابها مضطرون لدفع الرشاوى لتسييرها, و بالتالى سوف يخلق وضعا شديد الغرابة, سيارات غير مرخصة, غير أمنة, و وضع مرورى اسوأ مما نحن فيه لأنه من المستحيل فرض غرامة على سيارة غير مرخصة!
4- ازدياد سرقة السيارات بشكل كبير, لأنها سوف تصبح سلعة غالية الثمن بغض النظر عن نوعيتها, و لا اهمية لترخيصها من عدمه, لأن السيارة غير المرخصة سوف تصبح وضعا طبيعيا.
5- فى غضون 5 سنوات لا اكثر سوف تصبح شوارعنا مثل شوارع العراق, سيارات متهالكة و غير مرخصة مهربة من الخارج, ازدياد الحوادث, و الزحام.

لقد استقر العالم كله على انه لا سبيل الى منع سلعة مرغوبة, و أن منعها يخلق لها سوق سوداء موزاية غير منظمة. و لا يحدث المنع الا مع السلع الغير الاخلاقية كالمخدرات و الدعارة, و يكون المنع بوازع اخلاقى من الدولة و تضامنا مع اعراف المجتمع, و الذى سوف يساهم بتقليل تداولها, و بما ان السيارات ليست سلعة محرمة دينيا و لا اخلاقيا, فلا سبيل و لا معنى الى منعها.

طب نظرية التشبع؟ نقول ايه فيها؟
الحقيقة ان القاهرة ليست المدينة الوحيدة التى تعانى من الزحام, بل هناك مدن عالمية كثيرة تعانى من الأمر نفسه, و بها كثافة اعلى من السيارات بمراحل, و لا احد يعرف ان فى موسكو مثلا من الممكن ان تقطع مشوار 4 كيلو فى 4 ساعات بلا مبالغة بفضل الزحام,
عندما تصل الى حد التشبع, هيبدأ الناس فى استخدام وسائل المواصلات العامة و لاسيما المترو, و هو ما يحدث فى لندن مثلا, ليس لأن الانجليز ناس متحضرين و عايزين يحافظوا على البيئة, بل لأن المترو أسرع من زحام الشوارع,
و هنا يبرز الحل المثالى لأزمة المواصلات, و هو تطوير وسائل النقل العامة و زيادة عددها و جعلها وسائل نقل ادمية, عندها فان عددا كبيرا من سائقى السيارات سوف يفضلون استخدامها و ترك سياراتهم الخاصة خاصة اذا ما وصل الامر لحالة التشبع,
و لكننا دائما نرغب فى الحل السهل, امنع السيارات و ريح دماغك!
لكن نطور المترو و الاوتوبيسات و نوجع دماغنا ليه؟!