المشاركة الأصلية كتبت بواسطة احمد على 1999 (المشاركة 249511)

اولا العربية عاملة مسافة اد ايه؟
ثانيا لازم يبقى القياس على ارض مستوية لان المقياس حساس جدا لاى ميل فى الارض
ثالثا طبيعى الزيت المخلق ينقص بعد مسافات فوق ال 7000 كم نتيجة طبيعية لظاهرة البخر علشان كده فى عبوات 1 كجم بس ملهاش لازمة تزود الا لو قرب من خط ال min
رابعا بس طبعا انت مش حيجيلك قلب تعملها بس ان بعملها (لانوس 2002 ماشية 203000كم) مين قال ان الزيت المخلق يقعد 10000 كم بس ان بقعده بكل ثقة من 17000 الى 25000 كم اهم حاجة الى انت بتعمله ان المستوى ميقربش من العلامة الى تحت

اما بالنسبة لاحساس السخونية
بالنسبة للدواسة قصدك بتحس بالسخونية حوالين رجلك و لا لما فعلا تلمس الدواسة بايدك؟
و السخونية الى فى الصالون برضه بتحسها حوالين جسمك

عالعموم تاكد من اوضاع مفتاح اختيار دورة الهواء (فى وضعين : وضع هواء خارجى - وضع تدوير الهواء داخليا )
شوف هو على انهى وضع و جرب اعكسه
و برضه فى مفتاح اختيار توجيه الهواء ( لمنطقة الوجه - الوجه و الارجل - الارجل - البرابريز .....هكذا مع اختلافات من عربية لعربية)
اتاكد انه مش على وضع الارجل

مش عارف فى النيو اكسنت بس فى اللانوس (طبعا لا تقارن بالنيواكسنت بس حبيت اوضح عن تجربه) ساعات بعد مشوار و بعدين اركن شوية و ابطل و اجى اطلع تانى احس ان فى هبو سخن بس بيستمر لمدة قصيرة يمكن ثوانى و بعد كده بيختفى
و تفسيرى ان منطقة التابلوه الداخلية فى كل العربيات فيها سربنتينة السخان فلما تركن العربية بعد مشوار لوقت يكفى لتسخين الهواء المحيط بالسربنتينة و بياثر على الانفاق الداخلية الى فى التابلوه و بيسخنها حتى لو وضع المفتاح على الهواء البارد فلما تمشى السخونية بتطلع عليك مرة واحدة لمدة قصيرة عكس و العربية ماشية بتبقى السخونية غير ملحوظة بالمرة لانها مش حتاثر على انفاق الهواء بالدرجة المحسوسة (لو المفتاح على وضع البارد) لان الانفاق بيجرى فيها هواء متجدد عكس و العربية واقفة

المشاركة الأصلية كتبت بواسطة mohamedkshaf1 (المشاركة 250481)

إلى الاستاذ أحمد علي على فكرة احنا ما بنغيرش الزيت الا لما بيقول جاي ممكن يعدي الـ 10000 و اول اسبوعين ثلاثة من تغيير الزيت العربية بتسخن و بعدين ترجع تاني زي الاول و الجماعة اللي بيقولوا تغير الزيت كل 1500 ، 2000 ، 3000 كل كلام تجارة بس علشان الزيت يتباع و الله لأن دايما الي بيقولوا كده الصنيعية لكن من الافضل للعربية عدم تغيير الزيت لفترات طويلة كلام جد و عن ثقة وتجارب عديدة من تويوتا كرسيدا لمازدا لشاهين لهيونداي اكسيل لصني ،،،،،،،،، و لكم جزيل الشكر

المشاركة الأصلية كتبت بواسطة احمد على 1999 (المشاركة 255561)

الحمد لله و ربنا يبارك لك فيها