رد: سيارتي اكسنت 1500 بتقطع في السلانسيه ومبرجله ؟؟؟؟
 

معاك يا برنس

رد: سيارتي اكسنت 1500 بتقطع في السلانسيه ومبرجله ؟؟؟؟
 

حسام باشا .. فعلا وصلت لمكانهم بس للا سف معرفتش اخلعهم لانهم جامدين قوي وخفت اقرص عليهم ليتكسرو
بس فيه حاجه....انا جربت والعربيه دايره اني اخلع سلك بوجيه من مكانه من ناحية البوجيه لقيت سلك البوجيه بيطلع شرار من جميع الاتجاهات ومن الناحيه التانيه من السلك ( من ناحية البلاطه) .. ولقيت ده بيحصل مع كل سلك اخلعه
هل ممكن انه تكون السلوك بتهرب كهربا ولا ايه رأيك ؟؟؟؟

رد: سيارتي اكسنت 1500 بتقطع في السلانسيه ومبرجله ؟؟؟؟
 

طيب ..

طالما معرفتش تخلع فيش الرشاشات اخلع سلوك البوجيهات من الموتور (بنفس الطريقة)

وبرضه البستم اللى فيه رشاش مش شغال هو اللى مش هياثر على الموتور ..

وسلوك البوجيهات طالما بتعمل شراره تبقى كويسة وانت بتقول انك مغيرها جديد ومغير بوجيهات يبقى اكيد المشكله فى رشاش ..

جرب برضه وقولى ..

وعلى فكره ممكن تجيب رشاش لوحده استيراد بحوالى 50 جنيه

بس انت متاكد ان السلوك جديده ؟؟؟

وان شاء الله بسيطة ... متقلقش ....

رد: سيارتي اكسنت 1500 بتقطع في السلانسيه ومبرجله ؟؟؟؟
 

انا جربت يا باشا .. والظاهران المشكله مش في رشاش واحد بس .. في اكتر من رشاش.
بس احب ازود ملاحظه .. انه لما بدور العربيه الاحظ عداد ال rpm بيعلي ويوطي ويرعج يعلي ويوطي وكده لحد ما احس ان العربيه هاتطفي اروح لحقها بدوسة بنزين اسندها يعني ...
هل ده برده مرتبط بالرشاشات
علما ان المشكله كلها بتكون في اول الدواره والعربيه واقفه ومع السلانسيه ولكن بنتهي المشكله مع السرعه الغيار التالت مثلا
ومش بتفرق ان كانت العربيه سخنه والا بارده

رد: سيارتي اكسنت 1500 بتقطع في السلانسيه ومبرجله ؟؟؟؟
 

مينفعش يا باشا ..

لو اكتر من رشاش بايظ العربية مكنتش هتدور اساسا خالص ..

وعداد الار بى ام بيعلى ويوطى لان العربية مبرجله ومش ثابتة (لانها كده ماشيه ب 3 سلندر بس) والرابع مش بيحرق ...

انت المفروض بتجرب تشيل كل سلك لوحده .. لغايه ما ييجى سلك زى قلته مش هتفرق لما تشيله او تركبه يبقى هو ده السلندر اللى فيه المشكله (الرشاش الفاصل يعنى) ...

يعنى انت كل ما تفك سلك المفروض العربية تبرجل معاك اكتر وتطفى كده يبقى السلندر ده شغال وانت لما فصلته فصل لكن لما تشيل واحد وميفرقش حاجة يبقى هو اصلا فاصل ..

البوجيه شغال بس الرشاش مش بينزله بنزين ... فاهم قصدى ...

وعلى فكرة ماتمشيش بالعربية كده كتير لان غلط على الموتور والقواعد بتاعته هتبوظ من كتر الرجرجة ...

والمشكله دى بتخف مه السرعة لان الموتور بيكون اخد سرعته (حتى لو واقف وزودت بنزين هتلاقى الهزة راحت شويه بس برضه شغال ب 3 سلندر ...

والرشاش بتاع الاكسنت ب 50 جنيه على فكرة يعنى متقلقش منه و10 جنيه تركيب ...

رد: سيارتي اكسنت 1500 بتقطع في السلانسيه ومبرجله ؟؟؟؟
 

اشكرك علي التواصل وعلي المتابعه.. استفدت من المعلومات كتير .. وان شاء الله هاغير الرشاش وهارد عليك ايه اللي حصل